مامانداردىڭ ەسكەرتۋى: زاپاس ماسكى دايىنداپ، اۋرۋدىڭ جۇعۋىنان ساقتانايىق

  • كەلۋ قاينارى: شينجياڭ گازەتى تورابى
  • 01:11:22 09/06/2020

    «قاۋىمنىڭ ماسكانى عىلمي تارتۋ باعدارناماسى (وزگەرىس ەنگىزىلگەن نۇسقاسى)» تاياۋدا جاريالاندى

    مامانداردىڭ ەسكەرتۋى: زاپاس ماسكا دايىنداپ، اۋرۋدىڭ جۇعۋىنان ساقتانايىق

    گازەتىمىزدىڭ جالپىلىق اقپارات قۇرالدارى ءتىلشىسى يۋان لەي

    

    قازىر رايونىمىزدىڭ ىندەتتەن ساقتانۋ - تىزگىندەۋى ۇدايىلانۋ ساتىسىنا قادام تاستادى، سونىمەن بىرگە جازدىڭ شىلىڭگىر ىستىعى دا جەتىپ كەلدى، وسىنداي جاعدايدا، ادامداردىڭ ماسكا تارتۋىنىڭ قاجەتى بار ما، جوق پا؟

    جاقىندا، بۇرىن باسىپ تاراتىلعان «قاۋىمنىڭ ماسكانى عىلمي تارتۋ باعدارناماسى» نەگىزىندە، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى جاڭا تيپتى ايدارشا ۆيرۋس وكپە قابىنۋ ىندەتىنىڭ ”قاتەرى تومەندەۋ رايوندارعا“ ۇيلەسەتىن «قاۋىمنىڭ ماسكانى عىلمي تارتۋ باعدارناماسىن (وزگەرىس ەنگىزىلگەن نۇسقاسى)» تاعى باسىپ تاراتىپ، كەزەكتەگى ىندەتتەن ساقتانۋ - تىزگىندەۋدى ۇدايىلاندىرۋ اۋقىمىندا جانە جۇمىستى، ءوندىرىستى، وقۋدى، ساباقتى جاپپاي قالپىنا كەلتىرۋ جاعدايىندا، قاۋىمنىڭ ماسكانى قالاي تارتۋىن ءتۇيىندى تۇردە ەگجەي - تەگجەيلى تۇرگە ايىردى. 6 - ايدىڭ 6 - كۇنى اۆتونوميالى رايوندىق اۋرۋدان ساقتانۋ جانە تىزگىندەۋ ورتالىعىنىڭ زارارسىزداندىرۋ، جۇعىمدالۋدى تىزگىندەۋ ورتالىعىنىڭ مەڭگەرۋشىسى، تارالمالى اۋرۋلار ءىلىمىنىڭ اعا شيپاگەرى ياڭ حۇڭساي بۇل جونىندە تۇسىنىك جاسادى.

    قازىر قانداي جاعدايدا ماسكا تارتپاسا بولادى؟

    ياڭ حۇڭساي تانىستىرىپ بىلاي دەدى: ادەتتەگى قاۋىم جونىنەن، تومەندەگى جاعدايدا ماسكا تارتپاسا بولادى: ۇيىندە وتىرعاندا، ۆەلوسيپەد مىنگەندە، اۆتوكولىك ايداعاندا، دالا، باقشا سياقتى اشىق، كەڭ ورىنداردا ماسكا تارتپاسا بولادى، ايتسە دە قاشاندا ءبىر ماسكانى جانىنان تاستاماي الا ءجۇرۋدى ۇسىنىس ەتەمىز. الەۋمەتتىك ورىنداردا كوپشىلىكتىڭ ءبىر مەتردەن ارتىق قوعامدىق قارىم - قاتىناس حاۋىپسىز قاشىقتىعىن ساقتاۋىن ۇسىنىس ەتەمىز.

    قازىر رايونىمىزداعى كوپتەگەن بولمەلىك الەۋمەتتىك ورىندار، ايتالىق، مۇراجاي، دەنە تاربيە سارايى، دەنە شىنىقتىرۋ ءۇيى سياقتىلار قايتا اشىلدى، وسى ورىنداردا، سونداي - اق ەرەن بازار، اسحانا، ساۋدا سارايى سياقتى ورىنداردا، ەگەر ادامدار توپتاسپاسا، اۋانىڭ الماسۋى جاقسى بولسا، ءبىر مەتردەن ارتىق حاۋىپسىز قاشىقتىق ساقتاعاندا ماسكا تارتپاسا بولاتىندىعىن ۇسىنىس ەتەمىز. كوپشىلىك قاشاندا ءبىر ماسكانى جانىنان تاستاماي الا جۇرسە بولادى.

    ياڭ حۇڭساي مىنانى ەسكەرتتى: دەنە شىنىقتىرعاندا ادام دەنەسىنىڭ وتتەگى قاجەتسىنۋى ارتىپ، اناعۇرلىم كوپ وتتەگىن سىمىرەدى، ماسكا تارتقاندا وتتەگىن دەر كەزىندە سىمىرە الماي، وتتەگى جەتىسپەي، وكپەنى زاقىمدايدى، كوپشىلىكتىڭ دەنە شىنىقتىرعاندا ماسكا تارتپاۋىن ۇسىنىس ەتەمىز.

جاۋاپتى رەداكتور: جازيرا بولاتباي قىزى