ىشكى سۇرانىمدى كەڭەيتۋ ستراتەگياسىن تاباندىلىقپەن اتقارايىق

  • كەلۋ قاينارى: ىلە گازەتى
  • 20:11:42 05/06/2020

    قامداۋ جاعىنداعى قۇرىلىمدىق رەفورما سىندى نەگىزگى جەلىنى مىقتاپ ارقاۋ ەتۋ كەرەك. ىندەتتىڭ سوققىسىنا توتەپ بەرۋ جاعدايىندا ىشكى سۇرانىمدى كەڭەيتۋ ستراتەگياسىن اتقارۋدا قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، قامداۋ جاعىنداعى قۇرىلىمدىق رەفورمانى تەرەڭدەتۋ مەن ىشكى سۇرانىمدى كەڭەيتۋ ستراتەگياسىن ۇتىمدى ۇشتاستىرۋ كەرەك ءارى قاجەتتى ساياساتتىق قولداۋ ارقىلى ەل ىشىندەگى تۇتىنۋ مەن ءونىمدى قارجى قوسۋ قاجەتىن كەڭەيتىپ، كاسىپورىنداردىڭ ءوندىرىستى، جۇمىستى قالپىنا كەلتىرىپ، ءوندىرىس ونىمدەرىن وندىرۋىنە بازار سۇرانىسىن جاراتۋ؛ ءارى كاسىپورىنداردى ءونىم، قىزمەت وتەۋ جانە قامداۋ ۇلگىسىندە جاڭالىق اشۋعا جەتەكتەپ، كوپ ۇيەكتى جانە جاپپاي جاڭالانىپ وتىرعان بازار سۇرانىسىن قاناعاتتاندىرۋ كەرەك. ءونىم جانە قىزمەت وتەۋ ساپاسىن جاپپاي جوعارىلاتۋ _ قامداۋ جۇيەسىنىڭ ساپاسىن وسىرۋدەگى وزەكتى مىندەت ءارى تۇتىنۋ بازارى مەن تۇتىنۋ قۇرىلىمىنىڭ دارەجەسىن جوعارىلاتۋدىڭ ماڭىزدى جەتەكشىسى؛ تۇلعالىق شارۋاشىلىقتىڭ، اسىرەسە، جاساۋ كاسىبىنىڭ دامۋ ورەسىن اناعۇرلىم جوعارىلاتۋ - قامداۋ جۇيەسىنىڭ ساپاسىن جوعارىلاتۋدىڭ نەگىزگى شايقاس مايدانى ءارى تۇرعىنداردىڭ كۇن سايىنعى ءتۇرلى تۇتىنۋ قاجەتىن قاناعاتتاندىرۋدىڭ پارمەندى تىرەگى؛ نەگىزدىك قۇرىلعىلاردىڭ توراپتانۋ، زەردەلىلەنۋ دەڭگەيىن جوعارىلاتۋ − قامداۋ جۇيەسىنىڭ ساپاسىن جوعارىلاتۋدىڭ نەگىزگى كەپىلى ءارى ءونىمدى قارجى قوسۋدى كەڭەيتۋدەگى ءتۇيىندى سالا. سوندىقتان ىشكى سۇرانىمدى كەڭەيتۋ ستراتەگياسى - قاجەتسىنۋدى رەتتەۋ شاراسى ءارى قامداۋ جۇيەسىنىڭ ساپاسىن جوعارىلاتۋعا جەتەكشىلىك ەتەتىن «دەم بەرۋشى».

