سەنىمدى بەكەمدەپ، تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن ورىنداۋعا قۇلشىنايىق

  • كەلۋ قاينارى: ىلە گازەتى
  • 02:47:37 03/08/2020

    كەزەكتە جانە الداعى ءبىر مەزگىلدە ەلىمىزدىڭ دامۋى ءالى دە ستراتەگيالىق وراي مەزگىلىندە تۇرادى، الايدا وراي مەن سىن – سايىستاردىڭ بارلىعىندا جاڭا دامۋ، وزگەرىس بولادى. كەزەكتەگى ەكونوميكالىق جاعداي ءالى كۇردەلى دە قاتاڭ، ورنىقسىزدىق، تۇراقسىزدىق ءبىرشاما زور، ءبىز جولىققان كوپتەگەن ماسەلەلەر ورتا، ۇزاق مەرزىمدىك ماسەلەلەر، بۇل ماسەلەلەردى، ءسوز جوق، ۇزاققا سوزىلاتىن سوعىس جۇرگىزۋ تۇرعىسىنان تانۋ كەرەك ءارى ەلىمىزدىڭ دامۋىندا كوپ جاقتى باسىمدىقتار مەن شارت – جاعدايدىڭ بار ەكەنىن كورە ءبىلۋىمىز كەرەك. پارتيا ورتالىق كوميتەتىنىڭ پارمەندى باسشىلىعى، جۇڭگوشا سوتسياليستىك ءتۇزىمنىڭ كورنەكتى ابزالدىعى، قۋاتتى اتتانىسقا كەلتىرۋ قابىلەتى مەن مىعىم جالپىلىق قۋاتى، الەمدەگى ەڭ كەمەلدى، كولەمى ەڭ ۇلكەن ونەركاسىپ جۇيەسى، قۋاتتى ءوندىرىس قابىلەتى، كەمەلدى سايكەستىرۋ قابىلەتى، سانى ەرەسەن مول دارىندىلار قوسىنى، ءبىر ميلليارد 400 ميلليون ادامنان قالىپتاسقان ەرەكشە كەڭ كولەمدى ىشكى سۇرانىس بازارى جانە وراسان زور دامۋ سەرپىمدىلىگى، كومەسكى كۇشى مەن مۇمكىندىگى تۇرعاندا، ءبىز ەكونوميكانىڭ ورنىقتىلىق بارىسىندا جاقسارۋعا بەت الۋ، ۇزاق ۋاقىت جاقسارۋعا بەت الۋىنىڭ نەگىزگى اۋقىمىن بۇكىلدەي نىعايتىپ، داعدارىس بارىسىندا تىڭ وراي جەتىلدىرىپ، وزگەرىس بارىسىندا جاڭا جاعداي اشا الامىز.

    كەزەكتەگى ەكونوميكالىق قىزمەتتى جاقسى ىستەپ، تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن ورىنداۋعا قۇلشىنۋ ءۇشىن، ءسوز جوق، يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرۋ كەرەك. ەل ىشىندەگى ۇلكەن اينالىمدى نەگىزگى تۇلعا ەتكەن، ەل ءىشى مەن حالىقارا سىندى ەكى اينالىم ءبىرىن – ءبىرى جەبەيتىن جاڭا دامۋ ارناسىن جەدەل قالىپتاستىرىپ، ىندەتتەن ساقتانۋ – تىزگىندەۋ مەن ەكونوميكالىق، قوعامدىق دامۋ قىزمەتىن ورتا، ۇزاق مەزگىل بويىنشا سايكەستىرۋ مەحانيزمىن ورناتىپ، قۇرىلىمدى رەتتەۋدىڭ ستراتەگيالىق بەتالىسىنان جازباي، عىلىم – تەحنيكادا جاڭالىق اشۋعا اناعۇرلىم كوپ سۇيەنىپ، ماكرولىق رەتتەۋ – مەڭگەرۋدىڭ پەريود اتتاعان جوبالانۋى مەن رەتتەلۋىن كەمەلدەندىرىپ، ارتۋدى ورنىقتىرۋ مەن حاۋىپ – قاتەردەن ساقتانۋدىڭ ۇزاق ۋاقىت تەڭگەرىمدى بولۋىن جۇزەگە اسىرۋ كەرەك. ەل ىشىندەگى ايرىقشا كەڭ كولەمدى بازار باسىمدىعىن تولىق ساۋلەلەندىرىپ، ىشكى سۇرانىستى قاناعاتتاندىرۋدى دامۋدىڭ شىعار ءتۇيىنى جانە تابان تىرەر تياناعى ەتىپ، كەمەلدى ىشكى سۇرانىس جۇيەسىن جەدەل قۇرىپ، ءوندىرۋ، ءبولۋ، اينالىم، تۇتىنۋ بۋىندارىن كۇش سالا اشىپ، كاسىپ سالاسى تىزبەگىنىڭ، قامداۋ تىزبەگىنىڭ وسىزاماندانۋ دەڭگەيىن جوعارىلاتىپ، بولاشاق دامۋدىڭ جاڭا باسىمدىعىن قالىپتاستىرۋ كەرەك.

    دۇنيە جۇزىندەگى كۇردەلى ىستەرگە كوپ نەگىزبەن توتەپ بەرىپ، جورىققا شىعۋ دابىلىن قاعىپ، كەمەنى ورنىقتى جۇرگىزۋ كەرەك. كەلەر جىلدان باستاپ، ەلىمىز «14 – بەس جىلدىق» كەزەڭىنە وتەدى، بۇل ەلىمىز جاپپاي دوڭگەلەك داۋلەتتى قوعام ورناتقاننان، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن قولايلى ساتتە قيمىلداپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋىنىڭ، ەكىنشى 100 جىلدىق كۇرەس نىساناسىنا شەرۋ تارتۋىنىڭ ءبىرىنشى بەس جىلدىعى. العا ىلگەرىلەۋ جولىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋىمىز كەرەك، بىزدە سىن – سايىسقا توتەپ بەرەتىن مىعىم بەكىم، بۇلجىماس جىگەر، بەرىك مەملەكەت قۋاتى بار، ءتۇرلى حاۋىپ – قاتەردى، سىناقتى جەڭەتىن جەتكىلىكتى قايرات، قابىلەت، اقىل – پاراسات بار، جۇڭحۋا ۇلتىنىڭ ۇلى گۇلدەنۋدى جۇزەگە اسىرۋىنىڭ تاريحي اياق الىسىنا ەشقانداي مەملەكەت، ەشقانداي ادام بوگەت بولا المايدى.

جاۋاپتى رەداكتور: گۇلدەن ماقسات قىزى