اكىرامجاننىڭ «ەكىنشى ۇرپاق» تونارى مەملەكەتتىك تاپقىرلىق پاتەنتىنە يە بولدى

  • كەلۋ قاينارى: ىلە گازەتى
  • 08:40:22 18/07/2020

    

    ەرىكتى ٴتىلشى بايتا قۇلجادان حابارلايدى. شينجياڭدا «ءار كۇنى كوكونىس بولماسا دا، نان، ٴسوزسىز، بولۋى كەرەك» دەيتىن ايتىلىم بار. ٴداۋىردىڭ دامۋىنا ىلەسە نان جابۋعا تازا ەنەرگيا پايدالانۋ، اۆتوماتتاندىرۋدى، ونەركاسىپتەندىرۋدى ىسكە اسىرۋ ۇلكەن ۇردىسكە اينالدى. قۇلجا قالاسى قازانشى ءمالى باسقارماسى ٴتورت دۇكەن الەۋمەتتىك اۋماعىنىڭ تۇرعىنى اكىرامجان قاتارلىلار ۇزدىكسىز زەرتتەۋ ارقىلى ەكىنشى ۇرپاق، زالالسىز، ورتانى قورعايتىن تونار جاساپ، مەملەكەتتىك تاپقىرلىق پاتەنتىنە يە بولدى. تونار بىرنەشە كۇننىڭ الدىندا بازارعا شىعارىلدى. 7 ـ ايدىڭ 10 ـ كۇنى ٴتىلشى ەشىلايات ەلەكتر ـ گاز جابدىقتارىن جاساۋ سەرىكتىگىنىڭ اۋلاسىنان جۇمىسشىلاردىڭ ٴتۇرلى تونارلاردى جاساپ جاتقانىن، ٴبىرىنشى ۇرپاق تونار ۇلگىسىندەگى نان جابۋ ماشيناسى دا، ەكىنشى ۇرپاق تاسپا ۇلگىسىندەگى جاڭا تيپتى، زالالسىز، ورتانى قورعايتىن ماشينالاردىڭ دا بار ەكەنىن كوردى. سەرىكتىكتىڭ قۇرۋشىسى اكىرامجاننىڭ تانىستىرۋىنشا، 2017 – جىلى ول سەلبەسۋشىسىمەن بىرگە ناۋايحانا اشپاق بولىپتى. ٴبىراق ناۋايشىلاردىڭ ۇنەمى توناردىڭ ىستىق لەبىنە بەتپە ـ بەت كەلەتىنىن، حاۋىپتى بولۋدان تىس، ۋاقىت، كۇش ىسىراپ بولاتىنىن بايقاعان ەكەۋى كوپ جىلعى ەلەكتر ـ گاز جابدىقتارىن جاساۋ بىلىمدەرىن قورىتىندىلاپ، تونار جاساۋدى زەرتتەي باستاپتى. ٴبىرىنشى ۇرپاق تونارلارعا كومىر نەمەسە اعاش وتىن، ەكىنشى ۇرپاق تونارلارعا ەلەكتر ىستەتىلەدى، ەكىنشى ۇرپاق ٴبىرىنشى ۇرپاققا قاراعاندا، اۆتوماتتاسۋ ورەسى جوعارى ٴارى حاۋىپسىز، ورتانى قورعايدى، ادام كۇشىن ۇنەمدەيدى، ٴبىر كۇندە 2 – 3 مىڭ نان جابۋعا بولادى ەكەن.

    ولاردىڭ ەكىنشى ۇرپاق تونارى بيىل 5 ـ ايدا مەملەكەتتىك تاپقىرلىق پاتەنتىنە يە بولدى، قازىر 20 – 30 ى بازارعا شىعارىلىپ، القاۋعا بولەنىپتى. تاعى ون نەشە تاپسىرىس جاسالۋ ۇستىندە ەكەن. بۇل اكىرامجانعا ٴتىپتى دە جاقسى تونار زەرتتەپ جاساۋ سەنىمىن سيلاعان.

جاۋاپتى رەداكتور: جازيرا بولاتباي قىزى