ومىرلىك داڭق، ماڭگىلىك جاۋاپكەرلىك

  • كەلۋ قاينارى: ىلە گازەتى
  • 19:48:35 10/06/2020

    وتكەن عاسىردىڭ 80 - جىلدارىنىڭ سوڭىن الا اۋىل - قىستاقتا جاڭادان اتقارىلعان وتباسىلىق كوتەرمەگە الۋ جاۋاپكەرلىك ءتۇزىمىنىڭ اتقارىلعانىنا دا ۇزاق بولماعان. ۋاڭ جيانجۇن جول جوندەۋ جۇمىس ورنىندا شاعىل تاسىپ جۇرگەن ءتورت دوڭگەلەكتى شاعىن تراكتوردى كورىپ، ءتورت دوڭگەلەكتى تراكتور وتباسى تىرلىگىن وڭاۋدىڭ شىعار جولى بولار دەپ ويلايدى. سونىمەن ول 4 مىڭ يۋان قارىز الىپ، ەكىنشى قول كىشى تۇرپاتتى ءتورت دوڭگەلەكتى تراكتور ساتىپ الىپ، ەرتە تۇرىپ، كەش جاتىپ، تىرشىلىك كۇيبەڭىمەن ابىگەرلەندى. «ول كەزدە قۇرىلىس ورنىنا شاعىل، ماتەريال جەتكىزىپ، ٴبىر كۇندە 40 يۋان كىرىس كىرگىزەتىنبىز، اعام قىستاقتا حالىق وقىتۋشىسى ەدى، ٴبىر ايدا ارەڭ 48 يۋان الاتىن، سوندىقتان مەنىڭ كىرىسىم كوڭىل كونشىتەرلىكتەي بولدى. ۋاڭ جيانجۇن وسىلايشا العاشقى اقشا قورىن جيناي باستادى. 1990 - جىلعا كەلگەندە ولاردىڭ ٴۇيى المالى قالاشىعى تاقىربۇلاق قىستاعى بويىنشا تۇڭعىش تاس كەرپىش جانە بەتونمەن قالانعان ەڭسەلى ٴۇي بولدى.

    ون جىل ىشىندە ۋاڭ جيانجۇن توپىراق كۇرەۋىش ماشينا، تراكتور، ٴشوپ تايلاۋ ماشيناسى سياقتى ەگىنشىلىك ماشينا - جابدىقتارىن ساتىپ الىپ، كوكتەمدە ەگىن ەگىپ، كۇزدە ءونىمىن جيىپ وتىردى. جەر جىرتۋ، ٴشوپ شابۋ جۇمىستارىن تىندىردى. 2006 - جىلدان 2009 - جىلعا دەيىن ول ەگىنشىلىك ماشينالارىن ساتىپ العاندا 290 مىڭ يۋاننان استام مەملەكەتتىڭ ەگىنشىلىك ماشينالارى قوسىمشا قاراجاتىنان يگىلىكتەندى.

    «ءبىز دە ەگىنشىمىز، ەگىنشى بولۋدىڭ قيىنىن بىلەمىز، كوكتەمگى ەگىسى بار، كۇزگى ءونىم الۋى بار، ءبارى دە ەڭبەكتەنۋدى قاجەت ەتەدى». ۋاڭ جيانجۇن ەگىنشىلەردىڭ جاپا - ماشاقاتىن شىنايى ءتۇسىنىپ، اۋىلداستار اراسىنداعى سۇيىسپەنشىلىكتى بارىنشا قاستەرلەيدى، اۋىلداستاردىڭ دا كۇندەرىن جاقسى وتكىزۋىن كوكسەيدى. 2010 - جىلى ۋاڭ جيانجۇن ەگىن شارۋاشىلىعىن دامىتۋدىڭ جاڭا ورايىن مىقتى يگەرىپ، قىستاقتا ەگىن شارۋاشىلىعىن كوركەيتۋ، ەگىن شارۋاشىلىق ماشينالارى، شارۋالار كاسىپتىك سەلبەستىك كووپەراتيۆىن الدىمەن قۇرادى .

    العاشىندا كوپتەگەن ادام سەلبەستىك كووپەراتيۆىن تۇسىنبەي، «تاي قازاننان تاماقتانۋ» داۋىرىنە قايتا ورالامىز با؟ دەپ الاڭدايدى. ۋاڭ جيانجۇن شوعىرلى شارۋاشىلىق پەن كولەمدەنگەن دامۋدىڭ ەسەلەپ ارتۋ اسەرىن امالياتتا دالەلدەدى. بىتىراڭقى ەگىستىك جەرلەردى شوعىرلاندىرىپ، كولەمدى ەگىمشىلىكپەن شۇعىلداندى. بۇل ەگىستىك جەرگە ىستەتىلەتىن ەگىس ماتەريالدارى قاراجاتىن، ەگىس ماشينالارىن ىستەتۋ قاراجاتىن تومەندەتىپ قانا قالماستان تاعى سۋلياۋ جارعاق، تامشىلاتىپ سۋارۋ سياقتى جاڭا تەحنيكالاردى جالپىلاستىرۋعا قولايلىلىق جاراتتى. 10 جىل ىشىندە كووپەراتيۆ مۇشەلەرى العاشقى 10 ادامنان 53 ادامعا كوبەيدى، اينالىمعا سالىنعان جەر كولەمى 10 مىڭ مۋدان استى، ەگىن شارۋاشىلىعى ماشينا - جابدىقتارى 128 گە كوبەيدى. جۇمىس كولەمى ەڭ العاشقى 3 مىڭ نەشە مۋدان 80 مىڭ مۋعا ارتىپ، جۇمىس كولەمى ىلە اڭعارى، تارباعاتاي، حوتان سياقتى وڭتۇستىك – سولتۇستىك شينجياڭ رايوندارىنا دەيىن كەڭەيىپ، جىلدىق ءونىم قۇنى 8 ميلليون يۋاننان استى.

    2013 ـ جىلى ۋاڭ جيانجۇن داڭقپەن جۇڭگو كوممۋنيستىك پارتياسىنا مۇشە بولدى. «راسىمدى ايتسام، مەنىڭ مادەنيەت ماعلۇماتىم تومەن، بۇگىنگى كۇنگە جەتكەنىم، بىرىنشىدەن پارتيانىڭ ابزال ساياساتىنىڭ ارقاسى، ەكىنشىدەن اۋىلداستارىمنىڭ ماعان جاقىننان جاردەمى بولدى، بۇرىن تۇرمىستا قيىنشىلىققا ۇشىراعان كەزىمدە كوپ رەت اۋىلداستارىمنىڭ شاپاعاتىنا يە بولدىم» دەدى ۋاڭ جيانجۇن.

جاۋاپتى رەداكتور: گۇلدەن ماقسات قىزى