بالالاردى توراپقا اقاۋسىز شىعۋعا جەتەكتەيىك

  • كەلۋ قاينارى: ىلە گازەتى
  • 03:32:10 01/07/2020

    جاستار مەن ورەندەردىڭ ۋاقىتىنىڭ كوبى مەكتەپتە وتەتىندىكتەن، حاۋىپسىز توراپقا شىعۋدى ساباقحانامەن ۇشتاستىرۋ وتە ماڭىزدى. قازىر ازامات جاسىنا تولماعانداردىڭ توراپقا شىعۋ جاس شاماسى بارعان سايىن تومەندەۋدە، اۋەلى ءبىر ءبولىم بالالار «ءارىپ تانىماي جاتىپ، الدىمەن توراپقا شىعۋدى ۇيرەنۋدە». توراپ ينفورماتسياسى قىم – قۋىت بولىپ، ازامات جاسىنا تولماعاندار ونىڭ كەرەكتىسى مەن جاراقسىزىن پارىقتاي المايدى، بۇل توراپ الدامكوستىگى، توراپقا قۇمارتۋ سياقتى ماسەلەلەردىڭ تۋىلۋىنىڭ ءتۇپ نەگىزىنىڭ ءبىرى. وسىنداي جاعدايدا ساباقحانا وقىتۋى ارقىلى بالانىڭ توراپقا اقاۋسىز شىعۋ تاماشا ادەتىن جەتىلدىرىپ، توراپ ينفورماتسياسىن پارىقتاۋ قابىلەتىن كۇشەيتۋ وتە ماڭىزدى. تەكسەرۋدە كورسەتىلۋىنشە، ءبىر ءبولىم مەكتەپتەردە اشىلعان توراپ ساباعىندا تەحنيكالىق جەتەكشىلىككە باسا ءمان بەرىپ، قولدانىلمالىعى ويداعىداي بولماعان، اۋەلى ازامات جاسىنا تولماعانداردىڭ كۇندەلىكتى تۇرمىسىمەن ۇشتاسپاعان، سوندىقتان ونى ونان ارى بايىتۋعا، كەمەلدەندىرۋگە تۋرا كەلەدى. ءبىز وقۋ – اعارتۋ اكىمشىلىك تاراۋلارى مەن ورتا، باستاۋىش مەكتەپتەردى اقاۋسىز توراپقا شىعۋدى نەگىزگى تاقىرىپ ەتكەن ساباق قۇرىلىسىن كۇشەيتۋگە ۇندەپ، بالالاردىڭ اقاۋسىز ەسەيىپ – ەرجەتۋىن قورعايىق.

    ازامات جاسىنا تولماعانداردى حاۋىپسىز ينتەرنەت ءونىمى جانە قىزمەت وتەۋىمەن قامداۋدا كاسىپورىندار دا جاۋاپكەرلىك ارقالاۋى كەرەك. جۋىردا بەيجيڭ قالاسى «بەيجيڭ قالاسىنىڭ ەلەكتروندىق ويىن كاسىبىنىڭ اقاۋسىز دامۋىن ىلگەرىلەتۋ جونىندەگى ءبىرقانشا پىكىرىنە» نەگىزدەلىپ، وندىرىسكە قوسىلعان ويىننىڭ مازمۇنىن باقىلاپ – باسقارۋدى كۇشەيتىپ، تولىمسىز ونىمدەردى وندىرۋدەن باتىل توقتاتىپ، ويىن مازمۇنىن مىقتى يگەرىپ، بادىك، قۇمار ويناۋ، زورلىقتى كۇشكە ساياتىن، تاريحتى بەتالدى بۇرمالايتىن، كەرى قۇن كوزقاراسىن تاراتاتىن زاڭعا، بەلگىلەمەگە قايشى ارەكەتتەرگە باتىل قارسى تۇردى ءارى الاستادى. بۇل قاتىستى كاسىپورىنداردىڭ نازارىن اۋداردى، ساۋدا مۇددەسى الدىندا، ازامات جاسىنا تولماعانداردىڭ دەنساۋلىق اقاۋسىزدىعى تومەنگى شەگىن قورعاپ، ساپالى ءونىم ءوندىرىپ، ويداعىداي قىزمەت وتەۋمەن بىرگە، ازامات جاسىنا تولماعانداردىڭ حاۋىپسىز، اقاۋسىز توراپقا شىعۋىنا دۇرىس جەتەكشىلىك ەتۋ كەرەك. جۋىق جىلداردان بەرى، ينتەرنەتتىك قىزمەت وتەۋشى ساۋداگەرلەر «جاستار مەن ورەندەر ۇلگىسىن»، «قۇمارتۋدان ساقتانۋ جۇيەسىن» ىلگەرى – كەيىندى ورتاعا قويدى. وسى تەكتەس شارالار قانشا كوپ بولسا، ءونىمى سونشا جاقسى بولاتىنى داۋسىز.

    ونەگەلى پەرزەنتتىڭ وبرازى ءبىر ەلدىڭ بولاشاعىن بەلگىلەيدى. كوپ جاقتى سەلبەسىپ، جان – جاقتى شارا قولدانساق، ازامات جاسىنا تولماعانداردى قورعايتىن توراپ ساقتىق قامالىن قۇرىپ، حاۋىپسىز توراپقا شىعۋ ورتاسىن ازىرلەپ، اقاۋسىز توراپ كەڭىستىگى شارت – جاعدايىن جاراتا الامىز. بۇل ءبىر پەرزەنتتى عانا ەمەس قايتا، ەلىمىزدىڭ نۇرلى بولاشاعىن قورعاۋ بولىپ سانالادى. ەندەشە، قازىردەن باستاپ بىرگە ات سالىسايىق.

    «حالىق گازەتىنەن» اۋدارعان

    سەرىك سابىر ۇلى

جاۋاپتى رەداكتور: گۇلدەن ماقسات قىزى