ىندەتتەن ساقتانۋ - تىزگىندەۋدىڭ وسى رەتكى زور سىناق ەكەنىن جەتە تانيىق

  • كەلۋ قاينارى: ىلە گازەتى
  • 03:16:06 16/07/2020

    جاڭا تيپتى ايدارشا ۆيرۋس وكپە قابىنۋ ىندەتى سياقتى زور سىناققا تاپ بولعاندا، مەملەكەت ٴتۇزىمى مەن مەملەكەتتى جونگە سالۋ جۇيەسىنىڭ قۇدىرەتتى قۋاتىنىڭ بار – جوقتىعىنا، بۇكىل ەل حالقىن جۇدىرىقتاي جۇمىلدىرۋ قۋاتىنىڭ بار - جوقتىعىنا، ۇيىمداستىرۋ قۋاتىنا قاراۋ كەرەك. ىندەتكە قارسى اتتانۋ بارىسىندا ءبىز بۇكىل ەل حالقىنىڭ جۇدىرىقتاي جۇمىلىپ، ەل بىرلىگىنەن بەرىك قامال تۇرعىزعانىن تەرەڭ سەزىندىك. ءار دارەجەلى پارتيا ۇيىمدارى مەن بارشا پارتيا مۇشەلەرى، كادرلار اتويلاپ الدا ءجۇرىپ، قايسارلىقپەن كۇرەس جۇرگىزدى، بارشا ەمدەۋ قىزمەتكەرلەرى ادىلەت جولىندا ەشتەڭەدەن ايانباي، كۇندىز – ءتۇنى شايقاس جۇرگىزدى، حالىق ازاتتىق ارمياسىنىڭ قولباسشىلارى مەن جاۋىنگەرلەرى بۇيرىقتى ەستي سالا اتتانىسقا كەلىپ، باتىلدىقپەن شايقاسقا اتتاندى، بارشا حالىق بۇقاراسى ءبىر جاعادان باس، ءبىر جەڭنەن قول شىعارىپ، ءبىر – بىرىنە قول ۇشىن بەردى، بارشا قوعام حاۋىپسىزدىگى حالىق ساقشىلارى، اۋرۋدى تىزگىندەۋ قىزمەتكەرلەرى، الەۋمەتتىك اۋماق قىزمەتكەرلەرى، ت. ب. قىزمەت ورىندارىندا تاپجىلماي كۇزەتتە تۇردى، بارشا اقپارات قىزمەتكەرلەرى حاۋىپ – قاتەردەن قورىقپاي، ءبىرىنشى شەپكە ىشكەرىلەي باردى، بارشا ەرىكتىلەر شىن نيەتتەرىمەن ۇلەس قوسىپ، جاپا – ماشاقاتتان تايىنبادى. اۋىر حاۋىپ – قاتەرگە تاپ بولعاندا ءبىر ميلليارد 400 ميلليون جۇڭگو حالقىنىڭ ءبىر نيەت، ءبىر تىلەكتە بولا وتىرىپ، جۇدىرىقتاي جۇمىلۋى ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىنىڭ قۇدىرەتتى كۇشىىن، قۇدىرەتتى جونگە سالۋ ونىمدىلىگىن ەڭ تىكە، ەڭ جاندى بەينەلەۋى بولدى.

    جۇڭگو حالقىنىڭ ىندەت جاعدايىندا جۇدىرىقتاي جۇمىلىپ، ەل بىرلىگىنەن قۇرىش قورعان تۇرعىزۋى _ ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىنىڭ حالىقتىڭ ءتۇبىرلى مۇددەسىن ويداعىداي جۇزەگە اسىرۋعا، قورعاۋعا، دامىتۋعا باستان – اياق نازار اۋدارىپ كەلگەندىگى، بۇل بەرىك حالىقتىق سيپاتقا يە، بۇل ىندەت جاعدايى بارىسىندا تولىق ايگىلەندى. ىندەت جاعدايى باستالىسىمەن باس شۋجي شي جينپيڭ «ءار دارەجەلى پارتكوم مەن ۇكىمەتتەن جانە قاتىستى تاراۋلاردان حالىق بۇقاراسىنىڭ باس اماندىعى مەن دەنساۋلىعىن ماڭداي الدى ورىنعا قويۋدى» تالاپ ەتتى. ناۋقاستى، مامانداردى، بايلىق قاينارىن، ەمدەۋ – قۇتقارۋدى شوعىرلاندىرۋ تالابىن العا قويىپ، جيناپ الۋعا تيىستىلەرىن تۇگەل جيىپ الۋ، ەمدەۋگە تيىستىلەرىن كۇش سالا ەمدەۋدى باتىل ورىنداپ، قابىلداۋ – ەمدەۋ مولشەرى مەن ساۋىعۋ مولشەرىن جوعارىلاتۋدى، جۇعىمدالۋ مولشەرى مەن ءولىم – ءجىتىم مولشەرىن ازايتۋدى كورنەكتى مىندەت رەتىندە يگەرىپ، پارتيا مەن ۇكىمەتتىڭ ىندەت جاعدايىندا قولدانعان بارلىق شارالارى حالىق بۇقاراسىنىڭ باس اماندىعى مەن دەنساۋلىعىن ماڭداي الدى ورىنعا قويۋ تالابىن ايگىلەدى. بارلىق ىستە حالىقتى ماڭىزدى ورىنعا قويىپ، حالىقتى وزەك ەتۋگە تاباندى بولۋ _ پارتيا مەن ۇكىمەتتىڭ وسى رەتكى ىندەتكە توتەپ بەرۋدەگى ءتۇبىرلى پرينسيبى ءارى ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىنىڭ قاسيەتىن ايگىلەۋى بولدى.

    بۇل جولعى ىندەتپەن بولعان كۇرەس بارىسىندا پارتيامىز ەلىمىزدىڭ مەملەكەت ءتۇزىمى مەن مەملەكەتتى باسقارۋ جۇيەسىنىڭ قۇدىرەتتى قۋاتىن كورۋمەن بىرگە، ونىڭ اماليات بارىسىندا ونان ارى كەمەلدەنۋى مەن دامۋىنا دا نازار اۋداردى. باس شۋجي شي جينپيڭ: ءبىز، ءسوز جوق، تاجىريبەلەردى قورىتىندىلاپ، تاجىريبە – ساباقتاردى قابىلداۋىمىز كەرەك، - دەپ اتاپ كوسەتتى.

جاۋاپتى رەداكتور: جازيرا بولاتباي قىزى