ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزەيىك

  • كەلۋ قاينارى: ىلە گازەتى
  • 02:50:30 03/08/2020

 

    شينجياڭ گازەتىنىڭ شولۋشىسى

 

    ىندەت دەگەنىمىز بۇيرىق، ساقتانۋ - تىزگىندەۋ دەگەنىمىز جاۋاپكەرلىك. ۇرىمجىدە جاڭا تيپتى ايدارشا ۆيرۋس وكپە قابىنۋ ىندەتى قايتا تۋىلعاننان بەرى اۆتونوميالى رايوندىق پارتكوم مەن ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىردى، تياناقتاندىردى، بۇكىل رايونداعى پارتيا، ۇكىمەت، ارميا، ساقشى، بيڭتۋان، حالىق شۇعىل ءۇن قوسىپ، سايكەسە بىرلەسىپ قيمىلدادى، قالىڭ مەديتسينا قىزمەتكەرلەرى قالتقىسىز ۇلەس قوسىپ، ەرلىكپەن شايقاس جاسادى، ءار ۇلت بۇقاراسى كەلەلى جاعدايمەن ساناسىپ، ەل بىرلىگىنەن بەرىك قامال تۇرعىزىپ، ۋاقىتپەن جارىسىپ، اۋرۋمەن ايقاسىپ، ىندەتتىڭ تارالۋىن، ءورشۋىن باتىل اۋىزدىقتادى، ساقتانۋ - تىزگىندەۋ قىزمەتى پارمەندى، ءتارتىپتى تۇردە ورىستەتىلدى. بۇكىل رايوندا جوعارىدان تومەنگە دەيىن، اسىرەسە، ءۇرىمجى قالاسى ىندەتتەن ساقتانۋ - تىزگىندەۋدى كەزەكتەگى ەڭ ماڭىزدى، ەڭ كوكەيتەستى مىندەت رەتىندە يگەرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن سالاماتتىعىن باتىل قورعاۋى كەرەك.

    ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋدە، ءسوز جوق، تومەنگى شەكتە ويلاۋدى كۇشەيتىپ، جاۋاپكەرلىك سەزىمدى، كوكەيتەستىلىك سەزىمدى كۇشەيتۋ كەرەك. كەزەكتەگى ىندەتتەن ساقتانۋ - تىزگىندەۋ جاعدايىنىڭ ءالى دە اۋىر، كۇردەلى ەكەنىن، ساقتانۋ - تىزگىندەۋدىڭ ەڭ ماشاقاتتى شەشۋشى كەزەڭدە تۇرعانىن كورە ءبىلىپ، قيىنشىلىقتاردى نەعۇرلىم تولىق ويلاستىرىپ، جاعدايدى نەعۇرلىم اۋىر مەجەلەپ، شارالاردى نەعۇرلىم جان - جاقتى بەلگىلەپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگىنە بارىنشا جاۋاپتى بولۋ پوزيتسياسىندا بولىپ، قايتپاس قايسارلىقپەن، قامال الىنبايىنشا شەپتەن قايتپايتىن جىگەرمەن ىندەتتەن ساقتانۋ - تىزگىندەۋ قىزمەتىن بار كۇشپەن ويداعىداي يگەرۋ كەرەك.

    ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋدە، ءسوز جوق، ساقتانۋ - تىزگىندەۋ شارالارىن ناقتى، ەگجەي - تەگجەيلى باتىل تياناقتاندىرۋ كەرەك. بۇكىل شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، ءۇرىمجى قالاسىن ءتۇيىن ەتىپ، بۇكىل رايون سايكەسە بىرلەسىپ قيمىلدايتىن ىندەتتەن ساقتانۋ - تىزگىندەۋ جۇيەسىن ونان ارى كەمەلدەندىرۋ؛«ءتورت ەرتە بولۋدى» باتىل ورىنداپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن قاتاڭ تياناقتاندىرىپ، ىندەتتىڭ ءورشۋىن، جايىلۋىن باتىل اۋىزدىقتاۋ؛ الەۋمەتتىك اۋماقتى باسقارۋدى كۇشەيتىپ، ساقتانۋ - تىزگىندەۋ شاراسىن شىن مانىندە وتباسىلارىنا، ادامدارعا دەيىن تياناقتاندىرىپ، ىندەتتەن ساقتانۋ - تىزگىندەۋدىڭ بەرىك قامالىن تۇرعىزۋ؛ ناۋقاستاردى بار كۇشپەن قۇتقارىپ، ەمدەپ، «ءتورتتى شوعىرلاندىرۋعا» تاباندى بولىپ، وتكەلدى العا جىلجىتىپ، جۇڭگوشا، باتىسشا شيپاگەرلىكتى ۇشتاستىرىپ، كوپ پانگە بىردەي ءمان بەرىپ، اناعۇرلىم كوپ ناۋقاستىڭ تەزىرەك جازىلىپ شيپاحانادان شىعۋىنا مۇمكىندىك جاساۋ؛ ەمدەۋ - كۇتىمدەۋ قىزمەتكەرلەرىنە كوڭىل ءبولىپ، قامقورلىق جاساپ، اق حالاتتى پەرىشتەلەردىڭ دەنە جانە كوڭىل كۇي اقاۋسىزدىعىن ويداعىداي قورعاۋ كەرەك.

جاۋاپتى رەداكتور: گۇلدەن ماقسات قىزى