اقتاس جايلاۋىنداعى مالشىلار كيىز ۇيمەن اۋقاتتاندى

  • كەلۋ قاينارى: ىلە گازەتى
  • 04:29:35 07/07/2020

 

    ٴتىلشىمىز ساي ليپىڭ، ەرىكتى ٴتىلشى تاڭ چىڭجي تەكەستەن حابارلايدى. 6 - ايدىڭ 4 - كۇنى تۇستەن بۇرىن قوناقتار كەلۋدەن ىلگەرى، 21 جاستاعى قۋانىشبەك ساۋلەتبەك ۇلى مەن شەشەسى ىرىسگۇل ەلىكباي قىزى تۇسكى اسقا ازىرلەندى. «قوناقتار اقتاس جايلاۋىنان قايتىپ كەلسە، ءوزىمىز ازىرلەگەن قوي ەتى سورپاسىن ىشەدى» دەدى ىرىسگۇل.

    قۋانىشبەك ساۋلەتبەك ۇلى تەكەس اۋدانى تەكەس قالاشىعى اقتاس قىستاعىنىڭ تۇرعىنى. اكەسى ەرتە قايتىس بولىپ، سۇيەنىشسىز قالعان. ەكونوميكالىق قيىنشىلىق قىسپاعىندا قالعان ول 2014 - جىلى ارحيۆتەستىرىلىپ، كارتوچكالاندىرىلعان كەدەي وتباسى مۇشەسى بولىپ تۇراقتانعان.

    ىرىسگۇل تاماق ىستەۋگە شەبەر ەكەنىن ەسكەرە وتىرىپ، قىستاق «ەكى كوميتەتى» ونى اسپازدىق كۋرسقا قاتىناستىرىپ، اسپازدىق ونەرگە باۋلىدى، كەيىن قىستاقتاعى وقىتۋ تۇيىندەرىنىڭ اسحاناسىندا قىزمەت ىستەدى. ٴار ايدا مىڭ يۋان ەڭبەكاقى العانىمەن، وتباسى تۇرمىسىنداعى ءبىرقىدىرۋ ماسەلەنى شەشتى. ول ٴتىپتى دە جاقسى تۇرمىس كەشىرۋ ءۇشىن تاعى دا ٴادىس ـ امال قاراستىرىپ، وقۋشىلار جازعى دەمالىسقا تاراعاندا، شارۋالار شاتتىعى ساياجايىن اشتى. 2017 ـ جىلى وتباسى كەدەيلىكتەن ءبىر جولاتا ارىلدى.

    2018 ـ جىلى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى مەن قىستاق «ەكى كوميتەتى» كەدەيلەردى سۇيەمەلدەۋ قارجىسىنان پايدالانىپ، 9 كيىز ٴۇي ساتىپ الىپ، ارحيۆتەستىرىلىپ، كارتوچكالاندىرىلعان كەدەي وتباسىلارىن ساياحات كاسىبىن دامىتۋعا باستادى. ىرىسگۇل وتباسى دا ٴبىر كيىز ۇيگە يە بولدى، ىرىسگۇل سول جىلى 20 مىڭ يۋان، ال بىلتىر 30 مىڭ يۋان كىرىس كىرگىزدى.

    اقتاس قىستاعىندا اتى ايگىلى اقتاس جايلاۋى بار، ٴار جىلى 5 - ايدان باستاپ ساياحاتشىلار كوركەم كورىنىستى تاماشالاۋعا كەلەدى. قىستاقتا تۇراتىن قىزمەت اترەتى مەن قىستاق «ەكى كوميتەتى» «ساياحات + كەدەيلەردى سۇيەمەلدەۋ» سىندى كىرىستى ارتتىرۋ ۇلگىسىن بىرتىندەپ قاراستىرىپ، كەدەيلەردى سۇيەمەلدەۋ نىسانىنان پايدالانىپ ىلگەرىندى - كەيىندى 25 كيىز ٴۇي ساتىپ الىپ، ونىڭ ىشىندەگى 16 كيىز ٴۇيدى ٴار جىلى 3 مىڭ يۋان باعامەن قىستاقتاعى ارحيۆتەستىرىلىپ، كارتوچكالاندىرىلعان كەدەي وتباسىلارىنا مايعا بەردى، سونىمەن بىرگە قيىنشىلىعى بار 32 ادامدى جۇمىسقا ورنالاستىرىپ، ولاردىڭ جىلدىق ورتاشا كىرىستەرىن 10 مىڭ يۋاننان اسىردى. 2019 - جىلى قىستاقتىڭ كيىز ٴۇي مايلاۋدان تاپقان كوللەكتيۆ ەكونوميكالىق كىرىسى 93 مىڭ يۋان بولىپ، ونى كەدەي وتباسىلارىنا تابىس ءبولىسى رەتىندە جۇمساعان.

    قۋانىشبەك ساۋلەتبەك ۇلى شانشي پەداگوگيكا داشۋەسىنىڭ 2 - جىلدىق وقۋشىسى، ٴار جىلى قىستاقتىڭ ساياحات كوللەكتيۆ كىرىسىنەن 3 مىڭ يۋان وقۋ سيلىق اقشاسىنان يگىلىكتەنەدى. اپەكەسى گۇليا ساۋلەتبەك قىزى 2018 ـ جىلى وقۋ تاۋىسقان، قازىر قۇلجا قالاسىنداعى ٴبىر ساياحات سەرىكتىگىندە قىزمەت ىستەيدى، ٴبىر ٴۇيلى جان باقىتتى تۇرمىس كەشىرۋدە.

    اقتاس قىستاعى كۇن سايىن ساياحاتپەن الۋەتتەنىپ كەلەدى.

  

جاۋاپتى رەداكتور: گۇلدەن ماقسات قىزى