چاپچال اۋدانى كەدەيلىكتەن ارىلتۋدان قامال الۋ قارقىنىن تەزدەتتى

  • كەلۋ قاينارى: ىلە گازەتى
  • 05:03:16 12/07/2020

 «ٴجۇز كاسىپورىننىڭ ٴجۇز قىستاقپەن بايلانىس ورناتۋ» شاراسىن اتقارىپ، قوعامداعى كۇشتەردى اتتانىسقا كەلتىردى

 

   تىلشىلەرىمىز ۋاڭ جۋان، جاڭ چيڭحۋا چاپچال اۋدانىنان حابارلايدى. جۇمىلا كوتەرگەن جۇك جەڭىل، كوپ تۇكىرسە كول بولار. كەدەيلىكتەن ارىلتۋدان قامال الۋ شايقاسىندا جەڭىسكە جەتۋ ٴتۇرلى كۇشتەردىڭ بەلسەنە قاتىناسۋىن، ورتاق كۇش شىعارۋىن قاجەت ەتەدى. جاقىنعى جىلداردان بەرى چاپچال سىبە اۆتونوميالى اۋدانى «كەدەيلەردى سۇيەمەلدەۋمەن قاتىسسىز ادام جانە ٴىس جوق» تانىمىن بەرىك ورناتىپ، قوعامدىق كۇشتەردى كەڭىنەن اتتانىسقا كەلتىرىپ، «ٴجۇز كاسىپورىننىڭ ٴجۇز قىستاقپەن بايلانىس ورناتۋى» سياقتى شارالاردى اتقارۋ ارقىلى تۇتاس اۋدانداعى كەدەيلىكتەن ارىلتۋدان قامال الۋ قىزمەتىن بارىنشا جەبەدى.

    7 ـ ايدىڭ 2 ـ كۇنى چاپچال اۋدانى قاينۇق اۋىلى توپاعاش قىستاعىنداعى چاپچال اۋداندىق قۇرىلىس شەكتى جاۋاپكەرلىك سەرىكتىگىنىڭ ورىنباسار ديرەكتورى ۋاڭ جىمين قۇرىلىسشىلار اترەتىن باستاپ توپاعاش قىستاعىنداعى حاۋىپسىز سۋ ينجەنەرياسى جابدىقتارىنا تەكسەرۋ جۇرگىزدى. ۋاڭ جىمين: «ٴبىز ۇندەۋگە سايكەسىپ، كاسىپورىن جاۋاپكەرلىگىن ارقالاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە كۇش قوسۋىمىز كەرەك» دەدى.

    بيىل چاپچال اۋدانى «ٴجۇز كاسىپورىننىڭ قىستاقتارمەن بىرلەسىپ وتباسىلارعا كومەكتەسۋ» شاراسىن اتقارىپ، شارت ـ جاعدايى بار قوعامدىق ۇيىمداردى، حالىقتىق شارۋاشىلىق ۇيىمدارىن كەدەيلىكتەن ارىلتۋدان قامال الۋ قىزمەتىنە ات سالىسۋعا ۇندەپ جانە شابىتتاندىرىپ، 41 كاسىپورىننىڭ 35 قىستاقپەن جۇپ قۇراۋىنا باستاماشىلىق ەتتى.

    چاپچال اۋداندىق قۇرىلىس شەكتى جاۋاپكەرلىك سەرىكتىگى قاينۇق اۋىلىمەن جۇپ قۇراعاننان كەيىن، ىلگەرىندى ـ كەيىندى قاينۇق قىستاعىنداعى ارحيۆتەستىرىلىپ، كارتوچكالاندىرىلعان 91 كەدەي وتباسىنا قۇنى 200 مىڭ يۋاننان اساتىن سەمەنت، كەرپىش سياقتى قۇرىلىس ماتەريالدار بەرىپ، تۇرارجاي ورتاسىنا وزگەرىس ەنگىزدى.

    توپاعاش قىستاعىنىڭ توپىراق قاباتى جۇقا، سۋى جەتكىلىكسىز، سۋ قۇبىرى الدە قاشان ورناتىلسا دا، سۋ ساپاسى ايتارلىقتاي ەمەس، قۇمدى بولاتىندىقتان كوپتەگەن قىستاق تۇرعىنى قۇدىق سۋىن ىشەتىن نەمەسە ءيىن اعاشپەن سۋ تاسيتىن. بيىل 4 ـ ايدا سەرىكتىك توپاعاش قىستاعىندا حاۋىپسىز اۋىز سۋ ينجەنەرياسىن اتقارىپ، تۇتاس قىستاقتىڭ 286 وتباسىنداعى 973 ادامنىڭ (مۇنىڭ ىشىندە ارحيۆتەستىرىلىپ، كارتوچكالاندىرىلعان 111 كەدەي وتباسىندا 401 ادام بار) حاۋىپسىز اۋىز سۋ ماسەلەسىن شەشتى. ينجەنەريا جۇمىسى باستالىسىمەن سول جەردەگى 15 قىستاق تۇرعىنىن كاسىپتەندىردى، مۇنىڭ ىشىندە ارحيۆتەستىرىلىپ، كارتوچكالاندىرىلعان وتباسى مۇشەسىنەن 7 ادام بار.

    ارحيۆتەستىرىلىپ، كارتوچكالاندىرىلعان كەدەي وتباسى مۇشەسى ءدىلمۇرات ينايداحۇن 2017 ـ جىلدان باستاپ چاپچال اۋداندىق قۇرىلىس شەكتى جاۋاپكەرلىك سەرىكتىگىندە قىزمەت ىستەگەن. العاشىندا ءدىلمۇرات قاراپايىم جۇمىسشى بولاتىن، قۇبىر جاتقىزۋ، تامشىلاتىپ سۋارۋ جۇمىستارمەن شۇعىلداناتىن، ول سەرىكتىكتەگى تەحنيكتەردىڭ كومەگىندە قۇبىر جالعاۋ، قاقپاقشا جالعاۋ، PE تۇتىگىن دانەكەرلەۋدى ۇيرەنىپ، ەڭ العاشىنداعى 3 مىڭ يۋان ەڭبەكاقىسىن 4 مىڭ 800 يۋانعا جەتكىزدى.

جاۋاپتى رەداكتور: جازيرا بولاتباي قىزى