شينجياڭ باسكەتبول كومانداسى شىنجىن كومانداسىن ويسىراتا جەڭىپ ۇزدىكسىز بەس رەت جەڭىسكە جەتتى

  • كەلۋ قاينارى: ىلە گازەتى
  • 04:32:44 24/07/2020

    1 – مايداندا شىنجىن كومانداسى ۇپاي سانىندا الدىعا ءتۇسىپ وتىردى، شەراليجان مەن تاڭ يۇسايدىڭ قول جەتكىزگەن ءۇش نومىرلىك دوبىمەن شينجياڭ كومانداسى ۇپاي سانىن تەڭەستىرىپ، 1 – مايداندا 6 ۇپاي الدا تۇردى. كەيىن شينجياڭ كومانداسى جوۋ چيدىڭ جەتەكشىلىگىندە الدىعا ءتۇسىپ، جارتى مايداندا 16 ۇپايمەن الدىعا ءوتتى، 3 – مايداندا 24 ءنومىر الدا تۇردى، 4 – مايداندا جارستىڭ تامامدالۋىنا 7 مينۋت قالعاندا، شينجياڭ كومانداسى ۇپايىن 100 نومىرگە جەتكىزىپ، سوڭىندا ارىپتەسىنەن 36 ءنومىر وزىپ، 122:86 ۇپايمەن شىنجىن كومانداسىن جەڭىپ الدى. الدىڭعى مايدان جارىستا چيڭداۋ كومانداسىنان جەڭىلگەننەن كەيىن، شىنجىن كومانداسىنىڭ باس باپكەرى جەڭىلىس جاۋاپكەرلىگىن بەلسەندىلىكپەن ارقالادى، كوماندا ۋاقىتشا باپكەر اۋىستىردى، جاڭا باپكەر چيۋ حۋ ءتۇيىندى ماۋسىمدىق جارىس تىزىمدىگىنە ەمەس، نازارىن كوماندانىڭ كەمىستىگىن تابۋعا اۋداردى.

    وسى مايدان جارىستا، جوۋ چي رولىن تاماشا ساۋلەلەندىردى، ايتالىق، ونىڭ دوپتى كارگە ءتۇسىرۋى %85 كە جەتسە، جازا دوپتان ءنومىر الۋ سالىستىرماسى %100 بولدى، مايدانعا شىعۋ ۋاقىتى ۇزاق بولماسا دا، ءبىراق العان ءنومىرى جوعارى بولدى، كاردەن دوپتى قايتارۋ جانە شابۋىلعا وتۋگە كومەكتەسۋ سانى كورنەكتى بولدى، كارگە دوپ سالۋى، قورعانىس جاساۋى دا تاماشا بولىپ، سوڭىندا شينجياڭ كومانداسىن باستاپ، شىنجىن كومانداسىن زور ۇپايمەن جەڭىپ الدى، ال، شىنجىن كومانداسى جارىستىڭ سوڭعى ساتىندە، سپورتشىلار قورعانىستى كۇشەيتپەدى، ءنومىر دە المادى، ۋاقىتتىڭ ءوتۋىن توستى، NBA شولپاندارى جوردان، جامىس، دولاندتتاردىڭ سەكۋندتپەن ساناساتىن جارىس پوزيتسياسىمەن سالىستىرعاندا، ولاردى دوپتان دا، ادامنان دا ۇتىلدى دەۋگە بولادى.

    وسى مايدان جارىستا، شينجياڭ كومانداسى سپورتشىلارى رولىن ويداعىداي ساۋلەلەندىرىپ، ارىپتەسىنەن باسىم ءتۇسىپ، بەس مايدان جەڭىسكە قول جەتكىزدى. جارىستان كەيىن باپكەر ادىلجان وتە ريزا بولدى. ول مىنانى ءبىلدىردى: بۇگىن كوماندا مۇشەلەرى تۇگەل ءوز ورەسىن ويداعىداي ساۋلەلەندىردى.

    «ءۇرىمجى كەشى گازەتى» 7 – ايدىڭ 14 – كۇنگى حابارى

   

جاۋاپتى رەداكتور: گۇلدەن ماقسات قىزى