«وزگەشە جوعارى مەكتەپ ەمتيحانىن» باستان كەشىرۋدىڭ ءوزى - ەستەن كەتپەس كەشىرمە

  • كەلۋ قاينارى: ىلە گازەتى
  • 03:29:48 01/07/2020

  

    جاڭ حاييىڭ

 

    وقۋ – اعارتۋ مينيسترلىگى جۋىردا اقپار جاريالاۋ ءماجىلىسىن اشىپ، بيىلعى جوعارى مەكتەپ ەمتيحانى بارىسىنداعى ىندەتتەن ساقتانۋ جانە ۇيىمداستىرۋ – اتقارۋ سياقتى قىزمەتتەرگە ورنالاستىرۋ جاسادى. بەلگىلەمەگە نەگىزدەلگەندە، حاۋىپ – قاتەر دەڭگەيى تومەن وڭىرلەردە ەمتيحان بەرەتىن وقۋشىلار، ەمتيحان مايدانىنا كىرۋدەن بۇرىن ماسكا تاعۋى ءتيىس، ەمتيحان مايدانىنا كىرىپ، ورنىنا وتىرعان سوڭ، ماسكا تاعۋ – تاقپاۋدى ءوزى بەلگىلەيدى، اۋاشالاۋعا ارنالعان زاپاس ەمتيحان مايدانى مەن حاۋىپ – قاتەرى ورتاشا، جوعارى وڭىرلەردە ەمتيحان بەرەتىن وقۋشىلار ەمتيحان بارىسىندا باستان – اياق ماسكا تاعۋى كەرەك.

    جاڭا تيپتى ايدارشا ۆيرۋس وكپە قابىنۋ ىندەتى تۇتقيىل تۋىلعاندىقتان، بيىلعى جوعارى مەكتەپ ەمتيحانىنىڭ ۋاقىتى ءبىر اي كەشەۋىلدەتىلدى. ىندەتتىڭ ىقپالى سەبەبىنەن، بيىل جوعارى مەكتەپ ەمتيحانىن ۇيىمداستىرۋ جانە قامتاماسىزداندىرۋ قىزمەتى دە ىندەتتەن ساقتانۋ جانە ونى تىزگىندەۋدەن قول ۇزە المايدى. بۇل جوعارى مەكتەپ ەمتيحانى تاريحىنداعى ءبىر رەتكى اسا وزگەشە ەمتيحان بولىپ، ەمتيحان ءار دارەجەلى قاتىستى تاراۋلارعا ايرىقشا سىناق بولىپ قالماستان، جوعارى مەكتەپ ەمتيحانىنا قاتىناساتىن بارشا وقۋشىلار جونىنەن دە ايرىقشا سىناق بولادى، ءارقايسى جاقتاردىڭ سىناقتان سۇرىنبەي ءوتۋىن تىلەيمىز.

    بيىلعى جوعارى مەكتەپ ەمتيحانىنا تىزىمدەلگەندەردىڭ سانى 10 ميلليون 710 مىڭ ادام بولىپ، بىلتىرعىمەن سالىستىرعاندا، 400 مىڭ وقۋشى كوپ بولدى. ەمتيحان بەرەتىن وقۋشىلاردىڭ سانىنىڭ ارتۋى مەن ىندەتتەن ساقتانۋ جانە تىزگىندەۋ جاعدايىنىڭ قوسا قاباتتاسۋى قاتىستى تاراۋلاردىڭ، ءسوزسىز، تىڭعىلىقتى ورنالاستىرۋ جاساۋى قاجەت ەكەنىن كورسەتەدى. مەملەكەت بويىنشا 7 مىڭنان استام ەمتيحان ءتۇيىنىن، 400 مىڭ ەمتيحان مايدانىن ورنالاستىرۋ، باقىلاۋشىلار مەن ەمتيحان قىزمەتىنە جاۋاپتى قىزمەتكەرلەردەن 945 مىڭ ادام ورنالاستىرۋ، ءار 10 ەمتيحان مايدانى سايىن بىردەن اۋاشالاۋعا ارنالعان زاپاس ەمتيحان مايدانىن قۇرۋ سىندى ورنالاستىرۋلاردىڭ ءبارى وزگەشە ورنالاستىرۋلار ەسەپتەلەدى.

    بيىلعى جوعارى مەكتەپ ەمتيحانى ىندەت تۋىلعاننەن بەرى، بۇكىل ەلىمىز كولەمىندە وتكىزىلگەلى وتىرعان ەڭ ءىرى كولەمدەگى ۇيىمداسقان شوعىرلى قيمىل، ەمتيحاننىڭ «حاۋىپسىز، ورنىقتى، عىلمي» وتكىزىلۋى ءۇشىن، ءار دارەجەلى مەملەكەتتىك وقۋ – اعارتۋ جانە ەمتيحان قىزمەتى بىرىككەن كەڭەستەرىنە مۇشە ورىندار قاتارىنا دەنساۋلىق ساقتاۋ – سالاماتتىق تاراۋلارى مەن اۋرۋدىڭ الدىن الۋ تاراۋلارى قوسىلدى، وسى ارقىلى جوعارى مەكتەپ ەمتيحانىندا ىندەتتەن عىلىمي، دالمە – ءدال ساقتانۋعا جەتەكشىلىك ەتىپ، ەمتيحانعا قاتىناسقان وقۋشىلار مەن ەمتيحان قىزمەتىنە جاۋاپتى قىزمەتكەرلەردىڭ ءومىرى مەن دەنساۋلىعىنىڭ حاۋىپسىزدىگىنە كەپىلدىك ەتەدى.

جاۋاپتى رەداكتور: گۇلدەن ماقسات قىزى