ۇزاق ۋاقىتتىق جوسپار جاسادى، نەگىزدى بەكەمدەۋ شاراسىن اتقاردى

  • كەلۋ قاينارى: شينجياڭ گازەتى تورابى
  • 04:15:16 05/06/2020

    ستيلدى شىڭداپ، جاۋاپكەرلىكپەن ءىس تىندىردى

    ”ساياسيدا تاباندى، قابىلەتى كۇشتى، ستيلى جاقسى جوعارى ساپالى كادرلار قوسىنىن قۇرۋ كەرەك“. باس شۋجي شي جينپيڭنىڭ تاپسىرماسى شىنايى ىقىلاسپەن ايتىلعان. بۇكىل رايون ستيلدەگى كورنەكتى ماسەلەلەردى شەشۋدەن باستاپ كىرىسىپ، كادرلار قوسىنىنىڭ ساپاسىن جوعارىلاتۋدا، نەگىزگى ساتى ۇيىمدارىنىڭ جاۋىنگەرلىك قۋاتىن ارتتىرۋدا، جاڭا جاعدايداعى بۇقارالىق قىزمەت قابىلەتىن جوعارىلاتۋدا تياناقتاندىرۋى، رەفورما، دامۋ، ورنىقتىلىق قىزمەتتەرىن ويداعىداي ىستەۋگە تياناقتاندىرۋى كەرەك.

    2014 - جىلدان بەرى ورىستەتىلگەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىندە قىستاقتا تۇرعان قالىڭ كادرلار ءبىر ميليون 600 مىڭنان استام (رەت) قيىن ماسەلەنى شەشىپ، حالىققا قىزمەت ەتىپ، ەڭ جوعارى شەكتە جۇرت تىلەگىنە قول جەتكىزىپ، جۇرت تىلەگىن ۇيىستىرىپ، پارتيانىڭ شينجياڭدا بيلىك جۇرگىزۋىنىڭ ساياسي نەگىزىن ونان ارى بەكەمدەدى.

    ”ءۇش ءوڭىر، ءۇش وبلىس“ قاتارىنداعى اۋىر كەدەي ءوڭىر وڭتۇستىك شينجياڭنىڭ 4 ايماق - وبلىسىندا ءالى دە قالپاعى الىنباعان 10 اۋدان بار، بيىل ءار دارەجەلى پارتيالى كادرلار ءار ۇلت بۇقاراسىن باستاپ قايراتتانا ۇمتىلىپ، ۋاقىتپەن جارىسىپ، ۋاقىتتى ۇتا كەدەيلىكتەن ارىلتۋدان قامال الۋ قىزمەتىنە كىرىسىپ، باس نىسانادان جازباي، سايلاۋىت قوسىنمەن شايقاسقا اتتانىپ، ”كەدەيلىكتەن ارىلتۋدىڭ جاۋاپ قاعازىن“ قۇلشىنا جازدى.

    ”كەدەيلىكتەن ارىلتۋدان قامال الۋدىڭ شەشۋشى شايقاسى شەشۋشى ساتكە ءوتىپ، قالىڭ پارتيالى كادرلار كەدەيلىكتەن ارىلىپ، قالپاقتى الىپ تاستاۋدىڭ تىرەگى مەن سەركەسىنە اينالدى“، - دەدى قاشقار ايماقتىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشىسى جىڭ گىنچاڭ.

    جىلدىڭ ءولاراسىندا توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى قالىپتى ءوندىرىس، تۇرمىس ءتارتىبىن ءبۇلدىرىپ، قالىڭ پارتيالى كادرلار جونىنەن قاتاڭ سىناق بولدى.

    ىندەت − بۇيرىق، ساقتانۋ - تىزگىندەۋ − جاۋاپكەرشىلىك.

    بۇكىل رايونداعى ءار دارەجەلى نەگىزگى ساتى پارتيا ۇيىمدارى مەن قالىڭ پارتيا مۇشەلەرى بەلسەنە ءۇن قوسىپ، جىلدام ارەكەتتەنىپ، اتويلاپ الدا ءجۇرىپ، ىندەتتەن ساقتانۋ - تىزگىندەۋدىڭ شارالارىن ءاربىر مالىگە دەيىن، ءاربىر اۋىل - قالاشىققا دەيىن تياناقتاندىرىپ، ءاربىر الەۋمەتتىك اۋماققا دەيىن، ءاربىر قىستاققا دەيىن، ءاربىر وتباسىنا دەيىن تياناقتاندىردى. اسەرلى ىستەر ساناپ تاۋىسقىسىز بولدى، ساقتانۋ - تىزگىندەۋ ناتيجەسىن جۇرتتىڭ ءبارى كوزىمەن كوردى.

    بۇگىنگىگە زەر سالىپ، الىسقا كوز جىبەرىپ، ەكپىندەي العا تارتتى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، شينجياڭداعى ءار دارەجەلى پارتيا ۇيىمدارى 25 ميلليون ءار ۇلت كادر - بۇقاراسىن جۇدىرىقتاي جۇمىلۋعا ىنتىماقتاستىرىپ جانە باستاپ، قايراتتانا شايقاسىپ، تيانشاننىڭ تۇستىگى مەن تەرىستىگىندە جاڭا ءداۋىردىڭ ايبىندى كورىنىسىن كەسكىندەۋدە.

جاۋاپتى رەداكتور: جازيرا بولاتباي قىزى