وبلىسقا توتە قاراستى ورىندار قيىنشىلىعى بار بۇقارا ءۇشىن ۇكىمەتتىڭ قوسىمشا قاراجاتى قوسىلعان تۇراقتى باعاداعى قوي ەتىن ازىرلەدى

  • كەلۋ قاينارى: ىلە گازەتى
  • 03:59:49 01/08/2020

 

      تىلشىلەرىمىز ما چىڭلۋ، لي يافىڭ حابارلايدى.7 – ايدىڭ 31 – كۇنى - قۇربان ايت مەرەكەسى. 7 – ايدىڭ 30 – كۇنى تىلشىلەردىڭ وبلىستىق ساۋدا مەكەمەسى مەن وبلىستىق قازىنا مەكەمەسىنەن ۇعىسۋىنشا، وبلىسقا توتە قاراستى ورىندارداعى قيىنشىلىعى بار بۇقارانىڭ مەرەكەنى كوڭىلدى دە بەرەكەلى وتكىزۋى ءۇشىن، وبلىستىق پارتكوم مەن ۇكىمەت مەرەكە كەزىندە قيىنشىلىعى بار بۇقاراعا تۇيىندەر بويىنشا ۇكىمەت قوسىمشا قاراجات قوسقان تۇراقتى باعاداعى قوي ەتىن ساتۋدى ورنالاستىرعان.

    ۇعىسۋعا قاراعاندا، وسى جولى ساتۋعا ورنالاستىرىلعان تۇراقتى باعاداعى قوي ەتى نەگىزىنەن وبلىسقا توتە قاراستى اۋدان – قالالارداعى ەرەكشە قيىنشىلىعى بار وتباسى، ەڭ تومەنگى تۇرمىسى قامتاماسىزداندىرىلاتىن وتباسى، بەستە قامتاماسىزداندىرىلاتىن وتباسى سياقتى قيىنشىلىعى بار بۇقارالىق توپتارعا ارنالعان ەكەن.

    قازىر قۇلجا قالاسى 60 تونناعا جۋىق قوي ەتىن ازىرلەپ، قالا – اۋىلدارداعى قيىنشىلىعى بار 19 مىڭ 848 وتباسىنداعى 37 مىڭ 374 ادامدى يگىلىكتەندىرۋدى جوسپارلاعان.

    قۇلجا قالاسى وسى جولى ورنالاستىرعان تۇراقتى باعاداعى قوي ەتىنە وبلىستىق قازىنا مەكەمەسى 500 مىڭ يۋان قوسىمشا قاراجات، قۇلجا قالالىق حالىق ۇكىمەتى 460 مىڭ يۋان قوسىمشا قاراجات قوسقان، ءاربىر وتباسىنا 3 كيلوگرامنان تۋرا كەلەدى، ءار كيلوگرامى بازارداعى بولشەك ساتۋ باعاسىنان 20 يۋان اينالاسىندا تومەن، وسىلايشا قيىنشىلىعى بار بۇقاراعا كيلوگرامى 50 يۋاننان ساتىلادى. اۋدان – قالالارداعى قاتىستى تاراۋلار مەن اۋىل – قالاشىق (ءمالى باسقارماسى)، قىستاق (الەۋمەتتىك اۋماق) قىزمەتكەرلەرى 8 – ايدىڭ 1 – كۇنىنەن بۇرىن تۇراقتى باعاداعى قوي ەتىن تۇيىندەر بويىنشا قيىنشىلىعى بار بۇقاراعا تۇگەل جەتكىزىپ بەرەدى.

جاۋاپتى رەداكتور: گۇلدەن ماقسات قىزى