ىلە اۋىل شارۋاشىلىق - ساۋدا بانكەسى ءتۇرلى شارا اتقارىپ، ناقتى ەكونوميكاعا دەم بەرىپ، قيىنشىلىقتى شەشتى

  • كەلۋ قاينارى: ىلە گازەتى
  • 03:10:36 30/06/2020

    جالپىعا ءتيىمدى فينانستىڭ ونىمدىلىگىن جوعارىلاتتى

    ىلە اۋىل شارۋاشىلىق - ساۋدا بانكەسى وبلىسقا توتە قاراستى ورىندارداعى شاعىن، ۇساق كاسىپورىنداردىڭ يگىلىك جاراتۋىنا كەپىل بولۋ ورتالىعىمەن بەلسەنە ۇشتاسىپ، سول جىلعى جاڭادان قابىلدانىپ، يگىلىك جاراتۋ كەپىلدىك امانات – قارىز اقشاسىن ءوتىنىش ەتۋ شارتىنا ۇيلەسەتىندەردىڭ سانى كاسىپورىنداردىڭ قازىرگى قىزمەتتەگى جۇمىسشى – قىزمەتشىلەر سانىنىڭ %20 ىنە جەتكەن ( 100 دەن استام ادامى بار كاسىپورىنداردا %10 كە جەتسە) ءارى ولارمەن ءبىر جىلدان جوعارى ەڭبەك توقتامىنا قول قويعان شاعىن، ۇساق كاسىپورىندارعا ىرىقتىلىقپەن كومەكتەسىپ، جۇمىسقا ورنالاستىرۋدى جەبەدى. قازىرگە دەيىن شاعىن، ۇساق كاسىپورىنداردىڭ 12 يگىلىك جاراتۋ كەپىلدىك امانات – قارىز ءىسى قابىلدانىپ ءبىر جاقتى ەتىلىپ، ونىڭ تورتەۋىنىڭ قارجىسى تياناقتانىپ، 12 ميلليون 450 مىڭ يۋان قارجى تاراتىلىپ، كاسىپورىندار مەن قوعامنىڭ قۇپتاۋىنا جانە جوعارى باعاسىنا يە بولدى.

    تۇتقيىل تۋىلعان ىندەت الدىندا، ىلە گىچىڭ كيىم – كەشەك مانەرلەۋ شەكتى جاۋاپكەرلىك سەرىكتىگىندە ءبىر مەزەت قارجى تاپشى بولىپ، تيجاراتى قيىنشىلىق قىسپاعىندا قالعان - دى. بۇل جاعدايعا قاراتا ىلە اۋىل شارۋاشىلىق - ساۋدا بانكەسى قارىز اقشانىڭ ءوسىمىن تومەندەتۋ، رەسميات اقىسىن الماۋ سياقتى شارالار اتقارىپ، 3 ميلليون يۋان امانات - قارىز قارجىسىن كاسىپورىنعا تەز ارادا تاراتىپ، كاسىپورىننىڭ قيىنشىلىق قىسپاعىنان وتۋىنە كومەكتەستى.

    ىلە اۋىل شارۋاشىلىق - ساۋدا بانكەسىنىڭ قاتىستى جاۋاپتىسى تىلشىگە بىلاي دەدى: «بانكەمىز كاسىپورىنداردىڭ اسىققانىنا اسىعىپ، قيىنشىلىعىن شەشىپ، حاۋىپسىزدىگىنە جانە جۇمىس پەن ءوندىرىستى ءتارتىپتى قالپىنا كەلتىرىنە ءدالمە – دال كومەكتەسۋدى كوزدەيدى». جەرگىلىكتى فينانس قۇرىلىمى رەتىندە ىلە اۋىل شارۋاشىلىق - ساۋدا بانكەسى قوعامدىق جاۋاپكەرلىكتى بەلسەنە اتقارىپ، ۇتىمدى شارالار ارقىلى شاعىن، ۇساق كاسىپورىنداردى قولداۋ تەبىنىن ۇزدىكسىز ارتتىرىپ، كاسىپورىنداردىڭ جۇمىس پەن ءوندىرىستى تەز ارادا قالپىنا كەلتىرۋىنە بەلسەنە كومەكتەسكەن.

جاۋاپتى رەداكتور: گۇلدەن ماقسات قىزى