كەدەي بۇقارانىڭ جۇمىستانۋ ”يگىلىگىن“ مىقتى ۇستاۋىنا مۇمكىندىك جاسادى

  • كەلۋ قاينارى: ىلە گازەتى
  • 03:48:39 08/07/2020

    ياركەن ”اۋدان، اۋىل، قىستاق، وتباسى“ ءتورت دارەجەلى كاسىپ سالاسىن دامىتۋ جۇيەسىن ورناتىپ

    كەدەي بۇقارانىڭ جۇمىستانۋ ”يگىلىگىن“ مىقتى ۇستاۋىنا مۇمكىندىك جاسادى

    گازەتىمىزدىڭ جالپىلىق اقپارات قۇرالدارى ءتىلشىسى حان چينيان، ەرىكتى ءتىلشى جاڭ جىنشان

    

    ”تاپقان اقشام جۇمساۋىما جەتىپ اسادى، ءبىرازىن اماناتقا دا قويامىن“. ياركەن اۋدانى ارال اۋىلى بايدۇۋە قىستاعىنىڭ تۇرعىنى بۇزۇھرا مامەت ءۇيىنىڭ ىرگەسىندەگى زاۆودتان جاڭا جۇمىس تاپتى، ول ءوزىنىڭ قازىرگى تۇرمىسىنا ەرەكشە رازى.

    ياركەن اۋدانى ”اۋداندا باستاماشى كاسىپورىن بولۋ، اۋىلدا بەلگىلى كولەمدەگى كاسىپورىن بولۋ، قىستاقتا كەدەيلەردى سۇيەمەلدەۋ سەحى بولۋ، وتباسىلارىندا شاعىن شەبەرحانا بولۋ“ سىندى كاسىپ سالاسىن دامىتۋ جۇيەسىن بەلسەنە قۇرىپ، توقىماشىلىق، كيىم - كەشەك، ەلەكتروندى ونىمدەردى قۇراستىرۋ سياقتى كاسىپتەردى جەتىلدىرىپ، كەدەي وتباسىلارىنداعى ادامداردى جۇمىسقا قابىلدادى. تۇتاس اۋدانداعى 53 توقىماشىلىق، كيىم - كەشەك، 10 ەلەكتروندى ونىمدەردى قۇراستىرۋ كاسىپورىندارى 16 مىڭ 800 ادامدى جۇمىستاندىردى، مۇنىڭ ىشىندە 8122 ادام كەدەي وتباسىنان كەلگەن.

    ياركەن اۋدانىندا ارمان ارقالاعان ءاربىر بۇقارا ۇكىمەت قۇرعان كەدەيلىكتەن ارىلتۋدان قامال الۋ تەكشەسى ارقىلى وزىنە ءتان كوركەم ومىرگە قادام تاستايدى.

    كەدەيلەردى سۇيەمەلدەۋ سەحىندا بايۋ كۇيى شارىقتادى

    7 - ايدىڭ 5 - كۇنى بايدۇۋە قىستاعىنداعى كيىم - كەشەك سەرىكتەستىگىنىڭ سەحىندا تىگىن ماشينالارى ”سىرىلداپ“ دىبىس شىعارىپ، ونداعان جۇمىسشى ءوندىرىس جەلىسىندە قاربالاس جۇمىس ىستەپ جاتتى.

    وسى قىستاقتا 570 وتباسى، 2022 ادام بار، نەگىزىنەن سىرتتا جۇمىس ىستەۋ جانە ەرەكشە ەگىنشىلىك، مال باعىمشىلىعى ارقىلى كىرىس تابادى. ىندەتتىڭ ىقپالىمەن، بيىل ءبىر ءبولىم ارتىق ەڭبەككۇش سىرتقا شىعىپ جۇمىس ىستەي المادى. ”كەدەيلەردى سۇيەمەلدەۋ سەحى وندىرىسكە تۇسكەن سوڭ، وسى قىستاقتاعى كەدەي وتباسىنداعى ادامداردى جۇمىسقا قابىلداۋمەن قاتار، كورشى قىستاقتاعى، سونداي - اق ماڭايداعى اۋىل - قالاشىقتارداعى ارتىق ەڭبەككۇشتەردى دە شارپىپ، جەتەكشىلىك ەتتى“، - دەدى سەحتىڭ جاۋاپتىسى تۇرسۇننياز قۇدابەردى.

    ”ءۇيدىڭ ىرگەسىندە جۇمىستانىپ، ەڭبەكاقى تاۋىپ، بالا - شاعامىزعا دا قارايلاسا الاتىن بولدىق“. 36 جاستاعى بۇزوھرا بۇرىن كەدەي شارۋا بولاتىن، ول كەدەيلەردى سۇيەمەلدەۋ سەحى جۇمىستى قالپىنا كەلتىرىسىمەن جۇمىسقا كەلدى.

    ”كۇيەۋىم اۋىلدىق سەنترلى باستاۋىش مەكتەپتە اسپاز، ەكەۋىمىزدىڭ ەڭبەكاقىمىز بار، وعان 11 مۋ جەردەن كىرەتىن كىرىس پەن سيىر بورداقىلاۋدان تۇسەتىن كىرىستى قوسقاندا بيىل 50 مىڭ يۋاننان استام تابىس تابۋدان ءۇمىت بار“، - دەدى بۇزوھرا كۇلىمسىرەي، - ”ءبىر ۇيدەگى 5 جان بيىل، ءسوز جوق، كەدەيلىكتەن ارىلامىز“.

    قىستاق ەرىك - جىگەر جاعىنان سۇيەمەلدەۋ ەرەن بازارى مەن اقىل - پاراسات جاعىنان سۇيەمەلدەۋ ساباقحاناسىن اشىپ، جۇمىستانۋ ارقىلى كىرىستى ارتتىرۋ، ۇگىتتەپ جەتەكتەۋ، ونەرگە باۋلۋ، سونداي - اق ۇزدىكتەردى سيلاۋ سياقتىلاردى نەگىزگى يقۋات ەتكەن ءبىر پۋنكتتىك كەدەيلەردى سۇيەمەلدەۋ قىزمەت ۇلگىسىن جاساپ، كەدەيلىكتەن ارىلتۋدان قامال الۋدىڭ بىرىككەن كۇشىن توپتادى.

جاۋاپتى رەداكتور: جازيرا بولاتباي قىزى