قۇلجا قالالىق جەمىس ـ جيدەك، كوكونىس سەلبەستىك كووپەراتيۆى شارۋالاردى كىرىستى ارتتىرۋعا جەبەدى

  • كەلۋ قاينارى: ىلە گازەتى
  • 03:37:02 30/06/2020

  

  ساتۋ ارناسىن كەڭەيتىپ، تاپسىرىستى ەگىن شارۋاشىلىعىن دامىتتى

 

        ەرىكتى ٴتىلشى سۇن ۋ - جيان حابارلايدى. كەدەيلىكتەن ارىلتۋدان قامال الۋعا دەم بەرۋ قىزمەتىندە قۇلجا قالاسى «سەلبەستىك كووپەراتيۆى + بازا + ولشەمدەندىرىلگەن ەگىمشىلىك + كەدەي وتباسى» ۇلگىسى ارقىلى ەگىن شارۋاشىلىعى كووپەراتيۆتەرىنىڭ جەدەل دامۋىنا جەتەكشىلىك ەتىپ جانە ونى سۇيەمەلدەپ، ونى شارۋالاردىڭ جۇمىسقا ورنالاسۋىنا، كىرىسىن ارتتىرۋىنا جەتەكشىلىك ەتەتىن دانەكەرگە اينالدىردى.

    قۇلجا قالاسى داردامتى قالاشىعى حىپيڭ كوك اسقاباق ەگىمشىلىگى كاسىپتىك سەلبەستىك كووپەراتيۆى 2012 - جىلى قۇرىلعان، جەمىس، كوكونىس، قالامشا ەگۋ، قامبادا ساقتاۋ، ساتۋ، جەتكىزۋ ٴبىر تۇلعالانعان ٴىرى ۋنيۆەرسالدى سەلبەستىك كووپەراتيۆى. جەرگىلىكتى ۇكىمەتتىڭ دەمەۋىندە وسى بىرنەشە جىلدا سەلبەستىك كووپەراتيۆى دامۋدىڭ جاڭا ۇلگىسىنە بەلسەنە ىزدەنىس جاساپ، جەمىس ـ جيدەك، كوكونىس ساتۋ ارناسىن كەڭەيتىپ، كووپەراتيۆ مۇشەلەرىنىڭ كىرىسىن ارتتىرۋىن جانە بوس ەڭبەككۇشتەردىڭ جۇمىستانۋىن مۇمكىندىگىنشە قامتاماسىزداندىردى.

    6 - ايدىڭ 20 - كۇنى وسى كووپەراتيۆتىڭ كاپۋستا ەگۋ بازاسىندا 30 نەشە جۇمىسشى كاپۋستا جيناۋمەن ابىگەر بولدى، قىستاق تۇرعىنى قۇرباناي سىمايىل وتباسى بازاعا جاقىن ورنالاسقان. ول ٴار جىلى جاز، كۇز ماۋسىمدارىندا وسى بازادا جۇمىس ىستەيدى.

    قۇرباناي بىلاي دەدى: «كووپەراتيۆتە جۇمىس ىستەپ كۇنىنە 100 نەشە يۋان كىرىس كىرگىزۋگە، تۇستە ۇيگە قايتىپ تاماق ىستەۋىمە بولادى، جاقىن ماڭنان كاسىپتەندىم، قازىرگى قىزمەتىمە ايىرىقشا رازىمىن» دەدى.

    قازىر حىپيڭ كوك اسقاباق ەگىمشىلىگى كاسىپتىك سەلبەستىك كووپەراتيۆىندەگى 135 مۇشەگە 200 كوكونىس جىلىجايى تيەسىلى، كووپەراتيۆ مۇشەلەرى جەردى اينالىمعا سالۋ ارقىلى جەردى كوتەرمەگە الۋ ۇقىعىن مال - مۇلىك رەتىندە كووپەراتيۆكە جارناعا قوسىپ، تابىس بولىسىنەن جىل سايىن يگىلىكتەنىپ كەلەدى.

    سەلبەستىك كووپەراتيۆىنىڭ مۇشەسى ساجيدام حيسام: «ٴبىز جەردى سەلبەستىك كووپەراتيۆىنە اينالىمعا سالعاننان كەيىن جىلىنا 3 مىڭ 200 يۋان ساتىپ الۋ اقىسىنا يە بولامىز. مەن سەلبەستىك كووپەراتيۆىندە ەڭبەككە قاتىناسقالى ايىنا 3 مىڭ يۋان ەڭبەكاقى الىپ كەلەمىن، قىزمەتىمە ريزامىن» دەدى.

جاۋاپتى رەداكتور: گۇلدەن ماقسات قىزى