چاپچال اۋدانىنىڭ قامداۋ – ساۋدا ەلەكتروندىق ساۋدا تەكشەسى اۋىل شارۋاشىلىق قوسىمشا ونىمدەرىنىڭ ساتىلۋ ارناسىن كەڭەيتتى

  • كەلۋ قاينارى: ىلە گازەتى
  • 03:13:32 30/06/2020

    ءتىلشىنىڭ ۇعىسۋىنشا، بيىل 1 – ايدا چاپچال اۋدانى مەملەكەت بويىنشا كەدەي رايونداردىڭ اۋىل شارۋاشىلىق قوسىمشا ونىمدەرىن توراپتا ساتۋ تەكشەسىن ىلگەرىلەتۋ قىزمەتىنە رەسمي كىرىسكەن. «اۋىل شارۋاشىلىق قوسىمشا ونىمدەرىن توراپتا ساتۋ تەكشەسى – قازىنا مينيسترلىگىنىڭ، مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ، جۇڭحۋا مەملەكەتتىك قامداۋ – ساۋدا باس قوعامىنىڭ جەتەكشىلىگىندە، ەلىمىزدەگى مەملەكەت دارەجەلى 832 كەدەي اۋداندى كوركەيتىپ جانە جەبەپ، كەدەي رايونداردىڭ اۋىل شارۋاشىلىق قوسىمشا ونىمدەرىن جەلىدە كورسەتۋ، توراپتا ساتۋ، زات اينالىمىن قاداعالاۋ، جەلىدە اقى تولەۋ، ونىمدەردىڭ سوڭىنا ءتۇسۋ سىندى ٴبىر پۋنكت ۇلگىسىندەگى توعىستىرۋدى جۇزەگە اسىرعان B2B تەكشەسى، بۇل قىسقاشا «832 تەكشەسى» دەپ تە اتالادى. اۋداندىق قامداۋ – ساۋدا كووپەراتيۆى پارتگرۋپپاسىنىڭ شۋجيى جاڭ بيڭبيڭ بىلاي دەپ تانىستىردى: «بۇل تەكشەدە الدىمەن مەملەكەت دارەجەلى كەدەي اۋدانداردىڭ اۋىل شارۋاشىلىق قوسىمشا ونىمدەرى ساتىپ الىنادى جانە ساتىلادى».

    ۇعىسۋعا قاراعاندا، بۇل اۋدان ءونىمدى تۇراقتاندىرۋ مەحانيزمىن تياناقتاندىرۋ، مەجە ەسەپ ورىندارىنىڭ اۋىل شارۋاشىلىق قوسىمشا ونىمدەرىن ساتىپ الۋىن ىلگەرىلەتۋ، اۋدانعا توتە قاراستى تاراۋلار مەن ورىنداردىڭ تۇتىنۋعا قاتىناسىپ كەدەيلەردى سۇيەمەلدەۋى سياقتى مەحانيزمدى جەبەۋ ارقىلى ۇكىمەتتىك ساتىپ الۋ ساياساتىن شىنايى تياناقتاندىرىپ، تۇتىنۋ ارقىلى كەدەيلەردى سۇيەمەلدەۋ قىزمەتىن مىقتى يگەرىپ، ءتۇرلى شارانىڭ ناقتى تياناقتانۋىنا كەپىلدىك ەتىپ، تۇتىنۋ ارقىلى كەدەيلەردى سۇيەمەلدەۋ قىزمەتىندە شىنايى ونىمدىلىككە قول جەتكىزگەن. 5 - ايدىڭ سوڭىنا دەيىن تۇتاس اۋدانداعى اۋىل شارۋاشىلىق قوسىمشا ونىمدەرىنەن «832 تەكشەسى» ارقىلى جەلىدە 205 ءتۇرلى تاۋار ساتىلىپ، قامداۋ - ساۋدا ەلەكتروندىق ساۋدا سەرىكتىگى قازىرگە دەيىن 93 ءتۇرلى تاۋاردى جەلىگە شىعارىپ، 5 ميلليون 235 مىڭ يۋان ساتۋ سوماسىن ورىنداعان. «بۇل ناتيجە قاراماققا كورنەكتى بولماعانىمەن، الايدا832’ تەكشەسىندە‘ كەدەي اۋدانداردىڭ تيجارات كىرىسى تۇگەل تاقتاعا شىعارىلادى. ءبىزدىڭ اۋدان ەڭ جوعارى بولعاندا 832’ تەكشەسىندە‘ الدىڭعى 6 - ورىنعا دەيىن شىقتى» دەدى چاپچال اۋدانى قامداۋ - ساۋدا ەلەكتروندىق ساۋدا تەكشەسى ەلەكتروندىق ساۋدا سەرىكتىگىنىڭ باس جوراسى جاڭ جۇڭحۋا ماقتانىشپەن.

