ءۇرىمجى قالاسى تۇرعىنداردىڭ نەگىزگى تۇرمىسىنا قىزمەت وتەۋدى، قامتاماسىز ەتۋدى جاقسى ىستەدى

  • كەلۋ قاينارى: شينجياڭ گازەتى تورابى
  • 08:54:25 02/08/2020

 

     گازەتىمىزدىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 7 - ايدىڭ 31 - كۇنى ۇرىمجىدەن حابارلايدى. جاڭا تيپتى ايدارشا ۆيرۋس وكپە قابىنۋ ىندەتى قايتادان بەلەڭ بەرگەننەن كەيىن، ءۇرىمجى قالاسى جۇعۋ قاينارىن تۇبەگەيلى بوگەۋ، تارالۋ جولدارىن ءۇزۋ ءۇشىن، الەۋمەتتىك اۋماقتاردى جابىق كۇيدە باسقارۋ شاراسىن قولداندى. 7 - ايدىڭ 31 - كۇنى اۆتونوميالى رايوندىق ۇكىمەتتىڭ اقپارات كەڭسەسى اشقان ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىندە ءۇرىمجى قالالىق حالىق ۇكىمەتىنىڭ ورىنباسار باس حاتشىسى شاڭ يۇيلان بىلاي دەپ تانىستىردى: ءۇرىمجى قالاسى تاراۋلارداعى كادرلار مەن جۇمىسشى - قىزمەتكەرلەردى، الەۋمەتتىك اۋماق قىزمەتكەرلەرىن، ەرىكتى قىزمەت وتەۋ اترەتتەرىن، ت. ب بەلسەنە ۇيىمداستىرىپ، تۇرمىستىق قىزمەت وتەۋدى، قامتاماسىز ەتۋدى جاقسى ىستەپ، قالا تۇرعىندارىنىڭ نەگىزگى سۇرانىسىن قاناعاتتاندىردى.

    تۇرمىستىق قىزمەت وتەۋ، قامتاماسىز ەتۋ شارالارى مىنالاردى قامتيدى: تۇرعىنداردىڭ زاتتىق ماتەريالداردى ساتىپ الۋىنا كومەكتەسۋ، شاعىن اۋماق نەمەسە عيماراتتى بىرلىك ەتىپ ۋيچات توبىن قۇرۋ، الەۋمەتتىك اۋماقتاعى وتباسىلاردى كوتەرمەگە العان كادرلار تۇرعىنداردىڭ تالاپ - تىلەگىنە دەرەۋ جاۋاپ قايتارۋ، ۋيچات توبىنداعى كوكونىس، جەمىس - جيدەك، كۇرىش، ۇن، ماي، ەت، جۇمىرتقا، ءسۇت، سونداي - اق ءدارى - دارمەك، نارەستەلەردىڭ بۇيىمدارى سياقتى زاتتىق ماتەريالعا سۇرانىستى دەر كەزىندە ساناققا الۋ، ەرىكتىلەردى ءبىر تۇتاس ساتىپ الۋعا، تۇرگە ءبولىپ دوربالاۋعا ءارى جولىقپاۋ تاسىلىمەن ءبىر - بىرلەپ تۇرعىنداردىڭ ۇيىنە جەتكىزىپ بەرۋگە ۇيىمداستىرۋ؛ تۇرعىنداردىڭ شۇعىل ىستەرىن شەشۋ، پارتيا مۇشەلەرىنىڭ اۆانگارد ۇلگىلىك رولىن ساۋلەلەندىرۋ، تۇرعىنداردىڭ سۋ، توك، گاز كارتچكالارىنا اقشا قۇيۋ، قوقىر - قوقسىقتى جيناپ ءبىر جاقتى ەتۋ سياقتى ماسەلەلەردى شەشۋىنە بەلسەنە كومەكتەسۋ؛ تۇرعىنداردى پسيحيكالىق جەتەكتەۋدى كۇشەيتۋ، شاعىن اۋماقتىڭ ۋيچات توبى، ءۇي يەلەرىنىڭ QQ توبى، تەلەفون سياقتى تاسىلدەرمەن تۇرعىندارعا ىندەتتەن ساقتانۋعا قاتىستى ساياساتتار مەن عىلىم جالپىلاستىرۋ بىلىمدەرىن ۇگىتتەۋ، پسيحيكالىق كومەك، جەتەكتەۋ، قىزمەت وتەۋدى بەلسەنە ورىستەتۋ، پسيحيكالىق سالاماتتىق بىلىمدەرىن جالپىلاستىرۋ، تۇرعىنداردىڭ كوڭىل كۇيدى ورنىقتىرىپ، ىندەتتەن ساقتانۋ - تىزگىندەۋ قىزمەتىن تۇسىنۋىنە، سايكەسۋىنە كومەكتەسۋ.

    ءۇرىمجى قالاسى ەرەكشە قاۋىمعا كوڭىل ءبولۋدى، قامقورلىق جاساۋدى كۇشەيتىپ، قالا، اۋىلدارداعى ەڭ تومەنگى تۇرمىسى قامتاماسىزداندىرىلاتىندارعا، تومەن كىرىستى وتباسىلارعا، سونداي - اق ۇيدە قالعان قارتتار سياقتى قيىنشىلىعى بار بۇقاراعا مەيىرگە تولى كوكونىس، ماي، كۇرىش، ۇن سياقتى تۇرمىستىق زاتتىق ماتەريالداردى دەر كەزىندە جەتكىزىپ، ماسكى، زارارسىزداندىرۋ سۇيىقتىعى سياقتى قورعانۋ بۇيىمدارىمەن تەگىن قامدادى؛ جۇكتى ايەلدەر، بالالار، سونداي - اق سوزىلمالى ناۋقاسى بارلار، قان ءسۇزدىرۋدى قاجەت ەتەتىندەر سياقتى شيپاگەرگە قارالۋعا مۇقتاج ەرەكشە قاۋىمعا بارلىق جاعدايدا دا ءدارى - دارمەكتى وكىلەتتى ساتىپ الىپ بەرۋ، شيپاگەرگە اپارىپ ارنايى ەمدەتۋ سياقتى قىزمەتتەر كورسەتتى.

جاۋاپتى رەداكتور: گۇلدەن ماقسات قىزى