ۇقىققا قول سۇعىلسا، ازاماتتىق زاڭناما بويىنشا قالاي تۇراقتاندىرىلىپ، تالاس قالاي توقتاتىلادى؟

  • كەلۋ قاينارى: ىلە گازەتى
  • 20:08:31 11/06/2020

    【زاڭعا تۇسىنىك】 ازاماتتىق زاڭنامادا بىلاي دەپ بەلگىلەنگەن: تاسىمال تيجاراتىندىق ەمەس موتورلى كولىكتەردە كولىك اپاتى تۋىلىپ كولىككە اقىسىز وتىرۋشىلار زارداپ شەگىپ، ول وسى موتورلى كولىك جاقتىڭ جاۋاپكەرلىگى بولسا، ونىڭ تولەم جاۋاپكەرلىگى جەڭىلدەتىلۋگە ءتيىس، دەسەدە، موتورلى كولىكتى پايدالانۋشىدا قاساقانا ىستەۋ نيەتى نەمەسە ەلەۋلى اعاتتىق بولعاندار بۇعان قامتىلمايدى.

    كولىك جۇرگىزۋشى كولىككە وتىرۋشىدان ەشقانداي اقى الماعان جاعدايدا، كولىككە وتىرۋشىنى ءوزى جۇرگىزگەن موتورلى كولىككە وتىرۋعا رۇقسات ەتۋ ارەكەتى قوعامدىق ءمورال مەن جاسىل ءجۇرىس - تۇرىس ۇستانىمىنا ۇيلەسەدى، بۇل ىنتالاندىرىلۋعا جانە قولداۋ كورسەتىلۋگە ءتيىس. كولىك اپاتى تۋىلعان سوڭ، ادىلدىك پرينسيبى بويىنشا، كولىك جۇرگىزۋشىنىڭ تولەم جاۋاپكەرلىگى جەڭىلدەتىلۋگە ءتيىس، ازاماتتىق زاڭنامادا بۇل ءتۇيىن ايقىندالعان.

    بەيجيڭ قالاسى ادۆوكاتتار قوعامىنىڭ باستىعى گاۋ زىچىڭ بىلاي دەيدى: «كولىككە تەگىن وتىرۋ اينالامىزدا ۇنەمى بولىپ جاتادى. شىنىمەن كومەككە ءزارۋ ادامعا جولىققاندا، ونى ءوزىنىڭ كولىگىنە وتىرعىزىپ الۋعا بولسا دا، كولىك اپاتى تۋىلىپ تولەم جاۋاپكەرلىگىن ارقالاپ جۇرمەيىن دەپ قورقىپ باسقالاردى كولىگىنە وتىرعىزۋدان باس تارتاتىن جاعداي بار. ازاماتتىق زاڭنامادا، جاقسى نيەتپەن كولىگىنە وتىرعىزۋ تارماعى قوسىلىپ، ادامدار باسقالارعا كومەكتەسۋدى قۋانىش ساناۋعا ىنتالاندىرىلعان، بۇل الەۋمەتتىك ءتارتىپ، تاماشا سالتقا جانە ادىلدىك پرينسيبىنە ۇيلەسەدى».

    اقاۋلى ءونىم ساتىپ العاندا، وندىرۋشىگە قايتارۋ اقىسىن كىم «تولەيدى»؟

    【دەلو مىسالى【 5 - ايدىڭ 28 - كۇنى ۋحان قالالىق بازار باقىلاۋ - باسقارۋ مەكەمەسى ازىق - تۇلىك حاۋىپسىزدىگىن باقىلاۋ بويىنشا ۇلگى الىپ تەكسەرۋ ينفورماتسيا حابارلاندىرۋىنىڭ 2020 - جىلعى 10 - سانىن جاريالادى. حۋبەيداعى ءبىر ازىق - تۇلىك سەرىكتەستىگى وندىرگەن قاز مويىنى، تاۋىق سيراعى سياقتى ونىمدەردى باكتەريا شوعىرىنىڭ جالپى سانى ولشەمنەن اسقاندىعى سەبەپتى ساتىلىمنان شىعارىپ تاستاۋ، وندىرۋشىگە قايتارۋ تالاپ ەتىلگەن.

    【زاڭعا تۇسىنىك】 ازاماتتىق زاڭنامادا بىلاي دەپ بەلگىلەنگەن: ونىمدە اقاۋ بولۋى سەبەپتى باسقالارعا زالال جەتكىزسە، ءوندىرۋشى ۇقىققا قول سۇعۋ جاۋاپكەرلىگىن ارقالاۋى ءتيىس. ءونىم اينالىمعا تۇسكەن سوڭ اقاۋ بار ەكەندىگى بايقالسا، ءوندىرۋشى، ساتۋشى ساتۋدان توقتاتۋ، ەسكەرتۋ، قايتارىپ اكەلۋ سياقتى تۇزەتۋ شارالارىن دەر كەزىندە قولدانۋعا ءتيىس؛ تۇزەتۋ شارالارىن دەر كەزىندە قولدانباۋدىڭ نەمەسە تۇزەتۋ شارالارى پارمەندى بولماۋدىڭ كەسىرىنەن زارداپتىڭ ۇلعايۋىنا اپارىپ سوقسا، ۇلعايعان زارداپ ءۇشىن دە ۇقىققا قول سۇعۋ جاۋاپكەرلىگىن ارقالاۋعا ءتيىس. الدىڭعى تارماقتاعى بەلگىلەمە بويىنشا قايتارىپ اكەلۋ شاراسى قولدانىلسا، ءوندىرۋشى، ساتۋشى ۇقىعىنا قول سۇعىلعانداردىڭ وسى سەبەپتى شىعارعان قاجەتتى اقىلارىن كوتەرەدى.

    چۇڭچيڭ سوتۇڭ ادۆوكاتتار كەڭسەسىنىڭ ادۆوكاتى حان دىيۇن بىلاي دەپ قارايدى: ءوندىرۋشىنىڭ، ساتۋشىنىڭ اقاۋلى ءونىمدى قايتارىپ اكەلۋ جاۋاپكەرلىگى تۋرالى بەلگىلەمە جاساپ، تۇتىنۋشىلاردىڭ ۇقىق - مۇددەسىن قورعاۋدى كۇشەيتۋ − بازار ەكونوميكاسى ءتۇزىمىن اقاۋسىزداندىرۋدىڭ، وتە - موتە، بۇقارانىڭ تۇرمىسىمەن تىعىز بايلانىستى ازىق - تۇلىك، ءدارى - دارمەك سالاسىندا قالىڭ تۇتىنۋشىلاردىڭ ۇقىق - مۇددەسىن قورعاۋدىڭ قاجەتتى شاراسى.

    (شينحۋا اگەنتتىگىنىڭ 6 - ايدىڭ 9 - كۇنى بەيجيڭنەن بەرگەن حابارى)

جاۋاپتى رەداكتور: جازيرا بولاتباي قىزى