ىندەتتەن ساقتانۋ - تىزگىندەۋدىڭ وسى رەتكى زور سىناق ەكەنىن جەتە تانيىق

  • كەلۋ قاينارى: ىلە گازەتى
  • 03:16:06 16/07/2020

 ءجۇز جىلدان بەرگى تاريحقا كوز جىبەرسەك، جۇڭحۋا ۇلتى ۇلى گۇلدەنۋىنىڭ تاريحي بارىسىندا قول جەتكىزگەن ءاربىر تاريحي تابىسى دۇنيە ءجۇزىنىڭ بەيبىتشىلىگى مەن دامۋىن جەبەدى. ماسەلەن، جۇڭگو حالقى وراسان زور ۇلتتىق بوداۋ بەرۋ ارقىلى دۇنيە جۇزىلىك فاشيزمگە قارسى سوعىستا شىعىستاعى نەگىزگى سوعىس مايدانىنا تىرەك بولىپ، دۇنيە جۇزىلىك فاشيزمگە قارسى سوعىستىڭ جەڭىسىنە قول جەتكىزدى. تاعى ءبىر مىسال، جۇڭگو ەكونوميكاسىنىڭ ورنىقتى دامۋى 2008 – جىلعى حالىقارالىق فينانس داعدارىسىنا توتەپ بەرۋگە، دۇنيە ءجۇزى ەكونوميكاسىنىڭ قالپىنا كەلۋىن، ارتۋىن ىلگەرىلەتۋگە ماڭىزدى ۇلەس قوستى. جۇڭگو باستان – اياق دۇنيە ءجۇزىنىڭ بەيبىتشىلىگى مەن دامۋىنا وڭ ەنەرگيا ۇستەپ، اناعۇرلىم كوركەم دۇنيە قۇرۋعا كۇش قوسىپ كەلەدى. بۇل رەتكى بۇكىل جەر شارىنداعى ىندەت جاعدايى كۇرەسىندە جۇڭگو ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، ىندەتتەن ساقتانۋ جانە ونى تىزگىندەۋ حالىقارالىق سەلبەستىگىن بار كۇشپەن ىلگەرىلەتتى. جۇڭگونىڭ دۇنيە ءجۇزىنىڭ بەيبىتشىلىگىن قورعاۋداعى، دۇنيە ءجۇزىنىڭ دامۋىن جەبەۋدەگى بەرىك كۇش ەكەندىگىن، دۇنيە جۇزىندەگى ەلدەرمەن ادامزاتتىڭ تاعدىرلاس ورتاق تۇلعاسىن بىرگە قۇرۋداعى بەرىك كۇش ەكەندىگىن ونان ارى ايگىلەدى.

    بۇل رەتكى ىندەتتىڭ دۇنيەگە جاسايتىن ىقپالى ايتپاسا دا تۇسىنىكتى. دۇنيە جۇزىندە ءجۇز جىلدا بولماعان زور وزگەرىستەردىڭ ونان ارى دامۋىن ىلگەرىلەتەتىندىگى داۋسىز. دۇنيە جۇزىندە ءجۇز جىلدا بولماعان زور وزگەرىس بارىسىندا جۇڭگو دۇنيە ءجۇزىنىڭ بەيبىت دامۋى سىندى ۇلكەن بەتالىستى ايقىن كورسەتىپ بەردى، اتاپ ايتقاندا ادامزاتتىڭ تاعدىرلاس ورتاق تۇلعاسىن قۇرۋ. بۇل رەتكى بۇكىل جەر شارىندىق ىندەت جاعدايى كۇرەسى، ادامزاتتىڭ تاعدىرلاس ورتاق تۇلعاسى تانىمىنىڭ دۇرىستىعىن دالەلدەپ قانا قويماي، ونىڭ ۇستىنە وسى ۇستانىم ارقىلى دۇنيە جۇزىندە ءجۇز جىلدا بولماعان زور وزگەرىستەردىڭ دامۋىن ىلگەرىلەتۋدە. دۇنيە جۇزىندە ءجۇز جىلدا بولماعان زور وزگەرىس جاعدايىندا، جۇڭگو باستان – اياق دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قۇرۋشىسى بولا الدى. جۇڭگونىڭ دامۋى دۇنيە ٴجۇزىنىڭ ورايى، جۇڭگو ءوز دامۋى ارقىلى دۇنيە ءجۇزىنىڭ بەيبىتشىلىگى مەن دامۋىن جەبەيدى. بەيبىتشىلىك، دامۋ، سەلبەستىك، تەڭ يگىلىكتەنۋ سىندى ءداۋىر اعىمىنا سايكەس، ءار ەل تەك داۋىرمەن بىرگە قادام تاستاپ، ادامزاتتىڭ تاعدىرلاس ورتاق تۇلعاسىن قول ۇستاسا بىرگە قۇرعاندا عانا ىندەت جاعدايىن جەڭىپ، ادامزات دامۋىنىڭ اناعۇرلىم كوركەم بولاشاعىن قارسى الۋعا بولادى.

    اۆتور ورتالىق پارتيا مەكتەبىنىڭ بۇرىنعى ورىنباسار باستىعى، ورتالىق پارتيا مەكتەبى (مەملەكەتتىك اكىمشىلىك شۋەيۋانى) شي جينپيڭنىڭ جاڭا ءداۋىر جۇڭگوشا سوتسياليزم يدەياسىن زەرتتەۋ ورتالىعىنىڭ زەرتتەۋشىسى

    اۋدارعان: تۇردان جاناقىن ۇلى

جاۋاپتى رەداكتور: جازيرا بولاتباي قىزى