كورىكتى جەر - سۋدى ويداعىداي قورعايىق

  • كەلۋ قاينارى: ىلە گازەتى
  • 02:59:49 29/06/2020

  

    لۋ جۇڭ (ءوز ءتىلشىمىز)

 

    «تيانشان تاۋىنداعى ەڭ كورىكتى جاسىل اڭعار» دەگەن ادەمى اتقا يە توعىزتاراۋ اۋدانىنىڭ جاسىل ءپۇلىس جامىلعان كەلىستى كەلبەتى جانىڭىزدى جادىراتىپ، بويىڭىزدى راقاتقا بولەيدى. جاسىل ءتۇس توعىزتاراۋ اۋدانىنا وزگەشە كورىك بەرىپ، توعىزتاراۋ اۋدانىنىڭ تابيعي، كىرشىكسىز، ەكولوگيالى جاراتىلىستىق بايلىقتارىن ايشىقتاي تۇسكەن.

    تاماشا تابيعي ەكولوگيالىق ورتا توعىزتاراۋ اۋدانىنىڭ ەڭ قىمباتتى بايلىعى جانە ابزالدىعى. جۋىق جىلداردان بەرى توعىزتاراۋ اۋدانى «ورتانى قورعاۋدى ماڭداي الدى ورىنعا قويىپ، ەكولوگيالى اۋدان قۇرۋعا» باستان - اياق تاباندى بولىپ، ىلگەرىندى - كەيىندى «توعىزتاراۋدىڭ ەكولوگيالى وركەنيەت قۇرىلىسىنان ۇلگى كورسەتەتىن اۋدان قۇرۋ جوسپارى»، «توعىزتاراۋ اۋدانىنىڭ توپىراقتىڭ لاستانۋىنان ساقتانۋ جانە ونى وڭاۋ قىزمەت جوسپارى» سياقتىلاردى بەلگىلەپ، نىسان قۇرۋ جانە ورتانى باعالاۋ، تەكسەرىپ - بەكىتۋ سىندى قاينارىنان باستاپ مەڭگەرۋ شارالارىن كۇشەيتتى؛ اۋدانداعى توپىراق ورتاسىنا ءتۇيىندى باقىلاۋ - باسقارۋ جۇرگىزىلەتىن 3 كاسىپورىنعا توپىراقتىڭ لاستانۋ جاعدايى بويىنشا ەگجەي - تەگجەيلى تەكسەرۋ ورىستەتىپ، «ءبىر كاسىپورىندا ءبىر ارحيۆ بولۋ» ماتەريال ارحيۆىن تۇرعىزىپ، ونى ەكولوگيالىق ورتانى قورعاۋ مينيسترلىگىنىڭ ارناۋلى توراپ جۇيەسىنە ەنگىزدى؛ ءبىر ميلليون 950 مىڭ يۋان قارجى قوسىپ، قالا - قالاشىقتارداعى تۇرمىستىق قوقىر - قوقسىقتاردى كومۋ الاڭدارىنىڭ ولشەمىن جوعارىلاتىپ، جاڭالاپ، 2 - دارەجەلى دارەجە باعالاۋىن ءساتتى ورىندادى؛اۋىل - قىستاقتاردىڭ قونىستانۋ ورتاسىن جاقسارتۋ نىسان قۇرىلىستارىن كۇشەيتىپ، 13 ميلليون 530 مىڭ يۋان قارجى قوسىپ، 5 اۋىل - قالاشىقتاعى 5 قوقىر - قوقسىق كومۋ الاڭى مەن تۇلعالى قۇرىلعىلاردى ساتىپ الۋ جانە پايدالانۋعا بەرۋ قىزمەتىن ورىندادى؛ اۋىل شارۋاشىلىق دارىلەرى مەن حيميالىق تىڭايتقىش پايدالانۋدا شىنايى اتى - جونىمەن تىزىمدەۋ قىزمەتىمەن ۇشتاستىرىپ، اۋىل شارۋاشىلىق ماتەريالدارىن تەكسەرۋ تەبىنىن ۇزدىكسىز ارتتىرىپ، وتە ۋلى، جوعارى قالدىق قۇرامدى شەكتەلگەن اۋىل شارۋاشىلىق دارىلەرى مەن تولىمسىز اۋىل شارۋاشىلىق ماتەريالدارىنىڭ توعىزتاراۋ اۋدانىنا ەنۋىنە تۇبەگەيلى تيىم سالدى. سونىمەن بىرگە، حيميالىق تىڭايتقىش پەن اۋىل شارۋاشىلىق دارىلەرىنىڭ مولشەرىن ارتتىرماۋ ءتۇزىمىن قاتاڭ اتقارىپ، حيميالىق تىڭايتقىشتىڭ مولشەرىن ازايتىپ، ونىمدىلىكتى جوعارىلاتۋ تەحنيكاسىن جالپىلاستىردى.

    2020 - جىلعى ىلە ورتانى قورعاۋ ساپارى بويىنشا زاڭنىڭ اتقارىلۋىن تەكسەرۋ گرۋپپاسى 6 - ايدىڭ 22 - كۇنى توعىزتاراۋ اۋدانىنا بارىپ، اعارسىن قالاشىعىنىڭ اقتام قىستاعى، توعىزتاراۋ اۋدانىنىڭ لاس سۋدى ءبىر جاقتى ەتۋ زاۆودى، توعىزتاراۋ اۋدانىنىڭ تۇرمىستىق قوقىر - قوقسىقتاردى زالالسىزداندىرىپ كومۋ الاڭى، توعىزتاراۋ اۋدانى جيۋفىڭ ەگىنشىلەر ارناۋلى سەلبەستىك كووپەراتيۆى سياقتى جەرلەرگە جەكە - جەكە بارىپ، توعىزتاراۋ اۋدانىنىڭ «توپىراقتىڭ لاستانۋىنان ساقتانۋ جانە ونى وڭاۋ زاڭىنىڭ»، توپىراقتىڭ لاستانۋىنان ساقتانۋ جانە ونى وڭاۋ جوسپارىنىڭ اتقارىلۋ، اۋىل - قىستاق ورتاسىن وڭاۋ - رەتتەۋ، كونە سۋلياۋ جارعاقتاردىڭ جيناپ الىنۋ جانە قايتالاي پايدالانىلۋ جاعدايلارىن ناق مايداندا ۇعىستى.

جاۋاپتى رەداكتور: گۇلدەن ماقسات قىزى