ادامزاتتىڭ تاعدىرلاس ورتاق تۇلعاسىن قۇرۋ - ادامزات دۇنيەسىنىڭ تۋرا جولى

  • كەلۋ قاينارى: ىلە گازەتى
  • 05:02:44 30/07/2020

    ادامزات ءبىر جەر شارى اتتى قىستاقتا بىرگە جاسايدى، ءار ەل ءبىر – ءبىرىن جەبەسە، تاعدىرلارىن توعىستىرسا بىرتە – بىرتە تاعدىرلاس ورتاق تۇلعاعا اينالادى. ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ _ ادامزاتتىڭ ورتاق سايىستارعا توتەپ بەرۋىندەگى جۇڭگو قۋاتتاماسى جانە جۇڭگو جوباسى. بۇل قۋاتتاما بىرلەسكەن مەملەكەتتەر ۇيىمىنىڭ قۇجاتىنا تالاي رەت جازىلىپ، حالىقارالىق قوعامنىڭ قارسى الۋىنا جانە مويىنداۋىنا يە بولدى. ءبىر بىرىمەن بىتە قايناسقان دۇنيەدە اۋىر جۇقپالى ىندەت مەيلى قاي جەردە پايدا بولسا دا، تۇتاس ادامزات قوعامىنا قاتەرىن توندىرەدى. جاڭا تيپتى ايدارشا ۆيرۋس وكپە قابىنۋ ىندەتى سىندى وسى ءبىر اۋىر جۇقپالى اۋرۋعا توتەپ بەرۋدە ءار ەل بىرلىكتە اقىلداسىپ، ينفورماتسيادان بىرگە يگىلىكتەنۋدى كۇشەيتىپ، بىرلەسىپ ساقتانىپ، بىرلەسىپ تىزگىندەپ، ءار ەلدىڭ بەتكە ۇستار ءدارى – دارمەك، ۆاكسينا، تەكسەرۋ – ساراپتاۋ سياقتى كۇشتەرىن توپتاپ، عىلمي زەرتتەۋدە قامال الۋدى جەدەلدەتتى. بىرلەسكەن مەملەكەتتەر ۇيىمى، دۇنيە جۇزىلىك دەنساۋلىق ساقتاۋ ۇيىمى، 20 ەل توبى، شىعىس وڭتۇستىك ازيا وداعى جانە جۇڭگو، جاپونيا، وڭتۇستىك كورەيا سياقتى كوپ جاقتى ۇيىمدار ىندەت جاعدايى ينفورماتسياسىنان ورتاق يگىلىكتەنۋ، ءار ەلدىڭ ىندەتكە قارسى ارەكەتىن سايكەستىرۋ، دەنساۋلىق ساقتاۋ، ەمدەۋ جۇيەسى ءالسىز ەلدەرگە كومەكتەسۋ سياقتى جاقتاردا ماڭىزدى رولدارىن ساۋلەلەندىرۋدە. ىندەتكە قارسى تۇرۋدا، ادامزات قوعامى ءبىر جاعادان باس، ءبىر جەڭنەن قول شىعارا وتىرىپ سەلبەسە ارەكەتتەنۋدى قاجەت ەتەدى، بۇل ورتاق جاۋاپكەرلىك، ءوزارا كومەكتەسۋ بولماق.

    ءتوراعا شي جينپيڭ جۇڭگو – اراب ەلدەرى ساياسي پارتيالارىنىڭ ەرەكشە ماجىلىسىنە جولداعان قۇتتىقتاۋ حاتىندا بىلاي دەپ باسا دارىپتەدى: «ادامزاتتىڭ قۋانىش پەن جۇبانىشتا دا تاعدىرلاس ورتاق تۇلعا ەكەندىگىن وسى رەتكى جۇقپالى ىندەت تاعى ءبىر مارتە دالەلدەدى». مەملەكەتكە، ناسىلگە قارامايتىن راقىمسىز ىندەتكە تەك ءبىر نەمەسە بىرنەشە مەملەكەتتىڭ كۇشىمەن توتەپ بەرۋى مۇمكىن ەمەس، تەك ادامزاتتىڭ تاعدىرلاس ورتاق تۇلعاسى تۇرعىسىنان قول ۇستاسا وتىرىپ ىندەتكە قارسى تۇرىپ، قيىنشىلىقتاردى بىرگە جەڭگەندە عانا ىندەتتى ءونىمدى تەجەۋگە بولادى. جەرشارى بويىنشا ىندەتكە قارسى تۇرۋدىڭ ماڭىزدى كەزەڭىندە ادامزاتتىڭ تاعدىرلاس ورتاق تۇلعاسى تانىمى بارعان سايىن دارالانىپ، تۇتاس ادامزاتتىڭ ءومىر ءسۇرۋى جانە دامۋىن جەبەۋدەگى ماڭىزدى قۇنى مەن ءمانى كورنەكتىلەنە ءتۇستى. ءارقايسى ەلدەر ىندەتپەن جاپالى كۇرەسۋ بارىسىندا ءوزارا توعىسۋ، ءوزارا تاۋەلدەستىك تانىمىن اناعۇرلىم تانىپ، ادامزاتتىڭ تاعدىرلاس ورتاق تۇلعاسى تانىمى جۇرت جۇرەگىنەن ءتىپتى دە تەرەڭ ورىن الدى.

    الەمدىك جونگە سالۋ جۇيەسىنىڭ وزگەرۋى مەن كەمەلدەنۋىن ۇزدىكسىز جەبەيىك

    بۇل رەتكى ىندەت الەمدىك جونگە سالۋ جۇيەسىندەگى ءبىرسىپىرا ولقىلىقتاردى ءپاش ەتتى. كوپتەگەن مەملەكەتتەر بەي ءداستۇرلى حاۋىپسىزدىك قاتەرىنىڭ رەالدىعى مەن قاتاڭدىعىن تەرەڭ سەزىنىپ، نولدىك ۇتىس ويى مەن ءادىسىنىڭ كەزەكتە ءدوپ كەلگەن سايىستى شەشە المايتىندىعىن اناعۇرلىم تانىپ جەتتى. سوندىقتان حالىقارالىق قوعام حاۋىپ - قاتەردى ورايعا اينالدىرۋعا قۇلشىنۋدى قاجەت ەتەدى. الەمدىك الەۋمەتتىك دەنساۋلىق ساقتاۋدى جونگە سالۋ مەحانيزمى قۇرىلىسىن وراي ەتىپ، الەمدىك جونگە سالۋ جۇيەسىنىڭ وزگەرۋى مەن كەمەلدەنۋىن جەدەلدەتۋ كەرەك. حالىقارالىق قوعام لاڭكەستىك، توراپ حاۋىپسىزدىگى، اۋىر جۇقپالى ىندەت، كليمات وزگەرىسى سياقتى بەي ءداستۇرلى حاۋىپسىزدىك قاتەرى جاعىندا ورتاق قۇلشىنۋى، حالىقارالىق جونگە سالۋ مەحانيزمىندە ۇزدىكسىز جاڭالىق اشىپ، ونى كەزەكتەگى جانە بولاشاقتاعى الەمدىك ىستەردى ءبىرجاقتى ەتۋگە اناعۇرلىم ويداعىداي قىزمەت ەتتىرۋ كەرەك.

جاۋاپتى رەداكتور: گۇلدەن ماقسات قىزى