شي جينپيڭ كيريباتيدىڭ زۇڭتۇڭى ماماۋعا جالعاستى تاعايىندالعاندىعى بايلانىسىمەن قۇتتىقتاۋ تەلەگرامماسىن جولدادى

  • كەلۋ قاينارى: ىلە گازەتى
  • 02:55:14 30/06/2020

   

    شينحۋا اگەنتتىگىنىڭ 6 – ايدىڭ 28 – كۇنى بەيجيڭنەن بەرگەن حابارى. مەملەكەت ٴتوراعاسى شي جينپيڭ 6 – ايدىڭ 26 – كۇنى تانەتي ماماۋعا قۇتتىقتاۋ تەلەگرامماسىن جولداپ، ونىڭ كيريباتيدىڭ زۇڭتۇڭدىعىنا جالعاستى تاعايىندالعاندىعىن قۇتتىقتادى.

    شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن كيريباتي 2019 – جىلى 9 – ايدا ديپلوماتيالىق قارىم ـ قاتىناستى قالپىنا كەلتىرگەننەن بەرى، ەكى ەلدىڭ قارىم ـ قاتىناسى جەدەل دامىپ، ٴار سالاداعى اۋىس – كۇيىسىنىڭ، سەلبەستىگىنىڭ تابىسى مول بولدى. بيىل 1 – ايدا ماماۋ زۇڭتۇڭ جۇڭگودا ٴساتتى ساپاردا بولدى، ٴبىز اسا ناتيجەلى كەڭەس وتكىزدىك. جاڭا ٴتيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسى بارىسىندا جۇڭگو مەن كيريباتي قيىندىقتى بىلەك بىرىكتىرە جەڭىپ، ٴوزارا قارايلاسىپ، ەكى ەل حالقىنىڭ دوستىق سۇيىسپەنشىلىگىن تاعى ٴبىر رەت ايگىلەدى. مەن جۇڭگو مەن كيريباتي قارىم ـ قاتىناسىنىڭ دامۋىنا ايرىقشا ٴمان بەرەمىن، ماماۋ زۇڭتۇڭمەن بىرگە قۇلشىنىپ، جۇڭگو مەن كيريباتي قارىم ـ قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەلگە جانە ەكى ەل حالقىنا اناعۇرلىم ويداعىداي باقىت جاراتۋدى قالايمىن.

جاۋاپتى رەداكتور: گۇلدەن ماقسات قىزى