ادامزاتتىڭ تاعدىرلاس ورتاق تۇلعاسىن قۇرۋ - ادامزات دۇنيەسىنىڭ تۋرا جولى

  • كەلۋ قاينارى: ىلە گازەتى
  • 05:02:44 30/07/2020

    وسى سالماقتى جۇقپالى اۋرۋعا توتەپ بەرۋ بارىسىندا، جۇڭگو ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن باستان – اياق ۇستانىپ، حالىقارالىق سەلبەستىكتى كۇشەيتتى؛ حالىقارالىق قوعامنىڭ باسىم كوپ مۇشەلەرى ادامزاتتىڭ ورتاق مۇددەسى مەن جاۋاپكەرلىگىن دارىپتەپ، بۇكىل ادامزاتتىڭ باس اماندىعى مەن دەنساۋلىعىن بىرلىكتە قورعاۋدى كەزەكتەگى ەڭ شۇعىل مىندەت دەپ قارادى. حالىقارالىق قوعام سەلبەستىكتى ارتتىرىپ، تاعدىرلاستىق تانىمىن كۇشەيتتى. كوپتەگەن ەلدەر ىندەتكە قارسى تۇرۋ بارىسىندا حاۋىپ – قاتەردى ورايعا اينالدىرۋعا قۇلشىنىپ، ينفورماتسيالىق اۋىس – كۇيىستى، ساياساتتى سايكەستىرۋدى، ارەكەتتى سايكەستىرۋدى كۇشەيتىپ، حالىقارالىق جونگە سالۋ مەحانيزمى مەن الەمدىك جونگە سالۋ جۇيەسىنىڭ وزگەرۋى مەن كەمەلدەنۋىن كۇش سالا ىلگەرىلەتۋ كەرەك.

    21 – عاسىرعا كەلگەندە ادامزات ءدوپ كەلگەن حاۋىپسىزدىك جاعدايى ءتىپتى دە اۋمالى – توكپەلى، كۇردەلى بولىپ، ءداستۇرلى حاۋىپسىزدىك قاتەرى مەن بەي ءداستۇرلى حاۋىپسىزدىك قاتەرى ءوزارا توعىسىپ، حاۋىپسىزدىك ماسەلەسىنىڭ ىشكى مازمۇنى مەن كولەمىن اناعۇرلىم كەڭەيتتى. تارالمالى جۇقپالى اۋرۋ جونىنەن الىپ ايتقاندا، H1N1 تارالمالى تۇماۋى، جاڭا تيپتى ايدارشا ۆيرۋس وكپە قابىنۋ ىندەتى سياقتى جۇقپالى اۋرۋلار ارت – ارتىنان پايدا بولدى. حالىقارالىق لاكڭەستىك ۋاقيعالار، فينانس داعدارىسى سياقتىلار دا كوپ رەت تۋىلىپ، بەي ءداستۇرلى حاۋىپسىزدىك قاتەرى ادامزات نازار اۋدارۋعا ءتيىستى قاتاڭ سايىسقا اينالدى. سونىمەن بىرگە ءارقايسى ەلدەر مۇددە جاعىنان بارعان سايىن توعىسىپ، امانشىلىق پەن جامانشىلىقتى بىرگە كەشۋدە، ادامزات ءدوپ كەلگەن ءتۇرلى سىنداردان ەشبىر مەملەكەت قاعىس قالمايدى ءارى ءارقانداي ءبىر مەملەكەت بۇل سىنداردان شەگىنىپ شىعىپ، ءوزىن - ءوزى تۇيىقتاپ، دەربەستەنە دە المايدى. ادامزاتتىڭ ورتاق مەكەنىن قورعاۋدا ءارقايسى ەلدەر سەلبەستىكتى كۇشەيتىپ، ءبىر نيەت، ءبىر تىلەكتە بولا وتىرىپ، سايىستارعا توتەپ بەرۋى كەرەك.

    ۆيرۋس سىندى ادامزاتتىڭ ورتاق جاۋى الدىندا، حالىقارالىق قوعام بۇرىنعى بەي ءداستۇرلى حاۋىپسىزدىك قاتەرىنە توتەپ بەرۋ بارىسىنداعى تاجىريبە – ساباقتاردى قورىتىندىلاپ جانە قابىلداپ، ىنتىماقتاسا سەلبەسىپ، ىندەتكە قارسى تۇرۋدى اناعۇرلىم كۇشەيتتى. بيىل 3 – ايدىڭ 26 – كۇنى اشىلعان 20 ەل توبى باسشىلارىنىڭ جاڭا تيىپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەرەكشە باسشىلار باس قوسۋى، 4 – ايدىڭ 14 – كۇنى اشىلعان شىعىس وڭتۇستىك ازيا ەلدەرى وداعى مەن وڭتۇستىك كورەيا جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋ باسشىلار ەرەكشە ءماجىلىسى، 5 – ايدىڭ 18 – كۇنى اشىلعان 73 – كەزەكتى دۇنيە جۇزىلىك دەنساۋلىق ساقتاۋ ءماجىلىسىنىڭ بەينەكەسكىن ءماجىلىسى، 6 – ايدىڭ 17 – كۇنى اشىلعان جۇڭگو – افريكا ىندەتكە ىنتىماقتاسا قارسى تۇرۋ ەرەكشە باسشىلار ءماجىلىسى، 6- ايدىڭ 18 – كۇنى اشىلعان «ءبىر بەلدەۋ، ءبىر جول» حالىقارالىق سەلبەستىگىنىڭ جوعارى دارەجەلىلەر بەينە كەسكىن ءماجىلىسى سياقتىلاردىڭ ءبار – ءبارى دە حالىقارالىق قوعامنىڭ ىنتىماقتاسا تىعىز ۇيىسىپ، ىندەتكە قارسى تۇرعان، قيىندىقتاردى بىرگە جەڭۋ ورتاق تانىمىنا كەلگەن ماڭىزدى ماجىلىستەر. ءتوراعا شي جينپيڭ جۇڭگو -افريكانىڭ ىنتىماقتاسا وتىرىپ ىندەتكە قارسى تۇرۋ ەرەكشە باس قوسۋىندا سويلەگەن سوزىندە بىلاي دەپ اتاپ كورسەتتى: «ءبىز حالىقتى، ءومىردى بارىنەن جوعارى قويۋدا تاباندى بولۋىمىز، بايلىقتى ءبىرتۇتاس جوسپارلاپ، ىنتىماقتاسا سەلبەسىپ، حالىقتىڭ باس اماندىعى مەن دەنساۋلىعىن بارىنشا قورعاۋعا قۇلشىنۋىمىز، ىندەتتىڭ كەرى ىقپالىن مۇلدە بولعىزباۋىمىز كەرەك». كەزەكتە، بۇكىل جەر شارى بويىنشا ىندەتتەن ساقتانۋ جانە ونى تىزگىندەۋ جاعدايى ءالى دە قاتاڭ ءارى كۇردەلى، حالىقارالىق قوعام سەلبەستىكتى كۇشەيتۋگە، ىندەتتى جەڭەتىن پارمەندى بىرىككەن كۇش قالىپتاستىرۋعا توتەنشە مۇقتاج.

جاۋاپتى رەداكتور: گۇلدەن ماقسات قىزى