ساربۇرشىن قىستاعىنىڭ تۇرعىندارى ءشول ءبيداي نانىنا سۇيەنىپ كىرىستەرىن ارتتىرىپ، اۋقاتتاندى

  • كەلۋ قاينارى: ىلە گازەتى
  • 04:28:20 07/07/2020

 

   «تيانشان شارحۋ» ماركاسىنىڭ اتاعى الىس - جاقىنعا تارالدى

 

       ٴتىلشىمىز دۋ لەي توعىزتاراۋ اۋدانىنان حابارلايدى. 6 ـ ايدىڭ 24 ـ كۇنى ٴتىلشى توعىزتاراۋ اۋدانى تىكارىق قالاشىعى ساربۇرشىن قىستاعى تيانشان شارحۋ ءشول ءبيداي نانى اۋىل شارۋاشىلىق قوسىمشا ونىمدەرىن مانەرلەۋ سەلبەستىك كووپەراتيۆىنىڭ ٴوندىرىس زاۆودىنان جۇمىسشىلاردىڭ ۇن يلەپ، نان جاۋىپ جاتقانىن كوردى. «قازىر كۇنىنە ٴبىر مىڭ 600 دەن ارتىق نان جابامىز، سوندىقتان ۋاقىتتى قولدان بەرمەي تاپسىرىستاردى قامداۋعا كەپىلدىك ەتۋىمىز كەرەك» دەدى سەلبەستىك كووپەراتيۆىنىڭ ٴوندىرىستى باسقارۋ جاۋاپتىسى جاقان اقىنبەك ۇلى.

    ۇعىسۋعا قاراعاندا، جاقىنعى جىلداردان بەرى ساربۇرشىن قىستاعى كەدەيلىكتەن ارىلتۋدان قامال الۋ جانە اۋىل ـ قىستاقتى كوركەيتۋ قىزمەتىن ٴونىمدى توعىستىرۋدى اناعۇرلىم ىلگەرىلەتۋ ٴۇشىن، جۇرتشىلىقتىڭ باقىت سەزىمى مەن تابىس سەزىمىن ۇزدىكسىز جوعارىلاتقان، ون مىڭ مۋلىق ءشول ءبيداي اتىزىنا ءبيداي ەگۋ ابزالدىعىنان پايدالانىپ، كەدەيلەردى سۇيەمەلدەۋ نىسانى ارقىلى 2019 ـ جىلى 8 ـ ايدا تيانشان شارحۋ ءشول ءبيداي نانى اۋىل شارۋاشىلىق قوسىمشا ونىمدەرىن مانەرلەۋ سەلبەستىك كووپەراتيۆىن قۇرىپتى ٴارى «تيانشان شارحۋ» ماركاسىن تىزىمگە الدىرىپ، ءبيدايدى جىنتىكتەي مانەرلەپ، جەلىلەس ٴوندىرىستى كەڭەيتىپتى. قازىر سەلبەستىك كووپەراتيۆىندە ۇن مانەرلەۋ سەحى، ۇن تاعام جاساۋ سەحى، كورمە زالى سياقتىلار قۇرىلىپ، جيىنى 8 ٴداستۇرلى تونار جانە 2 ەلەكتر تونار بار ەكەن.

    جاقان تىلشىگە: «ساربۇرشىن قىستاعىندا جالپى 17 مىڭ مۋ ءشول ءبيداي اتىزى بار، ٴار جىلى 600 توننادان ارتىق تابيعي، جاسىل، زالالسىز ءشول ءبيداي وندىرىلەدى، سەلبەستىك كووپەراتيۆى وسى ابزالدىقتان پايدالانىپ، نەگىزىنەن ورگانيكالى، جاسىل، زالالسىز ءبيداي ۇنىن مانەرلەۋ ـ ساتۋمەن شۇعىلدانادى ٴارى ورگانيكالى ۇن ارقىلى ورگانيكالى نان جەلىلەس ونىمدەرىن ءوندىرىپ، تولايىم ساتادى. قازىر سەلبەستىك كووپەراتيۆى 20 دان ارتىق ەڭبەككۇشتى جاقىن ماڭدا كاسىپتەندىردى، ٴار ادام ايىنا ٴبىر مىڭ 500 يۋان ەڭبەكاقى الادى» دەدى.

    قىستاق تۇرعىنى باتيما ساجا سولاردىڭ ٴبىرى، جىل باسىندا پاتيما سەلبەستىك كووپەراتيۆىنە كىرىپ نان ونىمدەرىن مانەرلەۋمەن شۇعىلدانعاننان كەيىن تۇراقتى ايلىق ەڭبەكاقىسى ٴبىر مىڭ 500 يۋاننان اسىپتى.

    باتيما: «كۇيەۋىمنىڭ دەنساۋلىعى ناشار، اۋىر جۇمىس ىستەي المايدى، ەكى بالام دا وقۋدا، بۇرىن وتباسىمىزداعىلار تەك 15 مۋ جەرگە سۇيەنىپ تۇرمىس كەشىرەتىنبىز، قىستاقتاعى ارحيۆتەستىرىلىپ، كارتوچكالاندىرىلعان كەدەي وتباسىمىز. سەلبەستىك كووپەراتيۆىنە كىرگەننەن كەيىن تۇراقتى كىرىسىم بولدى، وتباسى تۇرمىسىمىز دا كورنەكتى جاقساردى» دەدى.

جاۋاپتى رەداكتور: گۇلدەن ماقسات قىزى