ىلە اۋىل شارۋاشىلىق - ساۋدا بانكەسى ءتۇرلى شارا اتقارىپ، ناقتى ەكونوميكاعا دەم بەرىپ، قيىنشىلىقتى شەشتى

  • كەلۋ قاينارى: ىلە گازەتى
  • 03:10:36 30/06/2020

    ناقتى ەكونوميكاعا قىزمەت وتەۋ دەڭگەيى جوعارى بولدى

    جاڭا ءتيپتى ايدارشا ۆيرۋس وكپە قابىنۋ ىندەتى تۋىلعاننان بەرى، ىلە اۋىل شارۋاشىلىق - ساۋدا بانكەسى قاريدارلارمەن تىزە قوسا وتىرىپ، قيىندىقتان بىرگە قامال الىپ، «ءبىر تۇتاستاندىرىلعان» فينانس شاراسى ارقىلى امانات ـ قارىز قارجىسىن دەر كەزىندە ىندەتكە قارسى اتتانىپ، جۇمىستى، ءوندىرىستى قالپىنا كەلتىرۋدىڭ 1 – شەبىنە جەتكىزىپ، ىلەنىڭ ناقتى ەكونوميكاسىنا قولداۋ كورسەتىپ، قيىنشىلىقتى شەشىپ، ءىس جۇزىندىك ارەكەتى ارقىلى قوعامدىق جاۋاپكەرلىگىن اتقارىپ، ىلەنىڭ ەكونوميكالىق دامۋىن ىلگەرىلەتۋگە بارىنشا كۇش قوستى.

    قازىرگە دەيىن ىلە اۋىل شارۋاشىلىق - ساۋدا بانكەسى شاعىن سومالى قارىز اقشا تاراتقان جەكە كاسىپكەرلەر سانى جانە قارىز اقشا جالپى سوماسى جاعىندا تۇتاس شينجياڭداعى اۋىل شارۋاشىلىق - ساۋدا بانكەسى جۇيەسىندە الدىڭعى ورىندى، قۇلجا قالاسىنداعى فينانس تاراۋلارى ىشىندە دە الدىڭعى ورىندى يەلەدى. تۇتاس قالاداعى امانات ـ قارىز اقشا تاراتۋدى مىندەتىنە العان 16 فينانس تاراۋى 5 مىڭ 159 قاريدارعا 314 ميلليون يۋان قارىز اقشا تاراتتى، ىلە اۋىل شارۋاشىلىق - ساۋدا بانكەسى جالپى 4 مىڭ 384 جەكە ساۋدا – ونەركاسىپشىلەرگە شاعىن سومالى قارىز اقشا تاراتتى، بۇل تۇتاس قالاداعى فينانس تاراۋلارى قارىز اقشا تاراتقان جەكە ساۋدا – ونەركاسىپشىلەر جالپى سانىنىڭ %85 ىن، ال، جالپى تاراتقان 258 ميلليون يۋان قارىز اقشاسى تۇتاس قالاداعى فينانس تاراۋلارى تاراتقان جالپى قارىز اقشانىڭ %82 ىن يەلەگەن.

    جۇمىستى، ءوندىرىستى قالپىنا كەلتىرۋ قارقىنىن جەدەلدەتۋگە كۇش قوستى

    ىلە اۋىل شارۋاشىلىق - ساۋدا بانكەسى ىندەتتەن ساقتانۋ – تىزگىندەۋدى جانە فينانستىق قىزمەت وتەۋدى بەلسەنە جاقسارتۋمەن بىرگە، كوكتەمگى ەگىس دايىندىعىنىڭ ۇتىمدى كەزەڭىن مىقتى يگەرىپ، كاسىپورىن، جەكە ساۋدا - ونەركاسىپشىلەردىڭ فينانس قاجەتىنە جەدەل بەيىمدەلىپ، فينانستىق قىزمەت وتەۋدەگى جاسىل ارنانى ۇزدىكسىز ساپالىلاندىرىپ، فينانستىق قىزمەت وتەۋدىڭ ونىمدىلىگىن ۇزدىكسىز جوعارىلاتتى.

    قۇلجا قالاسىنداعى جەكە ساۋدا – ونەركاسىپشى ۋىن فاڭ اس ءۇي ەلەكتر جابدىقتارى، ءۇي جيھازدارى تيجاراتىمەن اينالىساتىن. ىندەت اسەرىنەن ەكى اي ساۋدا دۇكەنىن اشپاعاندىقتان، تاپسىرۋعا ءتيىستى ءتۇرلى اقىءبىرشاما كوپ بولعاندىقتان، تيجارات جۇرگىزۋى قيىنعا تۇسكەن -دى. ءدال وسى كەزدە ول ىلە اۋىل شارۋاشىلىق - ساۋدا بانكەسىنىڭ «جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ ءۇشىن شاعىن سومالى قارىز اقشا تاراتۋ ساياساتىن اتقارىپ، جەكە ساۋدا – ونەركاسىپشىلەردىڭ جۇمىستى، ءوندىرىستى قالپىنا كەلتىرۋىن قولداۋ جونىندەگى پىكىردى» دايەكتىلەندىرىپ، تياناقتاندىرىپ، جەكە ساۋدا – ونەركاسىپشىلەردىڭ ەڭ كوپ بولعاندا 80 مىڭ يۋانعا دەيىن قارىز اقشا الۋىنا بولاتىندىعى، قارىز اقشا ءوسىمىنىڭ جارىمىنا مەملەكەت تولىقتاما بەرەتىندىگى جونىندەگى حاباردى ەستىپ قاباعات قۋانىپ، سول كۇنى اۋىل شارۋاشىلىق - ساۋدا بانكەسىنە بارىپ، قاتىستى رەسمياتتاردى ءبىتىردى.

جاۋاپتى رەداكتور: گۇلدەن ماقسات قىزى