چاپچال اۋدانىنىڭ ەرەكشە جەمىس ورمان شارۋاشىلىعى بۇقارانى اۋقاتتانۋعا جەبەدى

  • كەلۋ قاينارى: ىلە گازەتى
  • 05:04:49 12/07/2020

    ءتىلشىمىز دۋ لەي چاپچالدان حابارلايدى. ءدال قازىر چاپچال سىبە اۆتونوميالى اۋدانىنداعى ساباعىندا قۇرعايتىن ورىكتى ۇزەتىن مەزگىل، ساباعىندا قۇرعايتىن ورىك ەگىلگەن باقتاردان جۇمىسكەرلەردىڭ ورىك ءۇزىپ، ورىكتەردى ىرىكتەپ، جاشىككە قوراپتاپ جاتقانىن كەزدەستىرەسىز. «قازىر ءبىز شي - ان، جىڭجوۋ سياقتى جەرلەرگە 10 توننا ساباعىندا قۇرعايتىن ورىك جىبەردىك، مۇنىڭ ءبارى 1 - دارەجەلى جەمىستەر، ونىڭ ءار كيلوگرامى 15 يۋاننان ساتىلدى» دەدى وسى اۋداننىڭ جەتىسۇمىن اۋىلى جەتىسۇمىن قىستاعىنداعى ءىرى ەگىنشى وتباسى كۇڭ يۇي - ۋىن.

    ۇعىسۋىمىزشا، چاپچال اۋدانى قۇرلىقتىق سولتۇستىك قوڭىرجاي بەلدەۋ مەن قۇرعاق كليماتقا جاتادى، جىلۋ مولشەرى مول، كۇن نۇرى جەتكىلىكتى، ءتورت ماۋسىمى ايقىن، جەمىس ورمان شارۋاشىلىعىن دامىتۋعا ءتيىمدى ابزالدىققا يە. جاقىنعى جىلدان بەرى اۋداندىق پارتكوم مەن ۇكىمەتتىڭ جەمىس ورمان شارۋاشىلىعىن ءۇرتىس قولداۋىنا ساي، تۇتاس اۋدانداعى جەمىس ورمانىنىڭ كىرىستى ارتتىرۋ، جوتكەپ كاسىپتەندىرۋدى ىلگەرىلەتۋدەگى قوعامدىق ونىمدىلىگى دە ايقىن كورنەكتىلەندى. قازىرگە دەيىن اۋدان بويىنشا جەمىس ورمانىنىڭ ەگىمشىلىك اۋماعى 88 مىڭ مۋعا، جەمىس ورمان اۋماعى 43 مىڭ مۋعا جەتتى، ەگىلگەن سورتتى جەمىستەردەن الما، ساباعىندا قۇرعايتىن ورىك، الحور سياقتىلار بار، ولاردىڭ جىلدىق ءونىم مولشەرى 37 مىڭ 700 توننا بولىپ، جىلىنا ورتا ەسەپپەن رەت سانى بويىنشا 6 مىڭ 800 ادامدى جۇمىستاندىرادى ەكەن.

    كۇڭ يۇي - ۋىننىڭ ساباعىندا قۇرعايتىن ورىك اعاشىن ەككەنىنە 12 جىل بولدى، قازىر ەگىمشىلىك كولەمىن 100 مۋعا كەڭەيتتى، ويداعىداي باپتالعاندىقتان ونىڭ ساباعىندا قۇرعايتىن ورىكتەرىنىڭ %60 ى 1- دارەجەلى ولشەمگە جەتتى. «ساباعىندا قۇرعايتىن ورىك اعاشىنىڭ تۇلا بويى تۇنعان اسىل، ادەتتە 1 - دارەجەلى جەمىس جياڭسۋ، جىجياڭ، شانشي، شىنجىن سياقتى جەرلەرگە، 2 - دارەجەلى جەمىس شينجياڭ بازارىندا ساتىلادى، ال 3 - دارەجەلى جەمىستەن ورىك قاعى جاسالادى، ەگەر قۇرت جەگەن ورىكتەر بولسا، ونىڭ ىشىندەگى ورىك ءدانىن الىپ كەپتىرىپ ساتامىز، ءبىر جىلدا وتباسىمىز از دەگەندە 150 مىڭ يۋان تازا كىرىس كىرگىزەدى» دەدى كۇڭ يۇي – ۋىن.

    قاينۇق اۋىلى شياڭياڭ قىستاعىنىڭ ەگىنشى وتباسى بۇرقان تۇرعاننىڭ بۇلدىرگەن ەگىمشىلىك باقشاسى دا مول ءونىم ماۋسىمىن قارسى الدى، ونىڭ بۇلدىرگەن باقشاسىندا 30 دان استام ماۋسىم سيپاتىندىق جۇمىس ىستەيتىن جۇمىسكەر بۇلدىرگەن تەردى. « مەن بۇل ارادا 10 كۇن جۇمىس ىستەدىم، ءار كۇنى 120 يۋان اقشا تابامىن» دەدى قىستاق تۇرعىنى گۇلميرا نۇرالىم قىزى.

    بۇرقان بيىل 80 مۋ جەرگە تاڭقۋراي ەكتى، ول جاز، كۇز ماۋسىمدارىندا پىساتىن ەكى تۇرگە بولىنەدى، ونىڭ مۋ باسىنان 500 جانە 800 كيلوگرامنان ءونىم الادى، ءار كيلوگرامىنىڭ تولايىم باعاسى 10 يۋان، ونى نەگىزىنەن ىلە وبلىسىنا توتە قاراستى ورىندار مەن التاي، تارباعاتاي، اقسۋ سياقتى ايماقتارعا ساتادى. تاڭقۋراي ەگىمشىلىگىن دامىتقاننان بەرى بۇرقان 8 ادامنىڭ ۇزاق مەزگىل كاسىپتەنۋ ماسەلەسىن شەشتى، ال ماۋسىم سيپاتىندىق جۇمىس ىستەيتىندەر 30 - 40 ادامعا جەتتى.

جاۋاپتى رەداكتور: جازيرا بولاتباي قىزى