«وزگەشە جوعارى مەكتەپ ەمتيحانىن» باستان كەشىرۋدىڭ ءوزى - ەستەن كەتپەس كەشىرمە

  • كەلۋ قاينارى: ىلە گازەتى
  • 03:29:48 01/07/2020

    7 - ايدىڭ 7 – كۇنى الىناتىن جوعارى مەكتەپ ەمتيحانىنا ءالى بىرنەشە كۇن بار، قاتىستى تاراۋلاردىڭ قامتاماسىزداندىرۋ قىزمەتىنىڭ ءاربىر ءتۇيىنىن كەمەلدەندىرۋىنە ۋاقىت جەتەرلىك، دەنە تەمپەراتۋراسىن ولشەۋ، حاۋىپ – قاتەردى ساراپتاۋ سياقتى قىزمەتتەردى ويداعىداي ىستەۋدەن سىرت، توسىن تۋىلاتىن جاعدايلارعا دا الدىن الا جاتتىعۋ جاساۋ كەرەك.

    ەمتيحانعا قاتىناساتىن بارشا وقۋشىلار تۇرعىسىنان العاندا، «ەرەكشە جوعارى مەكتەپ ەمتيحانىنا» ءدوپ كەلگەن ساتتە، ەمتيحاننان بۇرىن دەنساۋلىق جاقتان جانە كوڭىل كۇي جاقتان تولىق دايىندىق جاساۋدان سىرت، ەمتيحان بارىسىندا دا عىلمي تۇردە ساقتانۋ – قورعانۋ كەرەك. وسى جونىندە وقۋ – اعارتۋ مينيسترلىگىنىڭ ءمانساپتىسى ءتورت ءتۇرلى جاقتان ۇسىنىس بەردى: ۇيرەنۋ بارىسىندا كوڭىل – كۇيدى، دەنساۋلىقتى، پسيحيكالىق كۇيدى ويداعىداي مەڭگەرىپ، ەمتيحانعا دايىندىقتى ويداعىداي ىستەۋ كەرەك. بۇل جاي ساۋات بولعانىمەن، دەن قويا قۇلاق اسۋعا تاتيدى.

    ساقتانۋ – قورعانۋ جاعىندا، مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ ءمانساپتىسى ەمتيحان بەرەتىن وقۋشىلارعا ءبىرشاما جان – جاقتى، عىلمي ۇسىنىستاردى بەردى، بۇل ۇسىنىستار دا وقۋشىلار مەن ولاردىڭ اتا – انالارىنىڭ «ساقتاپ قويۋىنا» تاتيدى، ۇيتكەنى، ساقتانۋ  مەن قورعانۋدى ويداعىداي ىستەۋ -جوعارى مەكتەپ ەمتيحانىنىڭ سىناعىنان سۇرىنبەي ءوتۋدىڭ العى شارتى. وتە – موتە، حاۋىپ – قاتەر دەڭگەيى ورتاشا، جوعارى دەڭگەيدەگى وڭىرلەردە ەمتيحان بەرەتىن وقۋشىلار ەمتيحان بارىسىندا باستان – اياق ماسكا تاعۋى كەرەك، بۇل تۇيىنگە ەمتيحان بەرەتىن بارشا وقۋشىلار ءمان بەرۋى كەرەك، الدىن الا ىشتەي دايىندىق جاساۋى ءتيىس، ۇيتكەنى، ىندەت -ديناميكالى وزگەرىستە بولادى.

    ۇزاق ۋاقىت ماسكا تاعۋعا بارلىق ادامنىڭ ۇيلەسە الۋى نەمەسە ادەتتەنە الۋى قيىن. ەگەر ەمتيحانعا ماسكا تاعىپ قاتىناسسا، كەيبىر وقۋشىلاردىڭ ناق مايداندا قابىلەتتەرىن ساۋلەلەندىرۋىنە ىقپال جەتكىزە مە، جوق پا؟ كەيبىر دەنساۋلىق جاعدايى باسقالارعا ۇقسامايتىن وقۋشىلار جونىنەن ايتقاندا، بالكىم، بۇعان ۇيلەسۋ ءۇشىن الدىن الا جاتتىعۋ جاساۋى قاجەت. سونىمەن بىرگە، ەمتيحان مايدانىنداعى مەديتسينالىق قامتاماسىزداندىرۋ قىزمەتىن دە ويداعىداي ىستەۋ قاجەت، وسى ارقىلى ۇزاق ۋاقىت ماسكا تاعۋ سەبەبىنەن كەيبىر وقۋشىلاردىڭ كۇتپەگەن جاعدايعا جولىعۋىنان ساقتانۋ كەرەك.

    بەلگىلى ماعىنادان الىپ ايتقاندا، بيىل «ەرەكشە جوعارى مەكتەپ ەمتيحانىنا» ءدوپ كەلىپ وتىرعان وقۋشىلار ەكى ءتۇرلى «سىناۋدى» جاقسى بەرۋى كەرەك. ونىڭ ءبىرى، قالىپتى جازباشا ەمتيحان بولسا، ەندى ءبىرى، «ىندەت سىناعى» بولىپ تابىلادى. ىندەت سىناعىنان جاقسى وتكەندە عانا، قالىپتى جازباشا ەمتيحاندى ويداعىداي تاپسىرۋعا بولادى. قاتىستى تاراۋلار مەن ەمتيحان قىزمەتىنە جاۋاپتى قىزمەتكەرلەر جونىنەن ايتقاندا، ىندەت، جول قاتىناسى سىندى سىناقتارعا ءدوپ كەلگەندە، دايىندىق قانشالىق تولىق بولسا، سىناقتان سونشالىق جاقسى وتۋگە بولادى.

جاۋاپتى رەداكتور: گۇلدەن ماقسات قىزى