ەگىن - ورمان شارۋاشىلىعى ماماندارى ەگىنشىلەردىڭ جاڭعاق ەگۋ تەحنيكاسى كۋرسىن اشتى

  • كەلۋ قاينارى: ىلە گازەتى
  • 09:00:21 24/06/2020

    

    

    ءتىلشىمىز حان شاشا كۇنەستەن حابارلايدى. «وتكەن جىلعى جاڭعاقتارىمدا نەلىكتەن ءدانى جوق بوس قابىقتىلارى كوپ بولدى؟ جاڭعاق ەككەندە قانداي تىڭايتقىش بەرگەن ءجون؟»، 6 - ايدىڭ 15 - كۇنى كۇنەس اۋدانى كۇنەس قالاشىعىنىڭ قاشقار ايماعىنان ۇسىنىس ەتىلگەن ورمان شارۋاشىلىعى تەحنيكتەرى شاقپى اۋزى قىستاعىنىڭ جاڭعاق اتىزىندا جاڭعاق ەگىمشىلىگى جونىندە تەحنيكالىق كۋرس اشىپ، ەگىنشى وتباسىلارىن الاڭنان ارىلتتى.

    ۇعىسۋعا قاراعاندا، كۇنەس اۋدانى كۇنەس قالاشىعىنىڭ شاقپى اۋزى قىستاعى 2 مىڭ 500 مۋ جەرگە جاڭعاق اعاشىن ەككەن، بۇل ىلە اڭعارىنداعى ۇلاسپالى ەگىمشىلىك اۋماعى ەڭ ۇلكەن جاڭعاق ەگىنشىلىك بازاسى ءارى وسى اۋدانداعى اتى زاتىنا ساي بىردەن - ءبىر جاڭعاق قىستاعى ەكەن.

    جاڭعاق باقشاسىندا ماماندار جاڭعاق اعاشىن باپتاۋدى ءتۇيىن ەتە وتىرىپ، جاڭعاق اعاشىن بۇتاۋ، ءشوبىن وتاۋ، تىڭايتقىش بەرۋ، دەرت - دەربەزدەر مەن زياندى جاندىكتەردەن ساقتانۋ سياقتى مازمۇنداردا كۋرس اشىپ، ەگىنشى وتباسىلارىنا ەگىنشىلىك نازارياسىن اشالاي، جان - جاقتى ءتۇسىندىردى ءارى ناق مايداندا ۇلگى كورسەتتى. كۋرسقا قاتىناسقان ەگىنشىلەر ناق مايداندا سۇراۋ سۇراپ، ءوزارا اۋىس - كۇيىس جاسادى، قيمىل وتە قىزعىندى بولدى. قولما - قول ۇيرەتۋ، بەتپە - بەت ۇلگى كورسەتۋ، ءبىر - بىرلەپ جاۋاپ بەرۋ ارقىلى ەگىنشىلەرگە جاڭعاق ەگۋ جانە باپتاۋ ونەرىن ۇيرەتىپ، ەگىنشىلەردىڭ سەنىمىن بەكەمدەدى.

    سۋرەتتە: ماماندار قىستاق تۇرعىندارىنىڭ سۇراۋلارىنا جاۋاپ بەرۋدە.

    حان شاشا فوتوسى

جاۋاپتى رەداكتور: جازيرا بولاتباي قىزى