ازاماتتىق ىستەر زاڭناماسى جۇڭگو ءتۇزىمى سەنىمىن ايگىلەدى

  • كەلۋ قاينارى: ىلە گازەتى
  • 08:48:39 18/07/2020

    رەفورما، دامۋ بارىسىندا، ءبىز كوپتەگەن جاڭا جاعدايلارعا، جاڭا ماسەلەلەرگە جولىعۋىمىز مۇمكىن، بۇل ماسەلەلەردى شەشۋدىڭ ۇلگىسى جوق، تەك ءوزىمىزدىڭ ىزدەنىس جاساپ، جاڭالىق جاراتۋىمىزدى قاجەت ەتەدى. رەفورمانى جاپپاي تەرەڭدەتۋ، سوتسياليستىك بازار شارۋاشىلىعى ءتۇزىلىسىن كەمەلدەندىرۋدى جەدەلدەتۋ سياقتىلاردىڭ ءبارى ازاماتتىق ىستەر زاڭىن زەرتتەۋگە تىڭ تالاپتار قويىپ وتىر. ازاماتتىق ىستەر زاڭىن زەرتتەۋ نازارياسى داۋىرمەن بىرگە العا باسىپ، امالياتتىڭ قاجەتىنە بەلسەنە جاۋاپ قايتارىپ، سوتسياليستىك زاڭمەن باسقارۋ قۇرىلىسىنىڭ قاجەتىن ۇزدىكسىز قاناعاتتاندىرۋى كەرەك. ازاماتتىق زاڭنامانىڭ جاسالىپ اتقارىلۋى تاپتىرماس وراي. بۇل ءبىزدىڭ نەگىزگى تۇلعالىق تانىمىمىزدى كۇشەيتىپ، جۇڭگوشا سوتسياليستىك ازاماتتىق ىستەر زاڭىنىڭ نازاريالىق جۇيەسى مەن ءسوز جۇيەسىن ورناتۋىمىز جونىنەن توتەنشە كەلەلى ماڭىز الادى.

    ارينە، جۇڭگوشا سوتسياليستىك ازاماتتىق ىستەر زاڭىنىڭ نازاريالىق جۇيەسى مەن ءسوز جۇيەسىن قۇرۋ دۇنيە جۇزىلىك زاڭ مەن مادەنيەتتى شەتكە قاعۋدان دەرەك بەرمەيدى. ءبىز ەسىكتى اشىق ۇستاۋىمىز، ءار ەلدىڭ تاڭداۋلى ازاماتتىق ىستەر زاڭىنىڭ مادەنيەت جاۋھارىن قابىلداۋىمىز، ادامزات قوعامىنىڭ دامۋ بارسىندا ءدوپ كەلگەن ورتاق ماسەلەلەردى شەشۋ جولىندا بىرگە قۇلشىنۋىمىز كەرەك. ءبىراق شەتەلدىڭ نازاريالىق ءتۇزىمى ءبىز ۇلگى ەتكەن ماتەريال عانا. مۇندا جۇڭگونىڭ ماسەلەسىنە شوعىرلاندىرىپ، جۇڭگو جوباسىن ورتاعا قويىپ، جۇڭگو جولىن قاراستىرۋىمىز كەرەك. ازاماتتىق ىستەر زاڭناماسىن ءونىمدى اتقارىپ، ەلىمىزدىڭ ازاماتتىق ىستەر زاڭدىق ءتۇزىمىن دامىتۋدى اناعۇرلىم بەرىك نازاريالىق تىرەكپەن قامداۋىمىز كەرەك.

 ماقالانى «حالىق گازەتىنەن» اۋدارعان:  سەرىك سابىر ۇلى

جاۋاپتى رەداكتور: جازيرا بولاتباي قىزى