سايىن ساحارانى تۇلپار تۇياعى دۇبىرلەتتى

  • كەلۋ قاينارى: ىلە گازەتى
  • 03:47:57 05/06/2020

    موڭعۇلكۇرەنىڭ تۇتاس وڭىرلىك ساياحاتىن تانىستىرۋ جانە 2020 ـ جىلعى جۇڭحۋا ۇلتىنىڭ ات بايگەسى - شينجياڭ ات قوعامى تۇلپارلار جەلىلەس جارىسى قىزۋ مەرەيمەن باستالدى

    

    

 

    5 ـ ايدىڭ 30 ـ كۇنى جاسىل جەلەك جامىلعان ءور تەكەستەگى جالپى وڭىرلىك ساياحاتتى تانىستىرۋ جانە 2020 ـ جىلعى جۇڭحۋا ۇلتىنىڭ ات بايگەسى - شينجياڭ ات قوعامى (موڭعۇلكۇرە پۋنكتى) تۇلپار جەلىلەس بايگەسىنىڭ شىمىلدىعى موڭعۇلكۇرە تۇلپار ساياحات - مادەنيەت باقشاسىندا اشىلدى. وسى رەتكى جەلىلەس ات بايگەسىنىڭ وتكىزىلۋى - بايگە ىستەرىن ساياحات ۇگىتىن جالپىلاستىرۋمەن، ەرەكشە اۋىل شارۋاشىلىق ونىمدەرىن تىكە تارالىمدا تانىستىرۋمەن تىعىز ۇشتاستىرىپ، موڭعۇلكۇرەنىڭ تۇلپار بايگە ىستەرىنە دەم بەرىلىپ، موڭعۇلكۇرەنىڭ ساياحات بايلىعىن بايىتىپ، موڭعۇلكۇرە مادەنيەت - ساياحاتىنىڭ جاڭا دەڭگەيىن جوعارىلاتىپ، موڭعۇلكۇرەنىڭ جالپى وڭىرلىك ساياحاتى مەن وسى زامانعى جىلقى تۇلىگى شارۋاشىلىعىنىڭ دامۋىن ىلگەرىلەتتى.

    جۋىق جىلداردان بەرى موڭعۇلكۇرە اۋداندىق پارتكوم مەن ۇكىمەت مول جىلقى شارۋاشىلىعى بايلىعىنا سۇيەنىپ، مەملەكەتتىك ەكولوگيالىق وركەنيەت قۇرىلىسىنداعى ۇلگىلى اۋدان، مەملەكەتتىك تۇتاس وڭىرلىك ساياحاتتان ۇلگى كورسەتۋ رايونى اتاعىنان تولىق پايدالانىپ، ىلە جىلقىسىنىڭ ۇدايىلانعان بايگە ىستەرىن جولعا قويىپ، جىلقى شارۋاشىلىعىنىڭ توعىسپالى دامۋ دەڭگەيىن جوعارىلاتتى.

    سول كۇنى وتكىزىلگەن جەلىلەس بايگەدە تاي، قۇنان، بەستىلەردىڭ مىڭ مەترلىك، 2 مىڭ مەترلىك بايگەسى، اتتاردىڭ 5 مىڭ مەترلىك بايگەسى وتكىزىلدى، كەكىلىن جەل ايمالاعان تۇلپارلار تۇياعىنىڭ ءدۇبىرى، اسقارالى اق باسىن قار شالعان سايىن ساحارا جەر ـ جەردەن كەلگەن ساياحاتشىلاردى دالا تابيعاتىنان ءلاززاتتاندىردى. بۇل رەتكى بايگە ەكى اپتادا ءبىر مايداننان ءوتىپ، 9 - ايعا دەيىن جالعاسادى. بايگە ىستەرىنىڭ ۇنەمىلىك وتكىزىلۋى تۇتىنۋدى دامىتىپ قالماستان، ساياحاتشىلاردىڭ ات بايگەسىن تاماشالاۋىنا دا مۇمكىندىك ازىرلەدى.

    سۋرەتتە: بايگە الاڭىنان كورىنىس.

    موڭعۇلكۇرە توعىسپالى مەدياسى سۋرەتتى حابارى

جاۋاپتى رەداكتور: جازيرا بولاتباي قىزى