ومىرلىك داڭق، ماڭگىلىك جاۋاپكەرلىك

  • كەلۋ قاينارى: ىلە گازەتى
  • 19:48:35 10/06/2020

    5 – ايدىڭ 21 ـ كۇنى تۇستەن كەيىن كۇنەس اۋدانى المالى قالاشىعى ەگىن شارۋاشىلىعىن كوركەيتۋ، ەگىن شارۋاشىلىق ماشينالارى، ەگىنشىلەر كاسىپتىك سەلبەستىك كووپەراتيۆىنىڭ ۇلگى كورسەتۋ اتىزىندا 100 مۋ مۋدان گۇلى ەندى عانا جايقالا اشىلىپ، ماقسارىلار قۇلپىرا باستادى، جايناعان كۇنباعىستار بەينە ەگىنشىلەردىڭ ۇمىتىندەي كەڭ اتىزدا سامال جەلمەن تاربەلۋدە. اق قىشى، ريم كۇرەڭكەيى، جاڭعاق، ورىك سياقتى ەرەكشە داقىلدار مەن جەمىس اعاشى نەشە ۇرپاققا جالعاسقان شارۋالار ارمانىنا قانات ءبىتىرىپ، ولارعا ۇزدىكسىز تىڭ ٴۇمىت باعىشتادى .

    «بىلتىر قاربىز ەگىپ، مۋىنان ءبىر مىڭ 500 يۋان اينالاسىندا كىرىس كىرگىزدىم. مۋدان گۇلى جاقسى بولسا ٴار مۋىنان كىرەتىن پايدا 4 – 3 مىڭ يۋان اينالاسىندا بولادى». تاياۋ جىلداردان بەرى ۋاڭ جيانجۇن ۇلگى كورسەتۋ اتىزىنا كوبىرەك نازار اۋداردى. ول جونىنەن العاندا، جوعارى ٴونىمدى ەگىس داقىلدارىن ۇزدىكسىز سىناق ەتۋ - اۋىلداستارىن اۋقاتتاندىرۋعا ويداعىداي جەتەكشىلىك ەتۋدىڭ جولى بولاتىن .

    سول كۇنى المالى قالاشىعى تاقىربۇلاق قىستاعىنىڭ تۇرعىنى ۇلان ٴالمۇرات ۇلى مەن ەلنۇر ٴجۇنىسقان ۇلى سەلبەستىك كووپەراتيۆىندە ەگىنشىلىك ماشينالارىن جوندەپ جاتقان، ەكەۋى دە جەرگىلىكتى ورىنداعى ارحيۆتەستىرىلىپ، كارتوچكالاندىرىلعان كەدەي وتباسى مۇشەسى ەدى ٴارى ەكەۋى دە ۋاڭ جيانجۇننىڭ سۇيەمەلدەۋىندە ونەرسىز جاي ادامنان ٴوز الدىنا جۇمىس ىستەيتىن تراكتورشىعا جانە ەگىنشىلىك ماشينا جوندەۋشىسىنە اينالعان. ۋاڭ جيانجۇن: «بۇل جىگىتتەردىڭ ماعان ىلەسكەنىنە 10 جىلداي بولدى، ولاردى ۇلىمداي كورەمىن. سەلبەستىك كووپەراتيۆى قۇرىلعاننان بەرى 9 – 8 بوزبالا مەنىڭ ارقامدا جۇمىستانىپ، ءۇي سالىپ، شاڭىراق كوتەردى، قازىر ولاردىڭ ءۇيلى - باراندى بولعانىن، كاسىپتەنگەنىن كورىپ ىشتەي قۋانامىن» دەدى.

    ۇلان: «ۋاڭ جيانجۇن اكەم سياقتى، ەسەيىپ ـ ەرجەتۋىمە كومەكتەستى، تەحنيكا ۇيرەتتى. قازىر ايلىق كىرىسىم 6 - 5 مىڭ يۋان، كەدەيلىكتەن دە ارىلدىم» دەدى. بىلتىر ۇلاننىڭ باۋىرى ۇيلەنگەندە ۋاڭ جيانجۇن وعان 20 مىڭ يۋان قارىز بەرىپتى. وتكەن ايدا ەڭبەكاقى تاراتىلعاندا، ۋاڭ جيانجۇنگە 5 مىڭ يۋان قايتارادى ٴارى كەلتە حات جولداپ ۋاڭ اعايعا العىس ايتادى. ۋاڭ جيانجۇن: «ولارعا قارىزىمدى قايتارىڭدار دەمەسەم دە، ولاردىڭ بۇل ارەكەتى مەنى قاتتى اسەرلەندىردى» دەدى.

    ۋاڭ جيانجۇن دە كوپ بەينەت تارتقان، 11 جاسىندا اكەسى قايتىس بولىپ، ٴبىر اعاسى، ەكى باۋىرى، ٴبىر قارىنداسى، ٴبىر ۇيدەگى التى جاننىڭ تۇرمىسى شەشەسىنە قاراعان، تۇرمىس قيىنشىلىعىن كوپ تارتقان ەكەن. كاسىپ اشۋدى تىلگە تيەك ەتكەندە ۋاڭ جيانجۇن وتكەندى ەسكە الىپ: «كەزىندە وتباسىمىز قيىنشىلىق قىسپاعىندا قالدى، ورتالاۋ مەكتەپتەن كەيىن وقي المادىم، ويتكەنى، ەرتەرەك اقشا تاۋىپ، شەشەمنىڭ اۋىرتپالىعىنا كومەكتەسۋدى، ٴىنى ـ قارىنداستارىمدى وقىتۋدى ويلادىم» دەدى.

جاۋاپتى رەداكتور: گۇلدەن ماقسات قىزى