موڭعۇلكۇرە اۋدانىندا مالعا ىندەتتەن ساقتانۋ ۆاكسيناسىن قويۋ قىزمەتى تولىق جالپىلاستىرىلدى

  • كەلۋ قاينارى: ىلە گازەتى
  • 03:10:57 29/06/2020

 

    6 – ايدىڭ 10 ـ كۇنى موڭعۇلكۇرە اۋدانى قاراسۋ قالاشىعىنىڭ جايلاۋىندا مال شيپاگەرلەرى شارۋالاردىڭ سيىر تابىنىنا ۆاكسينا ەگۋدە. حايۋانات ىندەتىنەن ساقتانۋ ءۇشىن، موڭعۇلكۇرە اۋداندىق اۋىل شارۋاشىلىق، اۋىل ـ قىستاق مەكەمەسى تۇتاس قىستاق بويىنشا حايۋاناتتاردى زورلىقپەن يممۋنيتەتتەندىرۋ قىزمەتىن بەلسەنە ورىستەتتى. تەحنيكتەر 4 ـ ايدىڭ ورتاسىنان باستاپ ارت ـ ارتىنان تۇتاس اۋدانداعى ءبىر ميلليون 14 مىڭ 400 باس (تۇياق) مالعا ۆاكسينا سالدى. «اۋىلدا قىستاق، قىستاقتا وتباسى، وتباسىلاردا مال، مالدا ۋكول قاعىس قالماۋ» پرينسيبى بويىنشا، مالداعى اۋىر ىندەتتى «نولدىك دەڭگەيدە» تىزگىندەۋ نىساناسىنا شىنايى كەپىلدىك ەتتى. موڭعۇلكۇرە اۋداندىق حايۋانات دەنساۋلىعىن باقىلاۋ ورنىنىڭ جاۋاپتىسى ياڭ جىن تىلشىگە: «حايۋانات ىندەتىنەن ساقتانۋ ـ تىزگىندەۋ احۋالىنا تەكسەرۋدى كۇشەيتۋدەگى ماقساتىمىز حايۋانات ىندەتىنىڭ تارالۋىنان ساقتانۋ، ءاربىر وتباسىنىڭ مالدارىنا تۇگەلدەي ساقتىق ۆاكسيناسىن ەگىپ، حايۋانات ونىمدەرىنىڭ ساپا حاۋىپسىزدىگىن قامتاماسىز ەتۋ. قازىر تۇتاس اۋداندا كوكتەم، جاز ماۋسىمدارىنداعى مال ىندەتىنەن ساقتانۋ - ەمدەۋ قىزمەتى اياقتالدى، مالعا ىندەتتەن ساقتانۋ ۆاكسيناسىن ەگۋ قىزمەتى تولىق جالپىلاستىرىلدى » دەدى.

    سۋرەتتى ءتىلشىمىز         لاي يۇينيڭ تۇسىرگەن

جاۋاپتى رەداكتور: گۇلدەن ماقسات قىزى