ومىرلىك داڭق، ماڭگىلىك جاۋاپكەرلىك

  • كەلۋ قاينارى: ىلە گازەتى
  • 19:48:35 10/06/2020

    كىمنىڭ ەگىن ەگۋىنە قارجى تاپشى، كىمنىڭ بالاسىنىڭ وقۋعا ٴتۇسۋى قيىن، كىمنىڭ وتباسىندا ىستەۋگە ءتيىستى شارۋا بار، كىمگە شۇعىل كومەك قاجەت ... مىنە، بۇلار ۋاڭ جيانجۇننىڭ كوڭىلىندەگى تولعاقتى تۇيىندەر. 2010 - جىلدان قازىرگە دەيىن ول ءوزى تۇرعان قىستاق، الدە كورشى قىستاق بولسىن ونداعى كەدەي وتباسىلار قيىنشىلىققا ۇشىراسا بولعانى، كومەك قولىن سوزىپ، ولارعا اقىسىز جەر جىرتۋ، تۇقىم ءسىڭىرۋ، ورۋ، جيۋ، تايلاۋ جۇمىستارىن ىستەسىپ كەلدى، ونىڭ كومەككە ىستەگەن ەگىن شارۋاشىلىق ماشينالارى جۇمىس اقىسى 100 مىڭ يۋاننان استى، ٴار وقۋ ماۋسىمىندا 10 كەدەي وقۋشىنى سۇيەمەلدەپ، كەدەي وتباسىلارىنا 100 مىڭ يۋاننان استام جىلۋ اتادى.

    كەدەيلەردى سۇيەمەلدەۋدە ەرىك – جىگەر ارقىلى سۇيەمەلدەۋگە دە باسا ءمان بەردى، ٴار جىلى 200 دەن استام ەگىنشى سەلبەستىك كووپەراتيۆىندە ماۋسىمدىق جۇمىس ىستەپ، ٴار ادامنىڭ جىلدىق كىرىسى 10 مىڭ يۋاننان استى. 20 نەشە ەگىنشى وتباسى ونىڭ جەبەۋىندە ەرەكشە ەگىمشىلىكتى دامىتىپ، ءار وتباسى ورتا ەسەپپەن 30 مىڭ يۋان كىرىس كىرگىزدى. «تەك تىڭعىلىقتى ىستەسەك بولعانى، تۇرمىسىمىز، ٴسوز جوق، جاقسى بولادى». بۇل ۋاڭ جيانجۇننىڭ اۋىلداستاردى شابىتتاندىراتىن ٴسوزى ەدى.

    «ٴبارىمىز قۇلشىنۋىمىز كەرەك، ٴبارىمىز - ارمانعا قۇلاش سەرمەۋشىلەرمىز!» سەلبەستىك كووپەراتيۆىنىڭ قاقپاسى الدىنداعى ۇگىت تاقتاسىنا ورناتىلعان وسى سوزدەر - ۋاڭ جيانجۇننىڭ جانە بارلىق كووپەراتيۆ مۇشەلەرىنىڭ جۇرەك جاردى لەبىزى. باس شۋجي شي جينپيڭنىڭ ‹باقىت كۇرەستەن كەلەدى› دەگەنىندەي ۋاڭ جيانجۇن مەن اۋىلداستارى قۇلشىنىستىڭ جەمىسىن كورە الاتىندىعىنا سەنەدى.

    2017 ـ جىلى 12 - ايدىڭ 28 - كۇنى ۋاڭ جيانجۇن «مەملەكەتتىك ەگىن شارۋاشىلىعىنداعى ەڭبەك وزاتى» اتاعىنا يە بولىپ، بەيجيڭدە باس شۋجي شي جينپيڭ مەن لي كىچياڭ زۇڭليدىڭ قابىلداۋىندا بولادى. ۋاڭ جيانجۇن جونىنەن العاندا، بۇل - ونىڭ ومىرىندەگى داڭق، سونداي - اق تالاي جىلدان بەرى ونىڭ بۇقارانى باستاپ اۋقاتتانۋىنداعى ەڭ تاماشا وردەنى.

    «پارتيا مەن مەملەكەت ماعان جوعارى اتاق بەردى، مەن قالاي اقتاۋىم كەرەك؟» بولاشاق جونىندە ۋاڭ جيانجۇن كوپتەگەن جوبا جاسادى. «قازىرگى ەگىنشىلىك ماشينالارى بارعان سايىن وزىق تەحنيكامەن دامۋدا، ەگىن شارۋاشىلىعىن شالقىتىپ، جوعارى ءونىمدى دامۋ جولىمەن ءجۇرۋدىڭ بولاشاعى شەكسىز». بۇرىن ءتاتتى كارتوپتى كوپ ەگۋگە بۇقارا باتىنا المايتىن، ويتكەنى، جيىن - تەرىن كەزىندە ادام كۇشى جەتپەسە زيان تارتادى. قازىر ٴونىم جيناۋ ماشيناسى بار، قانشا ەكسە دە، مۇنداي جاعداي بولمايدى، بۇل ەگىمشىلىك قۇرىلىمىن رەتتەۋ، جوعارى ءونىمدى اۋىل شارۋاشىلىعىن دامىتۋ جونىنەن توتەنشە بەلسەندى فاكتور سانالادى دەيدى ۋاڭ جيانجۇن.

جاۋاپتى رەداكتور: گۇلدەن ماقسات قىزى