گى شىڭلي گۇل تەڭىزىن قازىناعا اينالدىردى

  • كەلۋ قاينارى: ىلە گازەتى
  • 03:35:11 30/06/2020

    جاقىن جىلدان بەرى ىلە ساياحات كاسىبىنىڭ گۇلدەنۋىنە ىلەسە، قىرۋار ادامداردىڭ ساياحات كاسىبىنە سۇيەنىپ بايىعانىن كورگەن گى شىڭلي ونان ارى قايراتتانا تۇسەدى. «وسىنشا كوركەم جۇپار ءشوپ ەگىلگەننەن كەيىن قالايشا ماي، كەپتىرىلگەن گۇل سياقتى العاشقى ونىمدەرى عانا ساتىلادى، قايتكەندە ٴوز ارتىقشىلىعىمدى ساۋلەلەندىرىپ، جۇپار شوپتەن ٴتىپتى دە زور قۇن جاراتامىن...؟». گى شىڭلي كۇلگىن جۇپار شوپتەرگە قاراپ ويعا باتتى.

    گى شىڭلي موتوتسيكلىنە ٴمىنىپ مەملەكەت تاس جولى 315 – لەنياسىنىڭ اۋزىنا بارىپ، جاقىنداعى اۋىل ـ قالاشىقتاردان قاريدار باۋراپ سىناپ كورەدى، ساياحات اۆتوبۋزىنا نەمەسە جەكە كولىك ايداعان ساياحاتشىلارعا بارىپ، باتىلدىقپەن ٴسوز باستاپ ولاردىڭ جۇپار ءشوپتى كورگىسى كەلەتىن ـ كەلمەيتىنىن سۇرايدى. سودان كەيىن موتوتسيكلىمەن ولارعا جول باستاپ، قاريدارلاردى ٴوزى ەككەن ٴجۇز مۋدان استام جۇپار ءشوپ الاڭىن تاماشالاتادى، سۋرەتكە تۇسىرەدى.

    گى شىڭلي: «ول كەزدە ساياحاتتى ٴتۇسىنىپ كەتپەيتىنمىن، ساياحاتشىلارعا باعا ايتۋدان دا تارتىناتىنمىن، ساياحاتشىلار ۇنەمى ٴار ادامعا ون يۋاندىق ولشەممەن اقشا تولەيتىن» دەدى.

    جول باستاۋشى بولۋ ءۇشىن، گى شىڭلي ءبىر جاعىنان، جۇپار ءشوپ ەگىپ، ەندى ءبىر جاعىنان، جۇپار شوپكە قاتىستى بىلىمدەر مەن ساياحات بىلىمدەرىن ۇيرەنىپ، ساياحاتشىلاردىڭ قۋانىشتى بەينەدە كوپتەپ كەلۋىنە مۇمكىندىك جاراتتى. ساياحاتشىلار ونىڭ جۇپار ءشوپ ونىمدەرىن ساتىپ الىپ، ول باققان جەرگىلىكتى تاۋىق پەن اۋلاسىنا ەككەن جاسىل كوكونىستەردەن ءدام تاتادى. كەتەرلەرىندە ونىڭ ٴۇنحاتىن قوسادى. وسىلايشا ونىڭ ەكى ءۇنحاتتاعى دوستارى تەز ارادا 10 مىڭ ادامعا كوبەيدى. ٴار جىلى وسى ءۇنحاتتاعى دوستارى گى شىڭليدىڭ بارلىق جۇپار ءشوپ ونىمدەرىن كوتەرمەگە الىپ ساتادى، «لاۋ گى» دەگەن اتى دا بارعان سايىن شار تاراپتى شارلادى.

    بۇل كۇندەرى گى شىڭلي دامۋ بولاشاعىن كورىنىستى تاماشالاۋ ساياحاتى + حوش ٴيىستى زات ونىمدەرىن ساتۋ سىندى كاسىپ تىزبەگىنەن قاراستىردى، ول حوش ٴيىستى زات ونىمدەرى سەرىكتىگىنەن سومكە، جاستىق، سابىن سياقتى ونىمدەردى ساتىپ اكەلەدى جانە ٴوزى مانەرلەگەن جۇپار ءشوپ مايىن قوراپتاپ، اتىزدا سامالدىق سالىپ، سوندا ساتادى. 2019 - جىلى گى شىڭلي تاعى دا «لاۋگى جۇپار ءشوبى» ماركاسىن تىركەۋگە ٴوتىنىش ەتتى ٴارى باسقا دوستارىمەن بىرگە اسحانا اشتى. ەگىن شارۋاشىلىعىمەن، كورىنىستىك ساياحاتپەن، ونىمدەردى جەلىدە جانە جەلىدەن تىس ساتۋمەن، اس – سۋعا قىزمەت وتەۋمەن ءبىر تۇلعالاندىردى.

    گى شىڭلي اۋقاتتاندى، چيڭشۇيحى قالاشىعىنان عانا ەمەس، قۇلجا قالاسىنان دا ءۇي ساتىپ الدى. تاعى ٴبىر اۆتوكولىك الىپ ەدى، ساياحاتشىلاردى قابىلداۋى ٴتىپتى دە قولايلى بولدى.

جاۋاپتى رەداكتور: گۇلدەن ماقسات قىزى