تارباعاتاي جىلقى شارۋاشىلىعىنىڭ 4 ءتۇرلى جەرگىلىكتى ولشەمىن تەكسەرىپ بەكىتۋدەن وتكىزدى

  • كەلۋ قاينارى: ىلە گازەتى
  • 04:30:35 31/07/2020

   

    ەرىكتى تىلشىلەر ياۋ شينشين، چىن ۋىنجيە شاۋەشەكتەن حابارلايدى. تاياۋدا تارباعاتاي ايماقتىق بازار باقىلاۋ – باسقارۋ مەكەمەسى، ايماقتىق مال شارۋاشىلىق عىلىم - تەحنيكاسىن زەرتتەۋ - جالپىلاستىرۋ ورتالىعى، حايۋانات ىندەتىنەن ساقتانۋ جانە دياگنوز قويۋ ورتالىعى، شاۋەشەك قالالىق مال شارۋاشىلىق - مال شيپاگەرلىك پۋنكتى، تارباعاتاي ەگىن - مال شارۋاشىلىق عىلىم - تەحنيكاسى شەكتى سەرىكتىگى سياقتى ورىندارداعى 8 ماماننان ۇيىمداسقان ولشەمدى تەكسەرىپ بەكىتۋ شاعىن گرۋپپاسى ءماجىلىس اشۋ ارقىلى «اسىل تۇقىمدى ايعىردان سفەرما الۋ جانە قولمەن سفەرما تۇتىكشەسىن جاساۋ تەحنيكالىق ەرەجەسى»، «جىلقى دەنەسىنە ەلەكتروندىق چيپ سالۋ جۇمىس ەرەجەسى»، «جىلقىنىڭ اسقازانىنا تۇتىكشەمەن ءدارى سالۋ جۇمىس ەرەجەسى»، «جىلقىعا توڭازىتىلعان ازوت ارقىلى تاڭبا باسۋ جۇمىس ەرەجەسى» سىندى 4 ءتۇرلى جەرگىلىكتى ولشەمدى تەكسەرىپ بەكىتتى.

    بۇل جولعى بەكىتۋگە جولدانعان 4 ءتۇرلى ولشەم اسىل تۇقىمدى ايعىرعا بەرىلەتىن جەم - ءشوپ مولشەرىن ايتارلىقتاي تومەندەتىپ، باعىمشىلىقتىڭ وزىندىك قۇنىن ۇنەمدەپ، باعىتتامالى سۇرىپتاپ قوسۋدى جۇزەگە اسىرادى. جىلقى شارۋاشىلىعى كاسىبىمەن شۇعىلدانۋشىلاردىڭ جىلقىنىڭ اسقازانىنا تۇتىكشەمەن ءدارى سالۋ تەحنيكاسىن دۇرىس مەڭگەرۋىنە جەتەكشىلىك ەتىپ، جىلقىنىڭ بوگدە زات سيپاتتى وكپە قابىنۋىنا شالدىعۋىن، ءتىپتى ءولۋىن ازايتىپ، شارۋالاردىڭ كىرىستى ارتتىرۋ ارقىلى مال شارۋاشىلىعىنىڭ ونىمدىلىگىن جوعارىلاتۋىن جۇزەگە اسىرادى.

    ماجىلىسكە قاتىناسقان ماماندار ءبىر اۋىزدان: «جوعارىداعى 4 ءتۇرلى ولشەم تارباعاتاي ايماعىنىڭ ءىس جۇزىندىگىنە ۇيلەسەدى، ازىرلەۋشى ورىننىڭ مامانداردىڭ جالپىلىق پىكىرى بويىنشا ولشەمگە وزگەرىس ەنگىزگەننەن كەيىن تارباعاتاي ايماقتىق بازار باقىلاۋ - باسقارۋ مەكەمەسىنىڭ تەكسەرىپ بەكىتۋىنە جولداۋىن ۇسىنىس ەتەمىز» دەدى. جوعارىداعى ولشەم تاراتىلعاننان كەيىن اۆتونوميالى رايوننىڭ جىلقى باعىمشىلىعى ولشەمىندەگى بوستىقتى تولتىرادى، بۇل تەحنيكالىق العاباسارلىقتى جەبەۋگە پايدالى، ولشەم ورەسىن جوعارىلاتىپ، ولشەم جۇيەسىن كەمەلدەندىرىپ، ەكونوميكانىڭ دامۋىنا اناعۇرلىم ءونىمدى قىزمەت وتەيدى.

جاۋاپتى رەداكتور: گۇلدەن ماقسات قىزى