الدىڭعى جارتى جىلدا رايونىمىزدا قارىز اقشانىڭ تىڭنان ارتۋ مولشەرى 10 جىلدان بەرگى جوعارى دەڭگەيگە جەتتى

  • كەلۋ قاينارى: شينجياڭ گازەتى تورابى
  • 08:49:52 19/07/2020

 

   136 ميلليارد 840 ميلليون يۋان قارىز اقشا تىڭنان ارتتى

 

    گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفي 7 - ايدىڭ 17 - كۇنى ۇرىمجىدەن حابارلايدى. حالىق بانكەسىنىڭ ءۇرىمجى ورتالىق تارماق بانكەسىنەن ۇعىسۋىمىزشا، 6 - ايدىڭ سوڭىندا تۇتاس رايوندا ءتۇرلى قارىز اقشانىڭ قالدىعى 2 تريلليون 190 ميلليارد يۋان بولىپ، سايكەس مەزگىلدەگىدەن %11.8 ارتقان؛ الدىڭعى جارتى جىلدا تىڭنان ارتقان ءتۇرلى قارىز اقشا 136 ميلليارد 840 ميلليون يۋان بولىپ، سايكەس مەزگىلدەگىدەن 67 ميلليارد 270 ميلليون يۋان كوپ ارتىپ، ارتۋ مولشەرى 10 جىلدان بەرگى جوعارى دەڭگەيگە جەتكەن.

    بيىل الدىڭعى جارتى جىلدا حالىق بانكەسىنىڭ ءۇرىمجى ورتالىق تارماق بانكەسى كوپ ءتۇرلى اقشا ساياساتى قۇرالىنان جالپىلىق پايدالانىپ، كەرى پەريودتىق رەتتەۋ تەبىنىن ارتتىرىپ، بانكە كاسىبىن قارىز اقشا بەرۋ تەبىنىن ۇزدىكسىز ارتتىرۋعا جەتەكتەپ، ىندەتتەن ساقتانۋ - تىزگىندەۋگە جانە جۇمىستى، ءوندىرىستى قالپىنا كەلتىرۋگە جەتكىلىكتى قارجى قامتاماسىزدىعىن ازىرلەدى.

    وڭتۇستىك شينجياڭداعى 4 ايماق، وبلىستا قارىز اقشانىڭ ارتۋ جىلدامدىعى كورنەكتى جوعارىلادى. 6 - ايدىڭ سوڭىندا وڭتۇستىك شينجياڭ وڭىرىندە قارىز اقشانىڭ قالدىعى 347 ميلليارد 630 ميلليون يۋان بولىپ، سايكەس مەزگىلدەگىدەن %14.8 ارتتى، تىڭنان ارتقان قارىز اقشا 19 ميلليارد 460 ميلليون يۋان بولىپ، سايكەس مەزگىلدەگىدەن 21 ميلليارد 360 ميلليون يۋان كوپ ارتتى. وڭتۇستىڭ شينجياڭنىڭ 4 ايماق، وبلىسىندا قارىز اقشانىڭ قالدىعى سايكەس مەزگىلدەگىدەن %17.1 ارتىپ، ارتۋ جىلدامدىعى 7.8 پايىز جوعارىلادى. مۇنىڭ ىشىندە حوتان، قاشقاردا سايكەس مەزگىلدەگىدەن جەكە - جەكە %28.7، %19.8 ارتىپ، قارىز اقشانىڭ ارتۋ جىلدامدىعى تۇتاس رايون بويىنشا جەكە - جەكە 1 -، 2 - ورىندى يەلەدى.

    اۋىل شارۋاشىلىعىنا جانە شاعىن، ۇساق كاسىپورىندارعا ساياتىن تىڭنان ارتقان قارىز اقشا تۇگەلدەي الدىڭعى جىلدىڭ تۇتاس جىلداعى ارتۋ مولشەرىنەن اسىپ تۇسكەن. 6 - ايدىڭ سوڭىندا تۇتاس رايوننىڭ اۋىل شارۋاشىلىعىنا ساياتىن قارىز اقشاسىنىڭ قالدىعى 808 ميلليارد 510 ميلليون يۋان بولىپ، سايكەس مەزگىلدەگىدەن %11.1 ارتىپ، ارتۋ جىلدامدىعى 3.5 پايىز جوعارىلادى؛ اۋىل شارۋاشىلىعىنا ساياتىن تىڭنان ارتقان قارىز اقشا 52 ميلليارد 170 ميلليون يۋان بولىپ، الدىڭعى جىلدىڭ تۇتاس جىلىمەن سالىستىرعاندا ارتۋ مولشەرى 12 ميلليارد 800 ميلليون يۋان جوعارىلادى. شاعىن، ۇساق كاسىپورىنداردىڭ قارىز اقشاسىنىڭ قالدىعى 416 ميلليارد 730 ميلليون يۋان بولىپ، سايكەس مەزگىلدەگىدەن %34.2 ارتىپ، ارتۋ جىلدامدىعى 21.6 پايىز جوعارىلادى؛ الدىڭعى جارتى جىلدا شاعىن، ۇساق كاسىپورىنداردىڭ تىڭنان ارتقان قارىز اقشاسى 62 ميلليارد يۋان بولىپ، الدىڭعى جىلدىڭ تۇتاس جىلداعى ارتۋ مولشەرىنەن اسىپ ءتۇستى.

جاۋاپتى رەداكتور: گۇلدەن ماقسات قىزى