ادامزاتتىڭ تاعدىرلاس ورتاق تۇلعاسىن قۇرۋ - ادامزات دۇنيەسىنىڭ تۋرا جولى

  • كەلۋ قاينارى: ىلە گازەتى
  • 05:02:44 30/07/2020

    ىندەت الدىندا ءبىز قاتىستى حالىقارالىق ۇيىمداردىڭ رولىن ساۋلەلەندىرۋىن بەلسەنە قولداپ، ءتۇرلى حالىقارالىق ۇيىمدار تەكشەسىنەن ۇزدىكسىز ويداعىداي پايدالانىپ، ينفورماتسيادان ورتاق يگىلىكتەنۋدى، تاجىريبە الماستىرۋدى، تەحنيكالىق جاقتان سەلبەسۋدى، ساياسات جاعىنان سايكەسۋدى كۇشەيتىپ، الەمدى شارپىعان ىندەتكە قارسى تۇرۋعا ۇلەس قوسامىز. حالىقارالىق باسشىلار باس قوسۋى مەن مەملەكەت باسشىلارىنىڭ ديپلوماتيالىق مەحانيزمىنىڭ رولى بارعان سايىن كورنەكتىلەنۋدە. وسىعان ىلەسە قاتىناس پەن حابارلاسۋدىڭ قولايلىلانۋىنا بايلانىستى بۇل مەحانيزم 20 – عاسىردىڭ سوڭى مەن 21 – عاسىردىڭ باسىندا ۇزدىكسىز دامىدى. قازىر جەر شارى ىستەرىنىڭ ارتۋى مەن ىندەت ەرەكشە جاعدايى سەبەپتى مەملەكەت باسشىلارىنىڭ بەينەكەسكىن ديپلوماتياسى تۋىندادى. بۇل حالىقارالىق قاتىناس پەن دۇنيە ءجۇزىن جونگە سالۋدا جاسامپازدىق مانگە يە. بۇدان سىرت، ىندەت ءار ادامنىڭ باس اماندىعى جانە سالاماتتىعىمەن تىعىز بايلانىستى بولعاندىقتان، ۇكىمەت پەن بەي ۇكىمەتتىك ۇيىمدار ارناسىنان تىس، دۇنيە جۇزىندەگى ءار ەل حالقى قولما – قول حابارلاسۋ قۇرالدارىنان پايدالانىپ تىكەلەي پىكىر اۋىستىرىپ، ءار ەل حالقى اراسىنداعى قارىم – قاتىناستىڭ جاڭا فورماسىن قالىپتاستىردى. دەمەك، بۇدان ديپلوماتيالىق قيمىل فورماسىندا مەحانيزمدىك وزگەرىس تۋىلعاندىعىن، بولاشاقتاعى حالىقارالىق قاتىناس ارەكەت تۇلعاسىنىڭ ءتىپتى دە سان الۋان بولاتىندىعىن كورەمىز.

    جۇڭگو كوممۋنيستىك پارتياسى مەن جۇڭگو ۇكىمەتى حالىقتىڭ باس اماندىعى مەن دەنساۋلىعىن باستان – اياق ماڭداي الدى ورىنعا قويىپ، ىندەتكە قارسى تۇرۋدىڭ حالىقتىق شايقاسىنىڭ، تۇلعالىق شايقاسىنىڭ، توسقاۋىلداۋ شايقاسىنىڭ دابىلىن قاقتى. قاجىرلىلىقپەن قۇلشىنىپ، وراسان زور بوداۋ بەرىلگەندىكتەن، ەلىمىز ىندەتتەن ساقتانۋ – تىزگىندەۋ، وعان قارسى اتتانۋ كۇرەسىندە كەلەلى ستراتەگيالىق تابىسقا قول جەتكىزدى دەۋگە بولادى، الايدا سىرتتان كىرۋ مەن ىشتە قايتا بەلەڭ بەرۋدەن ساقتانۋ قىزمەتىن ۇزدىكسىز مىقتى يگەرۋ قاجەت. جۇڭگو ىندەتكە قارسى اتتانۋداي قيىن – قىستاۋ مەزگىلدە كوپتەگەن ەلدەر مەن حالىقتىڭ كومەگىنە يە بولدى، جۇڭگو دا حالىقارالىق قوعامنىڭ قارىمجىسىن بەلسەنە قايتارىپ، كوپتەگەن ەلدەرگە بارىنشا كومەك كورسەتتى. جۇڭگونىڭ ۇزاق ۋاقىتتان بەرى تاباندى بولىپ كەلە جاتقان سەلبەستىك ۇستانىمى وسى رەتكى ىندەتتەن ساقتانۋ – تىزگىندەۋ بارىسىندا تولىق ايگىلەندى، ەلىمىز دارىپتەپ وتىرعان ءارى امالياتتا ايگىلەگەن دۇرىس بورىش جانە مۇددە كوزقاراسى دا حالىقارالىق قوعامنىڭ القاۋىنا يە بولدى. جۇڭگونىڭ دۇنيەنىڭ ءارقايسى ەلدەرىمەن ىنتىماقتاسا سەلبەسە وتىرىپ، ىندەتپەن بىرگە كۇرەسۋ ارەكەتى - وسىزامانعى حالىقارالىق قاتىناستىڭ مازمۇنىن بايىتىپ، حالىقارالىق قوعامنىڭ العاباسۋ بەتالىسىن اشىق كورسەتتى.

    ادامزات قوعامى بۇراڭدىقتار بارىسىندا العا باسىپ كەلەدى، اناعۇرلىم تەڭ، ۇيلەسىمدى حالىقارالىق جونگە سالۋ مەحانيزمىن قۇرۋدىڭ مىندەتى اۋىر، جولى ۇزاق. وسى رەتكى بۇكىل جەر شارى سيپاتتى ىندەتپەن ايقاسۋ بارىسىندا تار جول، تايعاق كەشۋلەردەن بىرگە ءوتۋ، ىنتىماقتاسا سەلبەسۋ حالىقارالىق قوعامنىڭ نەگىزگى اعىمىنا اينالدى. دەسە دە، حالىقارالىق سەلبەستىك جاساۋشىلارعا كەدەرگى جاساپ، توسقاۋىل قويعان، سونداي - اق ىندەت ماسەلەسى جاعىندا ابرويىنا كىر كەلتىرىپ، ساياسيلاندىرۋ ارەكەتىن جۇرگىزگەن ءىشىنارا مەملەكەتتەر دە بولدى. بۇل جونىندە كوپتەگەن ەلدەر، حالىقارالىق ۇيىمدار جانە حالىقارالىق قايراتكەرلەر «حالىقارالىق قوعام كەمسىتۋدەن، ابرويىنا كىر كەلتىرەتىن ءادىس – شارالاردى جۇرگىزۋدەن بىرگە ساقتانۋ كەرەك» دەپ ارت – ارتىنان ۇندەدى. دامۋ تۇرعىسىنان الىپ قاراعاندا، حالىقارالىق قوعامنىڭ ىندەتپەن ايقاسۋ بارىسىندا توپتاعان باعالى ورتاق تانىمى مەن سەلبەستىك ارەكەتى _ ادامزاتتىڭ تاعدىرلاس ورتاق تۇلعاسىن قۇرۋىنداعى ماڭىزدى يدەيالىق بايلىعى جانە امالياتى.

جاۋاپتى رەداكتور: گۇلدەن ماقسات قىزى