بالالاردى توراپقا اقاۋسىز شىعۋعا جەتەكتەيىك

  • كەلۋ قاينارى: ىلە گازەتى
  • 03:32:10 01/07/2020

 

    شى فاڭ

    توراپ داۋىرىندە ازامات جاسىنا تولماعانداردىڭ دەنساۋلىق اقاۋسىزدىعىن قايتكەندە ويداعىداي قورعاۋعا بولادى؟ جۋىردا جۇڭگو ينتەرنەت قوعامى «ازامات جاسىنا تولماعانداردىڭ توراپقا قۇمارتۋىنان ساقتانۋ ۇندەۋىن» جاريالاپ، تۇتاس قوعامدى ازامات جاسىنا تولماعانداردىڭ توراپقا قۇمارتۋىنا بىرگە نازار اۋدارۋعا ۇندەدى. زەرتتەۋدە كورسەتىلۋىنشە، 2019 – جىلى ەلىمىزدە ازامات جاسىنا تولماعان توراپ اۋەسكەرلەرى سانى 175 ميلليونعا جەتىپ، ازامات جاسىنا تولماعانداردا ينتەرنەتتىڭ جالپىلاسۋى %93.1 بولعان. وتە – موتە، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مەزگىلىندە ءبىرتالاي رايوندار ينتەرنەتتەن پايدالانىپ ورتا، باستاۋىش مەكتەپتەردە «ساباق توقتاسا دا، وقۋدى توقتاتپاۋدى» جۇزەگە اسىردى. دەسە دە، ينتەرنەت قولايلى بولۋمەن بىرگە، ازامات جاسىنا تولماعانداردا توراپ ويىنىنا قۇمارتۋ، توراپ تانىمالدارىنا اقشا بەرۋ، ۇنامسىز ينفورماتسيالاردىڭ ىقپالىنا ۇشىراۋ جايتتەرى بەلەڭ بەردى، بۇلار ءبىزدىڭ ساقتانۋىمىزعا ءارى ويلانۋىمىزعا تاتيدى.

    توراپ كەڭىستىگى دە الەۋمەتتىك كەڭىستىك بولىپ، ۇكىمەتتىڭ باسقارۋى مەن زاڭنىڭ جۇيەلىلىگىن قاجەت ەتەدى. جۋىردا ەڭ جوعارى حالىق سوتى جەتەكشى پىكىر جاريالاپ، مىنانى ايقىن بەلگىلەدى: ازاماتتىق ىستەر ارەكەتى شەكتەۋلى ادام قامقورشىسىنىڭ ماقۇلداۋىنسىز، توراپ ويىنىندا بولسىن، الدە توراپ تىكە تارالىمىندا بولسىن، جاسىنا، زەيىن قۋاتىنا ۇيلەسپەيتىن تۇرلەردە اقشا شىعىس ەتسە، قامقورشىسىنىڭ توراپ قىزمەت وتەۋشىلەرىنەن شىعىندى قايتارىپ بەرۋىن تالاپ ەتۋىنە بولادى، مۇنى حالىق سوتى دا قولدايدى. بۇل بەلگىلەمە وتباسى زاڭدىق مال – مۇلكىن قورعاپ قالماستان، ەڭ ماڭىزدىسى ازامات جاسىنا تولماعانداردى قورعاۋدىڭ نەگىزدىك پرينسيبىن كورنەكتىلەندىرگەن. دەمەك، ازامات جاسىنا تولماعانداردى قورعاۋدى زاڭ شىعارۋ، ءادىليا، زاڭ اتقارۋ، زاڭ جالپلاستىرۋ سياقتى جاقتاردا ساۋلەلەندىرگەندە عانا، ازامات جاسىنا تولماعاندارعا حاۋىپسىز، جۇيەلى توراپ كەڭىستىگى شارت – جاعدايىن جاراتىپ بەرۋگە بولادى.

    اتا – انا پەرزەنتتەرىنىڭ العاشقى ۇستازى، وتباسىندا ازامات جاسىنا تولماعانداردىڭ حاۋىپسىز توراپقا شىعۋىنا دۇرىس جەتەكشىلىك ەتۋدە وزدەرى ۇلگى كورسەتۋى كەرەك. ايتالىق، ۇلكەندەردىڭ ءوزى قولفونعا قادالىپ السا، بالالاردى قالاي توراپقا ۇيلەسىمدى شىعۋعا قۋزاۋشىلىق ەتە السىن. سونىمەن بىرگە، تاماشا تۋىستىق قاتىناس ازامات جاسىنا تولماعانداردىڭ توراپقا اقاۋسىز شىعۋىن جەبەيدى. سوندىقتان ۋاقىت شىعارىپ بالالارعا سەرىك بولىپ، بىرگە كىتاپ وقىپ، سپورتپەن شۇعىلدانىپ، سىرلاسا ءبىلىڭىز ءارى ازامات جاسىنا تولماعانداردىڭ اقاۋسىز ەسەيىپ - ەرجەتۋ زاڭدىلىعىن تولىق ءتۇسىنىڭىز، مەيىرىمدى بولۋ، قۇرمەتتەۋدىڭ العى شارتىندا بالاعا تاربيە بەرىڭىز، بۇل توراپتى ءۇزىپ تاستاۋ، قولفوندى تاركىلەۋ سياقتى كيلىگۋ ادىسىنە قاراعاندا، بالانىڭ تاماشا ۇيرەنۋ داعدىسىن، تۇرمىس ادەتىن جەتىلدىرۋىنە ءتيىمدى ءارى ءونىمدى.

جاۋاپتى رەداكتور: گۇلدەن ماقسات قىزى