    رەفورما ادىستەرىن قولدانۋعا شەبەر بولۋ كەرەك. ەكونوميكانىڭ قىسىمى قانشالىق زور بولعان سايىن، ورايدى قولدان بەرمەي رەفورمانى ىلگەرىلەتىپ، دامۋ بارىسىنداعى ماسەلەلەردى رەفورما ادىسىمەن شەشۋگە شەبەر بولۋ كەرەك. ىشكى سۇرانىمدى ۇلعايتۋ ستراتەگياسىن باتىل اتقارۋدا ءارى قازىنالىق اقشا ساياساتىنىڭ تەبىنىن ارتتىرىپ، قارجى قوسۋ، تۇتىنۋ سياقتى ساياساتتىق تاسىلدەردى ءبىرتۇتاس پايدالانىپ، ىشكى سۇرانىمدى كەڭەيتىپ، ەكونوميكالىق جاعدايدى ورنىقتىرۋ كەرەك؛ رەفورما ادىستەرىنەن كوبىرەك قولدانىپ، ماڭىزدى فاكتورلاردى بازارلاندىرىپ ورنالاستىرۋ ءتۇزىلىسى مەحانيزمىن كەمەلدەندىرۋ سياقتى شارالار ارقىلى حالىقتىق قارجىلاندىرۋدىڭ، ورتاشا، شاعىن كاسىپورىنداردىڭ، جاڭادان گۇلدەنگەن كاسىپتەردىڭ دامۋ ومىرشەڭدىگىن تاسقىنداتۋ كەرەك. سونىمەن بىرگە، ءۇي ساۋدالاۋعا ەمەس، تۇرۋعا ارنالعان دەگەن تۇرعىعا تاباندى بولۋ كەرەك. سوندىقتان ىشكى سۇرانىمدى كەڭەيتۋ ستراتەگياسى بۇرىنعى ساياساتتاردىڭ قاراپايىم كوشىرمەسى ەمەس، قايتا ىشكى جاقتا رەفورمانى جاپپاي تەرەڭدەتۋدىڭ جالپىلىق شاراسى، قازىرگى جاعدايعا دا، ۇزاق بولاشاققا دا پايدالى.

    كاسىپ تىزبەگى مەن قامداۋ تىزبەگىنىڭ ورنىقتىلىعىن قامتاماسىزداندىرۋ كۇشەيتىلەدى. ەلىمىز ونەركاسىپ جۇيەسى كەمەلدى، 200 نەشە ءتۇرلى ونەركاسىپ ونىمدەرىنىڭ ءونىم مولشەرى دۇنيە ءجۇزى بويىنشا ءبىرىنشى ورىندا تۇرادى، دۇنيە جۇزىندەگى ب م ۇ - نىڭ كاسىپتەردى تۇرگە ايىرۋداعى بارلىق ونەركاسىپتى نەگىز ەتكەن بىردەن - ءبىر مەملەكەت؛ استىق حاۋىپسىزدىگى دە تولىق قامتاماسىز ەتىلدى. ەلىمىزدىڭ كاسىپ تىزبەگى مەن قامداۋ تىزبەگىنىڭ ورنىقتىلىق ورەسى ءبىرشاما جوعارى، مۇنداي باسىمدىلىق جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بارىسىندا كورنەكتى بولىپ، ەكونوميكالىق دامۋ بارىسىندا مولشەرلەۋگە بولمايتىن ماڭىزدى رول اتقارادى. سوندىقتان ىشكى سۇرانىمدى ۇلعايتۋ ستراتەگياسىن اتقارۋدا تۇتىنۋ، قارجى قوسۋ سياقتى قاجەتسىنۋ جاعىنا كۇش سالۋدا، قامداۋ جاعىنا دا كۇش سالۋ كەرەك. كاسىپ تىزبەگىنىڭ سايكەستى جۇمىس، ٴوندىرىستى قالپىنا كەلتىرۋىن، ٴونىمدى جوعارىلاتۋىن ىلگەرىلەتتى. اۋىل شارۋاشىلىعىنىڭ نەگىزدىك ورنىن بەكەمدەپ، جاڭا گۇلدەنگەن كاسىپتەر مەن ءداستۇرلى كاسىبىنىڭ، جاساۋ كاسىبى مەن قىزمەت وتەۋ كاسىبىنىڭ توعىسپالى، ىقپالداس دامۋىن جەبەۋ كەرەك. تۇلعالىق شارۋاشىلىق، عىلىم - تەحنيكادا جاڭالىق اشۋ، وسىزامانعى فينانس، ادام كۇشى بايلىعى سايكەستى داميتىن وسىزامانعى شارۋاشىلىق جۇيەسىن قۇرۋدى جەدەلدەتۋ كەرەك.

جاۋاپتى رەداكتور: جازيرا بولاتباي قىزى