ىندەتتەن ساقتانۋ - تىزگىندەۋدىڭ وسى رەتكى زور سىناق ەكەنىن جەتە تانيىق

  • كەلۋ قاينارى: ىلە گازەتى
  • 03:16:06 16/07/2020

     لي جۇنرۋ

    

    قىسقاشا مازمۇنى

    بۇل رەتكى جاڭا تيپتى ايدارشا ۆيرۋس وكپە قابىنۋ ىندەتىنىڭ تىم قاتتى كەلۋى بارلىق مەملەكەت جونىنەن ءبىر رەتكى زور سىناق بولدى. بۇل رەتكى زور سىناق ەلىمىزدىڭ مەملەكەت ٴتۇزىمى مەن مەملەكەتتى باسقارۋ جۇيەسىنىڭ قۋاتتى قۇدىرەتىن، ادامزاتتىڭ تاعدىرلاس ورتاق تۇلعاسىن قۇرۋدىڭ ناعىز دۇرىس جول ەكەنىن سىننان وتكىزۋمەن بىرگە، ءبىزدى بۇگىنگى دۇنيەدە ءجۇز جىلدا بولماعان زور وزگەرىستەرگە قالاي توتەپ بەرۋ جونىندە ٴتىپتى دە تەرەڭ تانىمعا يە ەتتى.

     

    قازىرگى دۇنيە ٴجۇز جىلدا بولماعان ۇلكەن وزگەرىستەردى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىنىڭ شەشۋشى كەزەڭىندە تۇر، پارتيامىز حالىقتى باستاپ كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزۋدە. وسىنداي زور دامۋ، زور وزگەرىس، زور رەتتەلۋ مەزگىلىندە، قاتتى كەلگەن جاڭا تيپتى ايدارشا ۆيرۋس وكپە قابىنۋ ىندەتى ٴار ەل حالقىنىڭ باس اماندىعى مەن دەنساۋلىعىنا اۋىر قاتەر ٴتوندىرىپ قانا قالماستان، بۇكىل جەر شارىنىڭ ٴوندىرىسى مەن قاجەتىنە دە جاپپاي سوققى بولىپ ءتيىپ، ەكونوميكانىڭ جاھاندانۋ اياق الىسىنا ىقپال جاساپ، اۋىر ىندەت زور سىناق الا كەلسە، زور سىناق زور وزگەرىس جاعدايىن جەبەدى. بۇل رەتكى زور سىناق ەلىمىزدىڭ مەملەكەت ٴتۇزىمى مەن مەملەكەتتى باسقارۋ جۇيەسىنىڭ قۋاتتى قۇدىرەتىن، ادامزاتتىڭ تاعدىرلاس ورتاق تۇلعاسىن قۇرۋ عانا دۇرىس جول ەكەنىن، بۇگىنگى دۇنيەدە ءجۇز جىلدا بولماعان زور وزگەرىستەرگە قالاي توتەپ بەرۋ جونىندە ٴتىپتى دە تەرەڭ تانىمعا يە ەتتى.

    ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسى ۇلكەن سىناققا ءدوپ كەلدى

    باس شۋجي شي جينپيڭ: «بۇل رەتكى جاڭا تيپتى ايدارشا ۆيرۋس وكپە قابىنۋ ىندەتىنىڭ تىم قاتتى كەلۋى، بارلىق مەملەكەتتەر جونىنەن العاندا دا ءبىر رەتكى زور سىناق بولدى» دەپ اتاپ كورسەتتى. وسى رەتكى جاڭا تيپتى ايدارشا ۆيرۋس وكپە قابىنۋ ىندەتى _ حالىقتىڭ باس اماندىعى مەن دەنساۋلىعىنا اۋىر حاۋىپ ٴتوندىرىپ، ەكونوميكانىڭ، قوعامنىڭ دامۋىنا اۋىر ىقپال جاساپ، مەملەكەت ٴتۇزىمى مەن مەملەكەتتى باسقارۋ جۇيەسىن سىننان وتكىزدى.

    قاتتى كەلگەن جاڭا تيپتى ايدارشا ۆيرۋس وكپە قابىنۋ ىندەتىنە ءدوپ كەلىپ، ۆاكسينا زەرتتەپ جاسالماعان جاعدايدا بۇكىل قوعامنىڭ كۇشىن جۇمىلدىرعاندا عانا جۇقپالى اۋرۋدىڭ تارالۋىن تەجەۋگە بولاتىن – دى. بۇل رەتكى زور سىناق تار ماعىناداعى «ەمدەۋ، دەنساۋلىق ساقتاۋ» كاتەگورياسىنان الدەقاشان اسىپ تۇسكەندى بىلاي قويعاندا، مەملەكەت ٴتۇزىمى مەن مەملەكەتتى جونگە سالۋ جۇيەسى جونىنەن دە زور سىناق بولدى. جۇقپالى اۋرۋ جاعدايىنا قاراتا ەلىمىز ىندەتتەن ساقتانۋ – تىزگىندەۋ ستراتەگياسىن دەر كەزىندە بەلگىلەپ، سەنىمدى بەكەمدەپ، تار جول، تايعاق كەشۋلەردەن بىرگە ٴوتۋ، عىلمي جولمەن ساقتانۋ، دالمە – ٴدال شارا قولدانۋ جالپى تالابىن العا قويىپ، ۋحان مەن حۋبەيدىڭ ىندەتتەن ساقتانۋ جونىندەگى ٴبىر تۇتاس قولباسشىلىعىن كۇشەيتىپ، باسقا رايونداردىڭ ساقتانۋ - مەڭگەرۋ قىزمەتىن ٴبىر تۇتاس جوسپارلاپ جاقسى يگەرىپ، ەمدەۋگە ىستەتىلەتىن زاتتىق ماتەريالدار مەن تۇرمىستىق شۇعىل قامداۋعا كەپىلدىك ەتىپ، ۇگىت – تاربيە مەن قوعامدىق پىكىرگە جەتەكشىلىك ەتىپ، حالىقارالىق قوعاممەن سەلبەستىكتى كۇشەيتتى. قازىر ەلىمىزدىڭ ىندەتتەن ساقتانۋ – تىزگىندەۋ اۋقىمى ٴتىپتى دە بەكەمدەلۋدە، جۇمىستى، ٴوندىرىستى قالپىنا كەلتىرۋدە ماڭىزدى ىلگەرىلەۋشىلىككە قول جەتكىزىلىپ، ەكونوميكالىق، قوعامدىق اينالىم ٴتارتىبى جەدەل قالپىنا كەلدى. اماليات ەلىمىزدىڭ مەملەكەت ٴتۇزىمى مەن مەملەكەتتى جونگە سالۋ جۇيەسىنىڭ وسى رەتكى ىندەتتە زور سىناققا توتەپ بەرگەندىگىن دالەلدەدى.

جاۋاپتى رەداكتور: جازيرا بولاتباي قىزى