قىستاقتا تۇراتىن قىزمەت اترەتى ناقتى ىستەپ، جاۋاپكەرلىك ارقالاپ، كەدەيلىكتەن ارىلتۋدان قامال الۋعا ۇلەس قوستى

  • كەلۋ قاينارى: ىلە گازەتى
  • 19:52:48 10/06/2020

    6 ـ ايدىڭ 5 ـ كۇنى اقتوبە قىستاعىنىڭ تۇرعىنى راحات مامەت ٴبىر جاعىنان اقشا ساناپ، ٴبىر جاعىنان وتباسىنداعىلارعا: «بۇگىن ساۋدا ايتارلىقتاي، ەرتەڭ تاۋار كىرگىزۋىم كەرەك» دەدى. راحاتتىڭ وتباسىندا 4 جان بار، قىستاقتا ناۋايحانا اشادى. بالاسى 7 جاسىندا بۇيرەك اۋرۋىنا شالدىعىپ، جىلدا شيپاحاناعا ەمدەلەتىندىكتەن، بار تاپقانىن بالاسىنىڭ ەمدەلۋىنە جۇمساپ، 2014 ـ جىلى كەدەي وتباسى دەپ تۇراقتاندىرىلعان.

    قىستاق كەدەيلەردى سۇيەمەلدەۋگە بەرىلەتىن سيىردان راحاتقا دا ۇلەستىرگەن، ول ناۋايحانا اشۋ، باعىمشىلىقتى دامىتۋ ارقىلى كەدەيلىكتەن ارىلدى. كەدەيلىكتەن ارىلتۋ جەتىستىكتەرىن بەكەمدەپ، كىرىستى ارتتىرۋ ارناسىن كەڭەيتۋ ٴۇشىن، 2019 ـ جىلى 11 - ايدا قىزمەت اترەتى راحاتقا 5 مىڭ يۋان كاسىپتەنۋ قاراجاتىن بەرەدى. ول ناۋايحانانىڭ قاسىنان 70 شارشى مەتر دۇكەن اشىپ، بيىل 4 ـ ايدىڭ باسىندا رەسمي تيجارات باستادى، كۇندەلىكتى تۇتىنىلاتىن بۇيىمدار تولىق بولعاندىقتان ساۋداسى كۇسەت بولدى.

    راحات قۋانىشپەن: «ناۋايحانا قاسىمدا، 2 ـ 3 كۇندە ٴبىر نان جابام. ٴار ايدا ٴبىر مىڭ 500 يۋان كىرىس كىرگىزەمىن، دۇكەننەن ايىنا 3 مىڭ يۋان تابامىن. قازىر 100 شارشى مەتر جاڭا ٴۇي سالدىق، بالامنىڭ دەنساۋلىعى دا تاۋىرلەندى، بىزگە تاماشا تۇرمىس سيلاعان پارتيانىڭ ابزال ساياساتىنا ەرەكشە العىس ايتامىن» دەدى.

    قىستاق تۇرعىندارىنىڭ كاسىپتەنۋ تانىمىن وزگەرتۋ ٴۇشىن، قىزمەت اترەتى قىستاق تۇرعىندارىن سىرتقا شىعىپ ەكسكۋرسيالاۋعا، ۇيرەنۋگە ۇيىمداستىرىپ، كوز اياسىن اشىپ، قىستاق تۇرعىندارىنىڭ ساناسىن «مەنى كەدەيلىكتەن ارىلتادى» دەگەننەن «كەدەيلىكتەن ارىلۋىم كەرەك» دەگەنگە وزگەرتتى.

    قىستاق تۇرعىنى بۇحالشام مامەت وتباسى ايەلى ەدى، وقيتىن ٴۇش بالاعا قاراپ ۇيدە وتىراتىن. قىزمەت اترەتىنىڭ جەتەكشىلىگىندە 2017 – جىلى ول قۇلجا قالاسىنداعى وتباسى توقىماشىلىق سەرىكتىگىمەن توقتامداسىپ، ٴوزىنىڭ شەبەر تىگىنشىلىك تەحنيكاسىنان پايدالانىپ، ٴار ايدا تاپسىرىس قابىلداپ، ۇيىندە پەردە، توسەك جاپقىش سياقتىلاردى تىكتى. ماڭايىنداعى 10 كەدەي وتباسى ايەلى دە اتتانىسقا كەلىپ، ٴار كۇنى ونىمەن بىرگە تىگىنشىلىك ىستەپ، ايىنا ٴبىر مىڭ 200 يۋان اينالاسىندا كىرىس كىرگىزدى. 2019 – جىلى قىزمەت اترەتى بۇحالشامعا 10 مىڭ يۋان كاسىپ اشۋ نىسان قارجىسىن بەرگەندە ول بەرىلگەن اقشاعا تىگىن ماشيناسىن ساتىپ الادى. قازىر ونىڭ ۇيىنەن شىعاتىن تىگىن ماشيناسىنىڭ زىرىلى كوپشىلىكتىڭ ورىنداۋىنداعى اۋقاتتانۋ مۋزىكاسىنداي ەستىلەدى.

    تاياۋ جىلدان بەرى قىزمەت اترەتى، قىستاق «ەكى كوميتەتى» الەۋمەتتىك يگىلىك سيپاتتى قىزمەت ورنىنا ورنالاستىرۋ، قوي ـ سيىر تاراتىپ شارۋاشىلىقتى دامىتۋ، كاسىپ اشۋعا كومەكتەسۋ سياقتى شارالار ارقىلى كەدەي وتباسىلاردى كەدەيلىكتەن ارىلتتى، بيىلعى ٴتۇيىندى قىزمەت بەكەمدەۋ ـ جوعارىلاتۋ قىزمەتىن ويداعىداي ىستەپ، بۇقارانى تابىس سەزىمى مەن باقىت سەزىمىنە كەنەلتۋ بولدى.

جاۋاپتى رەداكتور: گۇلدەن ماقسات قىزى