ىشكى سۇرانىمدى كەڭەيتۋ ستراتەگياسىن تاباندىلىقپەن اتقارايىق

  • كەلۋ قاينارى: ىلە گازەتى
  • 20:11:42 05/06/2020

    پارتيا 18 - قۇرىلتايىنان بەرى حالىقارالىق فينانس داعدارىسىنان كەيىن دۇنيە ءجۇزى ەكونوميكاسى تەرەڭدەۋ مەزگىلىنە ويىسقان جانە ەل ءىشى ەكونوميكاسىنىڭ «ءۇش مەزگىل قاباتتاسقان» جاڭا جاعدايى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ەلىمىز ەكونوميكاسى دامۋىنىڭ كەزەڭدىك وزگەرىس ەرەكشەلىگىن دۇرىس يگەرىپ، سىرتقا ەسىك اشۋ دەڭگەيى مەن جۇيەسىن ۇزدىكسىز جوعارىلاتۋمەن بىرگە، دەربەس جاڭالىق جاراتۋدى جانە ىشكى سۇرانىمدى كەڭەيتۋدى تياناق ەتىپ، شارۋاشىلىقتىڭ تيپىن وزگەرتىپ، دارەجەسىن ءوسىرۋدى جانە قامداۋ جۇيەسىن ساپالاندىرۋدى جەبەپ، ەلىمىز ەكونوميكاسىنىڭ ۇزاق ۋاقىت جاقسى دامۋ اۋقىمىن ۇزدىكسىز بەكەمدەپ، ەلىمىز ەكونوميكاسىنىڭ جوعارى ساپالى دامۋ ارناسىنا ءتۇسۋىن ىلگەرىلەتۋدە.

    بۇدان، ىشكى سۇرانىمدى كەڭەيتۋ ستراتەگياسىن باتىل اتقارۋ كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىنا توتەپ بەرىپ، ەكونوميكانىڭ ارتۋىن تەز قالپىنا كەلتىرۋدەگى ماڭىزدى شارا بولىپ قالماستان، ونىڭ ۇستىنە ەلىمىز ەكونوميكاسىنىڭ ۇزاق ۋاقىت ورنىقتى، اقاۋسىز دامۋىن ساقتاۋداعى ستراتەگيالىق ورنالاستىرۋى بولىپ تابىلادى. دۇنيە جۇزىندەگى ەكىنشى ءىرى ەكونوميكالىق تۇلعا، ءبىرىنشى ءىرى ونەركاسىپ ەلى جانە زات ساۋداسى ەلى بولعان ەلىمىز ەكونوميكاسىنىڭ ۇزاق ۋاقىتتىق دامۋى ىشكى سۇرانىمدى ۇزدىكسىز كەڭەيتۋگە سۇيەنەدى، استە، سىرتقى قاجەتكە سۇيەنۋى مۇمكىن ەمەس. ىشكى سۇرانىمدى كەڭەيتۋ ستراتەگياسىن باتىل اتقارۋ _ ءارى ەل ءىشى بازارىن جەتىلدىرىپ جانە دامىتىپ، ءارى ەلگە اناعۇرلىم كوپ ءوزارا پايدا جەتكىزىپ، تەڭ يگىلىككە كەنەلۋ ورايىن جاراتىپ، ءىشىنارا ەلدەردىڭ سىڭار جاقتىلىعى مەن قورعانىمپازدىعىنا توتەپ بەرۋدىڭ ءونىمدى جولى.

    ىشكى سۇرانىمدى كەڭەيتۋ ستراتەگياسىنىڭ ماڭىزدى ءمانىن ىشكەرىلەي ءتۇسىنۋ جانە يگەرۋ كەرەك

    ەلىمىزدە ءبىر ميلليارد 400 ميلليون ادام بار بولىپ، ورتاشا كىرىستەگىلەر 400 ميلليوننان اسادى، بۇكىل جەر شارىنداعى ءوسىپ - جەتىلۋ سيپاتتى تۇتىنۋ بازارىنا يە. سونىمەن بىرگە، ەلىمىز كەمەلدى كاسىپ جۇيەسى جانە جەتكىلىكتى فاكتورداعى قامداۋعا يە، جاڭاشا ونەركاسىپتەندىرۋ، ينفورماتسيالاندىرۋ، قالا - قالاشىقتاندىرۋ، اۋىل شارۋاشىلىعىن وسىزامانداندىرۋ جەدەل دامۋ ساتىسىندا تۇر، مەيلى عىلىم - تەحنيكادا جاڭالىق جاراتۋ جانە كاسىپ دارەجەسىن جوعارىلاتۋ بولسىن، مۇنىمەن قوسا نەگىزدىك قۇرىلعىلار تورابىن كەمەلدەندىرىپ، جاڭاشا نەگىزدىك قۇرىلعىلار قۇرىلىسىن ىلگەرىلەتىپ، قالا مەن اۋىلدىڭ، وڭىرلىك سايكەستى دامۋىن جەبەۋ، ەكولوگيالىق وركەنيەت قۇرىلىسىن كۇشەيتۋ، قوعامدىق ىستەردىڭ ولقىلىقتارىن تولىقتاۋ جاعىندا قارجى قوسۋدىڭ وراسان زور كومەسكى كۇشى مەن سۇرانىسى بار. ىشكى سۇرانىمدى ۇلعايتۋ ستراتەگياسىن تاباندىلىقپەن اتقارساق، ىشكى سۇرانىمدى كەڭەيتۋ ستراتەگياسىنىڭ ماڭىزدى ءمانىن تەرەڭ ءتۇسىنىپ جانە يگەرىپ، ەلىمىزدىڭ ەرەن كولەمدى بازار ابزالدىعى مەن كۇشتى سۇرانىمنىڭ كومەسكى كۇشىن تولىق ساۋلەلەندىرسەك، سوندا عانا ەكونوميكانىڭ باياندى، اقاۋسىز دامۋىن جۇزەگە اسىرۋعا بولادى.

جاۋاپتى رەداكتور: جازيرا بولاتباي قىزى