    جاڭ جۇڭحۋا بىلاي دەدى: «چاپچال اۋدانى قامداۋ - ساۋدا ەلەكتروندىق ساۋدا تەكشەسى 3 نەگىزگى ساتى اۋىل - قالاشىق ەلەكتروندىق ساۋدا ۋنيۆەرسالدى قىزمەت وتەۋ كووپەراتيۆىن، 6 الەۋمەتتىك اۋماق ەلەكتروندىق ساۋدا ۋنيۆەرسالدى قىزمەت وتەۋ كووپەراتيۆىن قۇردى». «اۋداندىق قامداۋ - ساۋدا كووپەراتيۆىنىڭ ءبىر تۇتاس ورنالاستىرۋىندا، قامداۋ - ساۋدا ەلەكتروندىق ساۋدا تەكشەسى قاينۇق اۋىلىنداعى، ميلياڭچۋان حۇيزۋ ۇلتتىق اۋىلىنداعى ەرەن بازارلاردى ەلەكتروندىق ساۋداعا قىزمەت وتەۋمەن ءبىر تۇلعالانعان قامداۋ - ساۋدا ەلەكتروندىق ساۋدا تەكشەسى ۋنيۆەرسالدى قىزمەت وتەۋ ورنىنا اينالدىرىپ، شاعىن قالا - قالاشىق تيجارات تەكشەسىن قۇرىپ، جەرگىلىكتى تۇرعىنداردىڭ كۇندەلىكتى زاتتىق تۇرمىس قاجەتىن قاناعاتتاندىردى ءارى بەلگىلى دارەجەدەن العاندا اۋدان كولەمىندەگى ءار ۇلت جۇرتشىلىعىنىڭ اۋىل شارۋاشىلىق قوسىمشا ونىمدەرىن ساتۋ ارناسىنىڭ ىركىلىسسىز بولۋىنا كەپىلدىك ەتتى». تىلشىلىك بارىسىندا ءتىلشى بۇل اۋداننىڭ ي - نان ونەركاسىپ باقشاسى A رايونىندا 21 مۋ جەر يەلەگەن قامداۋ - ساۋدا كووپەراتيۆىنىڭ زات اينالىمى، زات جەتكىزۋ ورتالىعى جانە قامداۋ - ساۋدا ەلەكتروندىق تەكشەسى تيجارات ورتالىعىنىڭ سالىنعانىن كورگەن. وندا اۋىل شارۋاشىلىق ونىمدەرىن ءبولىپ مانەرلەۋ ورتالىعى، جاس كۇيىندە ساقتاۋ قامباسى، ءوز كۇيىندە ساقتاۋ قامباسى، 020 اۋىل شارۋاشىلىق ونىمدەرى كورمە زالى، تيجارات ورتالىعى، جەتىلدىرۋ بولمەسى سياقتى يقۋاتتى رايوندار قامتىلعان.

جاۋاپتى رەداكتور: گۇلدەن ماقسات قىزى