ادامزاتتىڭ تاعدىرلاس ورتاق تۇلعاسىن قۇرۋ - ادامزات دۇنيەسىنىڭ تۋرا جولى

  • كەلۋ قاينارى: ىلە گازەتى
  • 05:02:44 30/07/2020

    ادامزاتتىڭ تاعدىرلاس ورتاق تۇلعاسى تانىمى جۇرت جۇرەگىنە اناعۇرلىم تەرەڭ ۇيالادى

    جاڭا تيپتى ايدارشا ۆيرۋس وكپە قابىنۋ ىندەتىنىڭ تۋىلۋى، سونداي – اق بۇكىل جەر شارىنىڭ ىندەتكە قارسى تۇرۋدا قولدانعان ءبىرقىدىرۋ ارەكەتى كەزەكتەگى دۇنيە جاعدايىنا، ءتىپتى، ادامزاتتىڭ بولاشاقتاعى حاۋىپسىزدىگى مەن دامۋىنا كەلەلى اسەرىن تيگىزەدى. بۇل تەك حالىقارالىق قاتىناس جاعىندا عانا ەمەس، يدەيا، تانىم جاقتارىنان دا بەينەلەنەدى.

    بازارى جاڭادان كوركەيگەن ەلدەر مەن دامۋ ۇستىندەگى ەلدەردىڭ تەز قارقىنمەن دامۋىنىڭ، حالىقارالىق ىقپال كۇشىنىڭ ۇزدىكسىز الۋەتتەنۋىنىڭ حالىقارالىق ىستەردەگى ماڭىزدى رولى كۇننەن كۇنگە ساۋلەلەنۋدە. جاڭا جاعدايدا ساياسي وكتەمدىك، قىرعي قاباقتىقپەن وي جۇگىرتۋ، نولدىك ۇتىس ويىنى ىسكە اسپايتىن بولدى، ەل ەلدىڭ حالىقارالىق ىستەرگە تەڭ تۇرعىدا ات سالىسۋ، كەڭەسۋ، سويلەسۋ، الاۋىزدىق، كوپ جاقتىلىق ماسەلەلەرىن شەشۋدەگى حالىقارالىق قوعامنىڭ ورتاق تانىمىنا اينالدى.

    كەزەكتە، دۇنيەدە زاتتىق بايلىق ۇزدىكسىز توپتالىپ، عىلىم – تەحنيكا جاڭالىعى كۇننەن كۇنگە جەدەلدەۋدە، ادامزات وركەنيەتى اناعۇرلىم جوعارى دەڭگەيگە قاراي دامۋدا، بەيبىتشىلىك، دامۋ، سەلبەستىك، تەڭ يگىلىكتەنۋ بوگەۋ بەرمەس ءداۋىر اعىمىنا اينالدى. دۇنيەدەگى ءار ەل حالقى جونىنەن الىپ ايتقاندا، باس اماندىعى مەن سالاماتتىعى ولاردىڭ ەڭ نەگىزگى قاجەتىنە؛ اناعۇرلىم تاماشا تۇرمىس كەشىرۋ، ەكونوميكانىڭ جەر شارىلانۋىنىڭ دامۋ جەتىستىكتەرىنەن تەڭ يگىلىكتەنۋ ولاردىڭ كوكەيتەستى ۇمىتىنە اينالىپ وتىر. توسىننان ساپ ەتە تۇسكەن جاڭا تيپتى ايدارشا ۆيرۋس وكپە قابىنۋ ىندەتى سالدارىنان كوپتەگەن ەل حالقىنىڭ باس اماندىعى مەن سالاماتتىعى حاۋىپ - قاتەر قىسپاعىندا قالدى. ىندەتكە قارسى تۇرۋدا ءومىردى قورعاۋ جانە قۇتقارۋ بارىنەن ماڭىزدى. تاياۋ مەزگىلدەگى ءبىرقىدىرۋ ەلدەردە اشىلعان ماجىلىستەردە حالىقتى، ءومىردى قورعاۋ قىزمەتىن ويداعىداي ىستەيتىندىگى ءبىلدىرىلدى. جۇڭگو جانە بازارى جاڭادان كوركەيگەن مەملەكەتتەر مەن دامۋ ۇستىندەگى مەملەكەتتەر دامۋ، حالىق تۇرمىسى سياقتى تاقىرىپتاردى مىقتى يگەرىپ، ادامزاتتىڭ دەنساۋلىعىن، سالاماتتىقتى قورعاۋ ورتاق تۇلعاسىن قۇرۋدى، تاماشا تۇرمىس پەن حاۋىپسىز، اقاۋسىز تۇرمىس جاراتۋدى دارىپتەۋدە. بۇل دارىپتەمەلەر زور ءدۇمپۋ قوزعادى. جۇڭگو مەن افريكانىڭ ىنتىماقتاسىپ، ىندەتكە قارسى تۇرۋ جونىندەگى ەرەكشە باس قوسۋىندا ءتوراعا شي جينپيڭ بىلاي دەپ اتاپ كورسەتتى: «ءبىز كوپ جاقتىلىقتى امالياتتا ايگىلەۋدەن اۋىتقىمايمىز. ىنتىماقتاسا سەلبەسۋ _ ىندەتكە قارسى تۇرۋدىڭ ەڭ قۋاتتى قارۋى. جۇڭگو افريكامەن بىرلىكتە بىرلەسكەن مەملەكەتتەر ۇيىمىن وزەك ەتكەن الەمدىك جونگە سالۋ جۇيەسىن قورعاپ، دۇنيە جۇزىلىك دەنساۋلىق ساقتاۋ ۇيىمىنىڭ الەمدىك ىندەتكە قارسى تۇرۋى ءۇشىن اناعۇرلىم زور ۇلەس قوسۋىن قولدايدى. ءبىز ىندەت جاعدايىن ساياسيلاندىرۋعا، ۆيرۋستى بەلگى ەتۋگە؛ ناسىلدىك كەمسىتۋگە جانە يدەولوگيالىق سىڭار جاقتىلىققا قارسى تۇرامىز، حالىقارالىق تەڭدىك پەن ادىلەتتىلىكتى باتىل قورعايمىز.

جاۋاپتى رەداكتور: گۇلدەن ماقسات قىزى