اۆتونوميالى وبلىس جازعى جيىن – تەرىن، جازعى تۇقىم ءسىڭىرۋ، جازعى باپتاۋ قىزمەتى جانە اپاتتان ساقتانىپ قۋاڭشىلىققا قارسى اتتانۋ، قونىستانۋ ورتاسىن وڭاۋ – رەتتەۋ قىزمەتى ءماجىلىسىن اشتى

  • كەلۋ قاينارى: ىلە گازەتى
  • 03:53:48 19/06/2020

    ءتىلشىمىز لي يافىڭ حابارلايدى. 6 – ايدىڭ 15 – كۇنى اۆتونوميالى وبلىستىڭ جازعى جيىن – تەرىن، جازعى تۇقىم ءسىڭىرۋ، جازعى باپتاۋ قىزمەتى جانە اپاتتان ساقتانىپ قۋاڭشىلىققا قارسى اتتانۋ، قونىستانۋ ورتاسىن وڭاۋ – رەتتەۋ قىزمەتى جونىندەگى تەلەۆيزور – تەلەفون ءماجىلىسى وبلىستىق ۇكىمەتتە اشىلدى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ماجىلىسكە قاتىناستى ءارى ءسوز سويلەدى، وبلىستىڭ ورىنباسار باستىعى مەي يۇي ءماجىلىستى باسقاردى.

    ماجىلىستە اۆتونوميالى رايوندىق پارتكوم مەن وبلىستىق پارتكومنىڭ ەگىن – مال شارۋاشىلىق ءوندىرىسى قىزمەتى جونىندەگى ورنالاستىرۋلارى ىشكەرىلەي دايەكتى تياناقتاندىرىلىپ، وبلىسقا توتە قاراستى ورىنداردىڭ اۋىل شارۋاشىلىق وندىرىسىندە ءدوپ كەلگەن جاعدايلارعا مۇقيات تالداۋ جاسالىپ، جازعى جيىن – تەرىن، جازعى تۇقىم ءسىڭىرۋ، جازعى باپتاۋ قىزمەتى جانە اپاتتان ساقتانىپ قۋاڭشىلىققا قارسى اتتانۋ، قونىستانۋ ورتاسىن وڭاۋ – رەتتەۋ قىزمەتىن تىڭعىلىقتى، ويداعىداي ىستەپ، اۋىل شارۋاشىلىق ءونىمىن ورنىقتىرىپ، قامداۋدى قامتاماسىزداندىرۋعا، شارۋالاردىڭ مول ءونىم الىپ، كىرىستەرىن ارتتىرۋىنا، اۋىل – قىستاق بەت – بەينەسىن جاقسارتۋعا كەپىلدىك ەتۋ جونىندە ناقتى تالاپتار العا قويىلدى. وبلىستىق اۋىل شارۋاشىلىعى، اۋىل – قىستاق مەكەمەسى، استىق جانە زاتتىق ماتەريالداردى زاپاس ساقتاۋ مەكەمەسى، سۋ يگىلىگى مەكەمەسى، قازىنا مەكەمەسى جانە موڭعۇلكۇرە اۋدانى، چاپچال سىبە اۆتونوميالى اۋدانى سياقتى 4 تاراۋ، ەكى اۋداننىڭ جاۋاپتىلارى پىكىر اۋىستىرۋ ءسوزىن سويلەدى.

    ماجىلىستە مىناۋ اتاپ كورسەتىلدى: بيىل - جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ سىرگە جيار جىلى. قازىر ىندەتتەن ساقتانۋ – تىزگىندەۋدە كەزەڭدىك سيپاتتى جەڭىسكە قول جەتكىزىلدى، ءبىراق «ىندەتتىڭ سىرتتان ەنۋىنەن جانە ىشتە قايتا بەلەڭ بەرۋىنەن ساقتانۋ» قىسىمى ءالى دە ءبىرشاما جوعارى، كەدەيلىكتەن ارىلتۋدان قامال الۋ مىندەتىن ورىنداپ، ەكونوميكانىڭ تومەندەۋ قىسىمىن جەڭۋ ءۇشىن كۇردەلى دە قۇبىلمالى ىشكى – سىرتقى ورتاعا ءونىمدى توتەپ بەرىپ، اۋىل شارۋاشىلىعىنىڭ «ورنىقتىرعىشتىق» رولىن، ءسوزسىز، ويداعىداي ساۋلەلەندىرۋ كەرەك، كەزەكتەگى ەڭ ماڭىزدى مىندەت – استىق پەن اۋىل شارۋاشىلىق ونىمدەرى ءوندىرىسىن ورنىقتىرۋدى ويداعىداي يگەرۋ.

    ىلە تۇتاس شينجياڭداعى 3 ءىرى نەگىزگى استىق ءوندىرىسى رايونىنىڭ ءبىرى رەتىندە ءارى ىلە اڭعارىنىڭ نەگىزگى اۋىل شارۋاشىلىق ونىمدەرىمەن ءونىمدى قامداۋ قىزمەتىنە كەپىلدىك ەتۋى، ءارى تۇتاس شينجياڭنىڭ اۋىل شارۋاشىلىق ونىمدەرىمەن قامداۋىنا ۇلەس قوسۋعا ءتيىس. بيىل اۆتونوميالى رايون تۇسىرگەن ءبيداي جانە جۇگەرى ەگۋ مىندەتى اسىرا ورىندالدى، ءبىراق 3 – ايدان 5 – ايعا دەيىن ىلە اڭعارىندا تەمپەراتۋرا بۇرىنعى جىلدارداعى ورتاشا ورەدەن ءبىراز جوعارى بولىپ، جاۋىن – شاشىن ازايىپ، ءىشىنارا اۋدان، قالالاردا قۇرعاقشىلىق جاعدايى اۋىرلاي ءتۇستى، سونىمەن بىرگە، ءىشىنارا رايونداردا نوسەر، بۇرشاق سياقتى اپات سيپاتتى اۋا رايى ۇزدىكسىز تۋىلىپ، اۋىل شارۋاشىلىعىنىڭ اپاتتان ساقتانۋ، اپات زيانىن ازايتۋ جاعدايى اسا اۋىر بولۋدا.

جاۋاپتى رەداكتور: جازيرا بولاتباي قىزى