«قىستاق ‹ەكى كوميتەتى› مەن كاسىپورىن ماعان كومەكتەستى، مەن شارۋامدى، ءسوزسىز، ويداعىداي ىستەيمىن»

  • كەلۋ قاينارى: ىلە گازەتى
  • 04:36:48 01/08/2020

 

   ماحپۇرات ويىنشىق ساتۋ دۇكەنىن اشتى:  «قىستاق ‹ەكى كوميتەتى› مەن كاسىپورىن ماعان كومەكتەستى، مەن شارۋامدى، ءسوزسىز، ويداعىداي ىستەيمىن»

    ءتىلشىمىز لۋ جۇڭ حابارلايدى. «ءاربىر ويىنشىقتا باعاسى جازىلعان، باعاسى بويىنشا ساتساڭىز بولدى، ويىنشىق تولايىم ساتۋ ساۋداگەرلەرىمەن سويلەسىپ قويدىق، ويىنشىق تولايىم ساتىپ الماقشى بولساڭىز، ولار سىزگە ەڭ تومەن باعادا بەرەدى. بۇدان بىلاي قانداي قيىنشىلىعىڭىز بولسا دا مەنىمەن حابارلاسىڭىز، ءبىز شامامىزدىڭ كەلىسىنشە سىزگە كومەكتەسەمىز». 7 - ايدىڭ 24 - كۇنى قۇلجا قالاسى شين - وۋ ءۇي جيھازدارى الاڭى بىرلەسپە پارتيا ياچەيكاسىنىڭ شۋجيى جياڭ يوۋپيڭ مەن قىزمەتكەرلەر بىرنەشە جاشىك ويىنشىقتى الىپ، قۇلجا قالاسى توعىراق اۋىلى قاراجەر قىستاعىنىڭ تۇرعىنى ماحپۇرات ابىلەميتتىڭ ۇيىنە كەلدى. جياڭ يوۋپيڭ اكەلگەن ويىنشىقتارىن تىزە ءجۇرىپ، جوعارىداعىداي قاداعالاپ جاتتى.

    ءۇي تولى ويىنشىق بالالاردىڭ نازارىن اۋدارا باستادى. «بۇل − قىستاقتاعى تۇڭعىش ويىنشىق دۇكەنى، وتە جاقسى بولدى» دەدى ءبىر قىستاق تۇرعىنى.

    ماحپۇرات − قاراجەر قىستاعىنداعى ارحيۆتەستىرىلىپ، كارتوچكالاندىرىلعان كەدەي وتباسى. ءبىر ءۇيلى 7 جاندا 14 مۋ ەگىستىك جەر بار، ماحپۇرات 82 جاستاعى قايىن اپاسىن قاراۋمەن بىرگە، اۋرۋشاڭ اپەكەسى مەن 3 بالاسىن قارايتىندىقتان، سىرتقا شىعىپ كاسىپتەنۋگە امالسىز ەدى. ونىڭ وسى جاعدايىن ەسكەرگەن قىستاق ونىڭ كەدەيلىكتەن ارىلىپ اۋقاتتانۋى ءۇشىن وسى ويىنشىق دۇكەنىن اشىپ بەرگەن ەدى.

    قاراجەر قىستاعىنىڭ ءبىرىنشى شۋجيى، قىزمەت اترەتىنىڭ باستىعى ۋاڭ پو تىلشىگە جاعدايدى بىلاي ءتۇسىندىردى: «بيىل 6 – ايدا تالقى جيىنىن اشىپ، ونىڭ وتباسىنىڭ ناقتى جاعدايى مەن ءوزىنىڭ تىلەگى بويىنشا جول بويىنا قاراعان ءبىر اۋىز ءۇيىن ويىنشىق ساتۋ دۇكەنى ەتىپ اشىپ بەردىك. ول وسىندا تيجاراتپەن شۇعىلدانىپ وتباسى كىرىسىن ارتتىرادى. ‹ءجۇز كاسىپورىن ءجۇز قىستاققا كومەكتەسۋ› دالمە – ءدال سۇيەمەلدەۋ قيمىلىندا قاراجەر قىستاعىمەن جۇپ قۇراعان كاسىپورىن − قۇلجا قالاسى شين - وۋ ءۇي جيھازدارى الاڭى جانە قۇلجا قالاسى ۋاڭحى ەرەن بازارى وعان كومەكتەسۋدى ىرىقتىلىقپەن ورتاعا قويادى. قۇلجا قالاسى ۋاڭحى ەرەن بازارى زات سورەسىن جەتكىزىپ بەردى، قۇلجا قالاسى شين - وۋ ءۇي جيھازدارى الاڭى ويىنشىقپەن قامدادى».

    ساپالى دا باعاسى لايىقتى ويىنشىقتاردى تابۋ ءۇشىن، جياڭ يوۋپيڭ قۇلجا قالاسىنداعى ويىنشىق تولايىم ساتۋ ورىندارىن 2 كۇن ارالادى. «ءبىز وسى رەت وعان 6 مىڭ يۋاننان استام قۇنعا يە ويىنشىق تارتۋ ەتتىك، ويىنشىق ساتىپ الاتىنداردىڭ كوبى قاراجەر قىستاعىنىڭ بالالارى بولعاندىقتان، تارتۋ ەتىلگەن ويىنشىقتاردىڭ باعاسى جوعارى بولعان جوق» دەدى جياڭ يوۋپيڭ.

    ويىنشىق جەتكىزىلگەننەن كەيىن قۇلجا قالاسى شين - وۋ ءۇي جيھازدارى الاڭىنىڭ قىزمەتكەرلەرى مەن قىستاق كادرلارى كومەكتەسىپ، ويىنشىقتاردى سورەگە ءتىزىستى. تام قابىرعاسىنا ويىنشىق ىلىنەتىن سەتكا قويىلدى. مەيىرىمدى جانداردىڭ قالتقىسىز كومەگىنە ماحپۇرات توتەنشە اسەرلەنىپ: «قىستاق ‹ەكى كوميتەتى› مەن كاسىپورىن ماعان كومەكتەستى، مەن شارۋامدى، ءسوزسىز، ويداعىداي ىستەيمىن» دەدى.

  

جاۋاپتى رەداكتور: گۇلدەن ماقسات قىزى