«بەيزاتتىق مادەنيەت مۇرالارىمىزدىڭ» ادال قورعاۋشىلارى

  • كەلۋ قاينارى: ىلە گازەتى
  • 05:03:27 01/08/2020

    سول كەزدەرى الەكساندر اتتەڭ مەنىڭ دە وزىمە ءتان گارمونىم بولسا دەگەندى ارماندايتىن. ءبىر جولى ول كورشىسىنىڭ ۇيىندە سيرەك كەزدەسەتىن باياننىڭ بار ەكەنىن، ونى 300 يۋانعا ساتپاقشى ەكەنىن ەستيدى. سونىمەن وسى باياندى ساتىپ الۋ ءۇشىن بىرنەشە اي ۇساق – تۇيەك جۇمىس تاۋىپ ىستەيدى. اقشاسىن ەندى تاۋىپ بولعاندا، كورشىسى تاعى دا باعانى 350 يۋانعا ءوسىرىپ الادى، الەكساندر امالسىزدان كوكەسىنەن 50 يۋان قارىز الىپ، 18 جاسقا شىققان سول جىلى ارمانداعان گارمونىنا قول جەتكىزەدى.

    ول: «سول كۇننەن باستاپ گارمونعا ‹عاشىق› بولعانىم سونشاما، ءار كۇنى ۇيگە شارشاپ بارعان سوڭ گارمون تارتتىم بولدى، ءبىر كۇنگى شارشاۋدى ۇمىتىپ قالاتىن بولدىم، ال ءبىر كۇن گارمون تارتپاسام جايسىز سەزىلەتىن بولدىم» دەيدى.

    رەفورما جاسالىپ، ەسىك اشىلعاننان كەيىن، الەكساندر گارمون جيناۋ جانە ساۋدالاۋ كاسىبىمەن شۇعىلدانادى. تاريحى ارىدا جاتقان كەرەمەت گارمونداردىڭ تاماشا ۇنىنەن ايىرىلىپ كەرەكتەن شىعىپ قالعانىن كورگەن ونىڭ ويىنا وسى گارمونداردى جيناپ الىپ، جوندەپ ساقتاسام قايتەدى دەگەن قيال كەلەدى. ونىڭ گارمون رەمونتتاۋ تەحنيكاسى جوعارى بولعاندىقتان، اتى دا ەل ءىشى – سىرتىنا كەڭ تارالدى، اۋەلى الەكساندىردىڭ گارمون جيناپ ساقتايتىنىن ەستىگەندەر الىستان ات ارىتىپ ونى ىزدەيتىن بولادى.

    بۇل كۇندەرى الەكساندر مىڭنان استام گارمون ساقتاپ وتىر، مۇنىڭ دەنى رەسەي، گەرمانيا، چەح سياقتى ەلدەردەن جيناپ اكەلىنگەن. ال ەلىمىزدە وندىرىلگەن 1 -، 2 -، 3 – ۇرپاق گارموندار دا تابىلادى. ول: «بۇزىلعان گارمونداردى جوندەپ، قايتا ‹سايراعاننان› كەيىن ساقتاپ قويامىن» دەيدى.

    بىرەۋ 20 ميلليون يۋانعا قولىنداعى بارلىق گارمونداردى ساتىپ بەرۋدى وتىنگەندە، كوپتەگەن دوستارى دا ساتىپ جىبەرۋدى ايتادى. ول بۇدان باس تارتىپ: «گارموندارىم قانشا اقشاعا جاراسا دا مۇلدە ساتپايمىن» دەيدى.

    ونىڭ ارمانىن جۇزەگە اسىرۋ ءۇشىن 2019 – جىلى قۇلجا قالالىق ۇكىمەت پەن جياڭسۋ ولكەسىنىڭ شينجياڭعا كومەك بەرۋ كەڭسەسى بىرلەسىپ 4 ميلليون يۋاننان استام قارجى شىعارىپ، التىشۋار ۇلتتىق سالت - سانا مادەنيەت كورمەسىنەن ول ءۇشىن گارمون مۇراجايىن اشىپ بەردى. سونىمەن ونىڭ 800 دەن استام قىزىقتى حيكاياعا تولى گارمونى مۇراجايعا قويىلدى.

    بيىل 1 – ايدان باستاپ ونىڭ قىزى ءانيا گارمون رەمونتتاۋ، گارمون شالۋ ونەرىن ۇيرەنە باستادى، ول تاعى تىكە تاراتۋ ءتاسىلى ارقىلى كورمەگە قويىلعان گارموندار مەن گارمون مادەنيەتىن ايگىلەۋ جونىندە ىزدەنە باستادى. ۇزاق ۋاقىت جيناپ ساقتاعان گارموندارىن تابىس ەتەتىن ادام دا تابىلدى. الەكساندىر: «مۋزىكانى بىلەتىن، تۇسىنەتىن ادامعا تاپسىرعانىما قاتتى قۋانىشتىمىن!» دەيدى.

جاۋاپتى رەداكتور: گۇلدەن ماقسات قىزى