ىلە وزەنى ۇلكەن كوپىرىنىڭ جاڭا 1 - كوپىرى جالپى لەنيا بويىنشا تۇتاستىرىلدى

  • كەلۋ قاينارى: ىلە گازەتى
  • 04:29:25 31/07/2020

 

    مەجەمەن 7 – ايدىڭ 30 – كۇنى كولىك قاتىنايتىن بولدى

 

    ءتىلشىمىز جاڭ جينفىڭ حابارلايدى. بىرنەشە كۇننىڭ الدىندا ىلە وزەنى ۇلكەن كوپىرى جاڭا 1 - كوپىرىنىڭ نەگىزگى قۇرىلىسى اياقتاپ، جالپى لەنيا بويىنشا تۇتاستىرىلدى، مەجەمەن 7 – ايدىڭ 30 – كۇنى اۆتوموبيل قاتىنايدى ەكەن.

    7 – ايدىڭ 23 – كۇنى ءتىلشى ىلە وزەنى ۇلكەن كوپىرى جاڭا 1 - كوپىرىنىڭ قۇرىلىس باسىنان ءتۇرلى ماتەريال تاسيتىن، جول تاپتايتىن، اسفالت توسەيتىن ماشينالاردىڭ قاربالاس جۇمىس جۇرگىزىپ جاتقانىن، كوپىر ۇستىندە جۇمىسشىلار اۆتوكولىكتىڭ سوعىلۋىنان ساقتانۋ راشەتكاسىنىڭ تۇعىرىن دانەكەرلەۋمەن ابىگەر بولىپ جۇرگەنىن كوردى. كوپىردىڭ وڭتۇستىك جاعىنداعى جول تاعانىنا اسفالت توسەلە باستاپتى، جۇمىس ورنىنداعى وسى قاربالاس كورىنىستەر قۇرىلىستىڭ اياقتالايىن دەپ قالعانىن اڭعارتۋدا.

    جۇڭگو قاتىناس - قۇرىلىس توبى 2 - تاس جول ينجەنەرياسى مەكەمەسى 6 - ينجەنەريا شەكتى جاۋاپكەرلىك سەرىكتىگى ىلە وزەنى ۇلكەن كوپىرى نىسان ينجەنەرياسى ءبولىمىنىڭ باستىعى حۋاڭ حانپۋ بىلاي دەدى: «بۇگىن ۇلكەن كوپىردىڭ وڭتۇستىك باسىنداعى جول تاعانىنا ءبىرىنشى رەت اسفالت توسەۋ قىزمەتى تامامدالماق، 2 - 3 كۇننەن كەيىن كوپىردىڭ بەتىنە اسفالت توسەلىپ، قورعانىس راشەتكاسى مەن اشەكەي راشەتكاسى دا ورناتىلماق. اسفالت توسەلگەننەن كەيىن جول بەلگى سىزىعى سىزىلىپ، كوشە شىراعى ورناتىلادى.

    ۇعىسۋعا قاراعاندا، كوپىردىڭ وڭتۇستىك باسىنا ۋاقىتتىق كولىك توقتاتۋ ورنى جانە كورىنىس تاماشالاۋ تەكشەسى جاسالىپتى.

    بۇرىنعى 1 - كوپىر كورىنىستىك جاياۋلار كوپىرىنە اينالىپ، ءتۇستى اسفالت توسەلدى. قازىر 100 دەن استام جۇمىسشى قۇرىلىس ورنىندا ۇستەمەلەپ جۇمىس جۇرگىزۋدە، ولار قۇرىلىستىڭ ساپاسىنا كەپىلدىك ەتۋ العى شارتىندا قۇرىلىس جۇرگىزۋ قارقىنىن جەدەلدەتىپ، ىلە وزەنى ۇلكەن كوپىرى جاڭا 1 – كوپىرىن ەرتەرەك پايدالانۋعا بەرىپ، تۇرعىنداردىڭ كوپىردەن وتۋىنە قولايلىلىق جاراتپاق.

    ىلە وزەنى ۇلكەن كوپىرى جاڭا 1 - كوپىرىنىڭ قۇرىلىسى قالا تۇرعىندارىنىڭ نازارىن اۋداردى. قۇلجا قالاسىنىڭ تۇرعىنى چىن يوۋمين بىلاي دەدى: «جاڭادان سالىنعان كوپىر كونە كوپىردەن كەڭ، باسقا جاعى نەگىزىنەن ۇقساس، ىلە وزەنى كوپىرىنىڭ بۇرىنعى بەينەسى قاز – قالپىندا ساقتالىپ، ىلەنىڭ كونە تۇرعىندارىنىڭ ساناسىنا ورناپ قالعان كونە كوپىر بەينەسى ماڭگى ساقتالادى. ءبىز كوپىردىڭ پايدالانۋعا بەرىلۋىن اسىعا كۇتەمىز».

جاۋاپتى رەداكتور: گۇلدەن ماقسات قىزى