سەنىمدى بەكەمدەپ، تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن ورىنداۋعا قۇلشىنايىق

  • كەلۋ قاينارى: ىلە گازەتى
  • 02:47:37 03/08/2020

  

    − كەزەكتەگى ەكونوميكالىق قىزمەتتى جاقسى ىستەۋ جونىندە

    حالىق گازەتىنىڭ شولۋشىسى

 

    سەنىمدى بەكەمدەپ، قيىندىقتان تايسالماي العا ۇمتىلىپ، ەرلىكپەن العا ىلگەرىلەپ، كۇشتى شوعىرلاندىرىپ، ءوز ءىسىمىزدى جاقسى ىستەۋ − ءبىزدىڭ ءار ءتۇرلى حاۋىپ – قاتەر، سىن – سايىستاردى جەڭۋىمىزدىڭ، بەلگىلەنگەن نىسانالاردى، مىندەتتەردى جۇزەگە اسىرۋىمىزدىڭ تەتىگى.

    7 – ايدىڭ 30 – كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشىپ، كەزەكتەگى ەكونوميكالىق جاعدايعا تالداۋ جاسادى جانە ونى اقىلداستى، سوڭعى جارتى جىلدىق ەكونوميكالىق قىزمەتتى ورنالاستىردى. ماجىلىستە بىلاي دەپ باسا دارىپتەلدى: سوڭعى جارتى جىلدىق ەكونوميكالىق قىزمەتتى ويداعىداي ىستەۋدە ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، ىندەتتەن ساقتانۋ – تىزگىندەۋ جانە ەكونوميكالىق، قوعامدىق دامۋ قىزمەتىن اناعۇرلىم ويداعىداي ءبىر تۇتاس جوسپارلاپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى تەرەڭدەتۋگە تاباندى بولىپ، ىشكى سۇرانىستى كەڭەيتۋ سىندى ستراتەگيالىق نەگىزگى ءتۇيىندى مىقتاپ يگەرىپ، بازار تۇلعالارىنىڭ ومىرشەڭدىگىن زور كۇشپەن قورعاپ جانە قاۋلاتىپ، «التىنى ورنىقتىرۋ» قىزمەتىن تىڭعىلىقتى، ويداعىداي ىستەپ، «التىنى قامتاماسىز ەتۋ» مىندەتىن جالپى بەتتىك تياناقتاندىرىپ، ەكونوميكانىڭ جوعارى ساپالى دامۋىن ىلگەرىلەتىپ، قوعام ورنىقتىلىعى كەلەلى جاعدايىن قورعاپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن ورىنداۋعا قۇلشىنۋ كەرەك.

    جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، بۇكىل ەلدە جوعارىدان تومەنگە دەيىن بىرگە قۇلشىنۋدىڭ ناتيجەسىندە قازىر ەلىمىز ىندەتتەن ساقتانۋ – تىزگىندەۋدە كەلەلى ستراتەگيالىق تابىسقا قول جەتكىزدى، ەكونوميكالىق دامۋدا ورنىقتى جاقسارۋ اۋقىمى جارىققا شىقتى. بيىل 2 – توقساندا ەكونوميكا 2.3% ارتىپ، ارتۋ جىلدامدىعى قۇلدىراۋدان ورلەۋگە ءوتىپ، قالىپتى ارناعا قايتا ءتۇسىپ، مەجەدەگىدەن كورنەكتى جاقسى بولدى؛ 2 – توقساندا ءتۇرلى كورسەتكىشتەردە شەكتىك جاقسارۋلار بولدى، كولەمنەن جوعارى ونەركاسىپتىڭ ارتۋ قۇنىنىڭ، قىزمەت وتەۋ كاسىبىنىڭ ارتۋ قۇنىنىڭ ءبارى قۇلدىراۋدان ورلەۋگە بەت الدى، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنىڭ، تۇراقتى مۇلىككە قوسىلاتىن قارجىنىڭ تومەندەۋ كولەمى زور دارەجەدە تارايدى؛ 7 – ايدا جۇڭگونىڭ جاساۋ كاسىبىنىڭ ساتىپ الۋ كورسەتكىشى 1.51% بولىپ، ۇدايى 5 اي بويى اۋىسىمدىق نۇكتەدەن جوعارى ورىن الدى. سونىمەن بىرگە، ءۇش ءىرى قامال الۋ شايقاسى تىڭعىلىقتى ىلگەرىلەتىلدى، ەكونوميكالىق قۇرىلىم ۇزدىكسىز ساپالىلاندى، كاسىپ سالاسىنىڭ سيفرلانىپ، زەردەلىلەنىپ تيپىن وزگەرتۋى كورنەكتى تەزدەدى، رەفورما جاساۋ، ەسىك اشۋ ۇزدىكسىز تەرەڭدەپ، حالىق تۇرمىسى پارمەندى قامتاماسىز ەتىلدى. ىندەتتەن ساقتانۋ – تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدا قول جەتكەن ناتيجەلەر پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دۇرىس ەكەندىگىن، پارتيا باسشىلىعىنىڭ بەرىك، پارمەندى بولعاندىعىن، ەلىمىز ەكونوميكاسىنىڭ سەرپىمدىلىگىنىڭ مىعىم ەكەندىگىن، جۇڭگو حالقىنىڭ ۇلى جاسامپازدىق قۋاتقا، جۇڭگوشا سوتسياليستىك ءتۇزىمنىڭ قۋاتتى ومىرشەڭدىك كۇشكە يە ەكەندىگىن بەينەلەدى.

جاۋاپتى رەداكتور: گۇلدەن ماقسات قىزى