«بەيزاتتىق مادەنيەت مۇرالارىمىزدىڭ» ادال قورعاۋشىلارى

  • كەلۋ قاينارى: ىلە گازەتى
  • 05:03:27 01/08/2020

    كوكقۇتقىر موڭعۇل ۇلتتىق اۋىلىنىڭ «گىسار مەكەنى» دەگەن اتى بار. ۇتىناسىن 19 جاسىنان باستاپ گىسار ايتا باستايدى. ول: «سورتتى تۇقىم الاڭىندا مۇعالىم بولعان كەزىمدە، كۇندىز وقۋشىلارعا ساباق وتسەم، كەشتە قىستاقتاعى قۇيما قۇلاق قارتتارعا بارىپ ‹گىسار› تىڭدايتىنمىن. دانا كوكىرەك قارتتاردىڭ ايتقاندارىن ءبىر ەستىگەننەن – اق ەسىمە ساقتاپ الاتىنمىن، ال تولىق جاتتاي الماعاندارىمدى جاتاققا قايتىپ بارعان سوڭ كارەسىن شامدى جاعىپ، ەستەلىك داپتەرىمە جازىپ الاتىنمىن. جاتاقتاعى باسقا بوز بالالار ماحابباتتىڭ قىزىعىنا ءتۇسىپ كەتكەندە، مەنىڭ <گىسار> جاتتاۋدان مۇرىنىما سۋ جەتپەيتىن» دەيدى.

    ۇتىناسىن تاعى دا: «‹گىساردى› ايتتىم بولدى، قىلىشتارى جارقىلداپ، تەبىنگىلەرى سارتىلداپ سوعىستا جۇرگەن باتىرلار كوز الدىما كەلەتىن، ۇستازدارىم ماعان مۇنى جاقسى ۇيرەنىپ كەيىن ۇرپاققا اماناتتاعايسىڭ دەپ تابىستايتىن» دەيدى.

    ءبىر قىزىعى ۇتىناسىننىڭ تۇڭعىش شاكىرتى ايەلى بولىپتى. بۇل جونىندە ول: «سول كەزدەرى مەنىڭ مەكتەپتە ايتقان ‹گىسارىما› ول بىردەن ءتانتى بولىپ قالىپتى» دەيدى. 1988 – جىلى باس قۇراعاننان كەيىن ۇتىناسىن ايەلى مەن بالالارىنا دا گىساردى جاتتاتۋدان جالىقپايدى، قازىر ايەلى 7 تاراۋدى جاتقا بىلسە، بالالارى 4 تاراۋدى جاتقا ايتا الادى ەكەن. ۇتىناسىن تاعى دا: «‹گىسار› 60 تاراۋدان تۇرادى، مەنىڭ بىلەتىنىم 13 تاراۋى عانا، مۇنى ەركىن ايتاتىن بولسام 20 نەشە ساعاتتا ايتىپ بولۋعا بولادى، ىلگەرىدە تەلەۆيزيانىڭ ادامدارى ءبىر اپتادا ارەڭ كەسكىنگە الىپ بولعان» دەيدى.

    2006 – جىلى «گىسار» تۇڭعىش توپتاعى مەملەكەت دارەجەلى بەيزاتتىق مادەني مۇرالاردىڭ ۋاكىلدىك شىعارمالار تىزىمدىگىنە ەنگىزىلىپ، 2007 – جىلى ونىڭ ۇستازى لۇيرىپ مەملەكەت دارەجەلى بەيزاتتىق مادەني مۇرالاردىڭ مۇراگەرى بولىپ بەلگىلەنەدى. سونىمەن بىرگە «گىسار» ورىس، اعىلشىن، فرانسوز، نەمىس جانە جاپون تىلدەرىنە اۋدارىلىپ باسپادان شىقتى. ونى ءتىپتى دە قۋاندىراتىنى - 2016 - جىلى مەملەكەتتىك «گىسار» مادەنيەتىن قورعاۋ جانە زەرتتەۋ بازاسىنىڭ نىلقىدا رەسمي ماڭدايشالىق ءىلىنىپ قۇرىلۋى بولدى. وسىلايشا زەرتتەۋ بازاسى قۇرىلعاننان كەيىن، ۇيرەنەتىندەر دە كوبەيدى. فورماسىندا جاڭالىق جاراتىلعاننان كەيىن، تىڭدايتىندار دا كوبەيدى.

جاۋاپتى رەداكتور: گۇلدەن ماقسات قىزى